Қазіргі заманда мектепке дейінгі білім беру жүйесі қоғамның әлеуметтік мәдени және экономикалық дамуының маңызды бөлігіне айналып отыр. Бала тұлғасының қалыптасуы мен дамуы осы кезеңнен бастау алатындықтан, мектепке дейінгі ұйымдарда сапалы білім мен тәрбие беру басты міндеттердің бірі болып табылады. Бұл міндетті жүзеге асыруда ұйым меңгерушісінің рөлі ерекше. Ол тек басқарушы ғана емес, сонымен қатар педагогикалық үдерісті ұйымдастырушы, ұжымның кәсіби дамуына бағыт беруші, заманауи білім мазмұнын тиімді енгізуші тұлға. Сондықтан меңгерушінің кәсіби құзыреттілігін дамыту — білім беру сапасын арттырудың негізгі тетігі болып табылады. Ұсынылып отырған әдістемелік нұсқаулық мектепке дейінгі ұйым меңгерушілерінің кәсіби құзыреттілігін жетілдіруге, басқару мәдениетін арттыруға, педагогикалық үдерісті заманауи талаптарға сай ұйымдастыруға бағытталған. Бағдарламада инновациялық тәсілдер, тәжірибеге негізделген әдістемелер және заманауи педагогикалық технологиялар қамтылған. Бұ