Мектепке дейінгі тәрбие білім бастауы

12 желтоқсан күні мектепалды дайындық және шағын орталық бірлестігінің ұйымдастыруымен «Мектепке дейінгі тәрбие – білім бастауы» тақырыбында мектепішілік семинар болып өтті.Семинардың мақсаты: Мектепке дейінгі балалардың  қабілетін дамыта  отырып , өзіндік дамуға даяр,  өзін таныта алатын және  өзі үшін  де,  қоғам үшін  де бар мүмкіндігін пайдаланатын шығармашыл, құзіретті  тұлғаны тәрбиелеудегі ерекшелікті көрсету.Семинарға ұстаздар ,ата-аналар қатысты.Шағын орталық тәрбиешілері Жазықбаеваның Дене шынықтырудан «Менің Қазақстаным» тақырыбындағы оқу қызметі , Самалихова Сауленің Жаратылыстанудан «Менің Қазақстаным» тақырыбындағы оқу қызметі,Жанұзақова Жанардың Сөйлеуді дамытудан «Көліктер» тақырыбындағы оқу қызметі, мектепалды даярлық сыныбынан Қалуова Рузияның Сауат ашудан «Ұшты-ұшты ойнаймыз!»,Ұұ дыбысы мен әрпі және Изимова Гулбаршынның бес сала бойынша кіріктірілген «Біз білімді ұрпақпыз»оқу қызметтері әріптестер арасында көрсетілді.Семинарда дөңгелек үстел ұйымдастырылып,онда мектеп психологі Хамзина Гүлжамал «Біз бір ұжым» тақырыбында тренинг өткізіп,оқу ісінің меңгерушісі Нұртілесова Назгүл қорытындылап марапаттады. «Сабақ беру-үйреншікті жай шеберлік емес, ол үнемі жаңадан жаңаны табатын өнер»-деп Жүсіпбек Аймауытов атамыз айтқандай үйренген жаңалығымызды қолдана білуіміз- ол әр ұстаздың өз еншісінде.Тәрбиешінің міндеті бүлдіршіндерді   жан-жақты  дамыта  тәрбиелеу. Баланың қимыл-қозғалысы  жеткілікті болғанда ғана  денесі  қалыпты  дамиды. Сыныпта өткізілетін ертеңгілік жиындар,  шаттық шеңбері  ,сергіту жаттығулары  осы  талаптарды  көздейді.Ойын әрекеті  барысында  балалардың  ой-өрісі қалыптасып  ,сан  қырлы іс-әрекеттері  дамып, жеткіншектердің жан-жақты дамуына жол ашады. Балаларда  өздерін  қоршаған ортаға деген  қызығушылық  сезім қалыптасады. Өз ойларын  ашық , еркін білдіруге үйренеді.Тәрбиеші балаларды отанын  сүюге ,елін, жерін  қорғауға  тәрбиелейді.Әсіресе  сауат ашу,  тіл дамыту сабақтарында жаңа технология элементтерін көптеп пайдаланымыз Баланың дұрыс сөйлеуін және ана тілінде қарым-қатынас мәдениетін дамыту,  ана  тілінің  дыбыстарын  танып, дұрыс айтуды үйрету,оқуды меңгерту басты мақсат. Адамгершілік құндылық бағдарын, мінез-құлық нормасын, тәртіптік ережесін халықтық салт- дәстүр үлгісінде қалыптастыру бүгінгі күннің талабы. Тәрбие мен білімнің алғашқы дәні мектепке дейінгі оқу қызметінде жүзеге асады.Сондықтан саналы да.сапалы ұрпақ тәрбиелеу өз қолымызда әрине ол тәрбиешінің талмай ізденуінен нәтиже берері сөзсіз. Жас ұрпақтың саналы да сапалы білім алуының бірден- бір шарты:тәрбиеші-педагогтің ізденімпаз болуы,себебі еліміздің болашағы бүгінгі жас ұрпақтың білім деңгейімен өлшенеді.Сондықтан сабақты яғни оқу қызметін жаңаша құрып, түрлі әдіс-тәсілдерді өңдеп нәтижелі пайдалану тәрбиеші-педагогтің міндеті болуы керек.Қорыта айтқанда, біздің міндетіміз-бала бойында жасырынып жатқан мүмкіндіктерді ашып дамыту .