Мектепте дене тәрбиесі жөніндегі жұмыстарды жоспарлау.Жылдық,тоқсандық жоспар,күнделікті сабақ жоспары.

Дәріс № 38

Тақырып: Мектепте дене тәрбиесі жөніндегі жұмыстарды жоспарлау.Жылдық,тоқсандық жоспар,күнделікті сабақ жоспары.

Жоспар:

1.Дене тәрбиесінің міндеттері

2.Дене тәрбиесінің жоспарлары

Жас ұрпақтың жалпы дене қуатын дамыту үшін, үлкен өмірге, еңбек етуге, Отан қорғауға дайындау үшін, олардың мектепте оқыған кезеңдерінде мынандай негізгі міндеттерді орындауымыз керек:

- денсаулықтарын нығайту, мүсін түзулігін қалыптастыру, ағзаларын дамыту және шынықтыру.

- негізгі қозғалыс ептілігі мен дағдысын қалыптастыру, ағзаларын дамыту және шынықтыру.

- жігер, күш, дене қуаты қасиеттерін дамыту, жеке және қоғамдық гигиена дағдырларына үйрету.

Барлық міндеттерді орындауың негізгі амалы дене тәрбиесі жаттығулары мен теориялық білім. Ол амалдар дене тәрбиесі сабағында, оқу күні ішіндегі дене тәрбиесінің сауықтыру шараларында (сабаққа дейінгі гимнастика, ұзақ үзілстегі қозғалмалы ойындар мен дене жаттығулары, сергектік сәттер) және сабақатан тыс уақыттардағы сыныптан тыс жұмыстар орындалады.

Дене тәрбиесі үрдісі күрделі, әр жақты және мектептің басқа оқу тәрбие жұмыстарымен өте тығыз байланысты болғандықтан, ол терең ой толғаныстарын, көлемді біліктілікті керек етеді. Дене тәрбиесі міндеттерін дұрыс түсінген мұғалім жеке оқушылардың таңдап алған спорт түрлерінен жоғарғы жетістіктерге жетуін ғана емес, барлық оқушылардың денсаулықтарын нығайту, қозғалыс ептілігі мен дағдыларын қалыптастыру арқылы оларды үлкен өмірге дайындайды. Мұғалім оқушыларды тұрақты, жүйелі дене жаттығуларымен шұғылдануға үйретеді.[1]

Осы барлық міндеттерді дұрыс бағдарлау, ұйымдастыру, орындау үшін мақсатты түрде жақсы, шебер жоспарлай білу қажет. Дұрыс ойластырылған барлық жұмыстар келісілген жоспар, жүйелі, тиянақты жұмыс тудырады.

Жалпы білім беретін мектептердегі жоспарлау құжаттары: жалпы дене тәрбиесі және спорт жұмыстары жоспары және дене тәрбиесінің сабақтарынің жоспары деп екіге бөлінеді.

13.2 Дене тәрбиесі және спорт жұмыстарының жалпы жылдық жоспары[2]

Оны дене тәрбиесі мұғалімі оқу жылының басталуына дейін құрастырады. Жалпы жылдық жоспар мынандай бөлімдерге бөлінеді:

1. Ұйымдастыру жұмыстары.

2. Оқу жұмыстары.

3. Күн тәртібіндегі дене тәрбиесі сауықтыру шаралары.

4. Сабақтан тыс уақыттардағы спорттық көпшілік жұмыстары.

5. Үгіт-насихат жұмыстары.

6. Дәрігерлік бақылау және тазалық тексерулер.

7. Шаруашылық жұмыстары.

19-кесте - Дене тәрбиссі жұмыстарының жалпы жылдық жоспары

Осы дене тәрбиесі және спорттық жұмыстардың жылдық жоспарын жалпы білім беру мектептеріндегі дене мәдениеті ұжымының төрағасы мектеп директоры бекітіп, оның жұмыстарын ұжым кеңесі, барлық ұжым мүшелері біріге, жұмыла орындаулары керек. [3]

Қорытынды: Дене тәрбиесі бойынша сыныптан тыс жұмыстардың міндеттері: баланың денсаулығын нығайтуға көмектесу; ағзаны шынықтыру, оқушылардың жан-жақты өсіп жетілуіне, дене шынықтырудық оқу бағдарламасын ойдағыдай меңгеруге көмектесу; балаларды дене шынықтыру және спортпен үнемі шұғылдануға әдеттендіру; қозғалыс дағдысын тәрбиелеу.

Дене шынықтыру мен спорт жөніндегі сыныптан тыс жұмыстың негізгі формалары: секциялары мен үйірмелердегі сабақтар спорт жарыстары, серуендер, туристік жорықтар, дене шынықтыру және спорт мейрамдары.

Серуендер мен жорықтарды балалардың табиғат туралы білімдерін толықтыра алатындай тамаша адамдардық әңгімелерін ести алатындай жерде белгіленген жөн.

Пайдаланылған әдебиеттер:

1. Е.Қ. Уанбаев Спорт және дене тәрбиесі пәнін оқыту әдістемесі, оқу құралы.-Өскемен, 2014.

2. Ұ. Мұхаметжанова Дене шынықтыру пәнін оқыту әдістемесі. –Астана, 2017

3. С. Тайжанов А. Қарақов Дене тәрбиесі. – Алматы.:Эверо, 2010. - 424б