Павлодар облысын білім беру басқармасы

Ақсу қаласы білім беру бөлімінің

«Жамбыл орта мектебі» КММ

мектеп басшысының оқу ісі жөніндегі орынбасары

ТЕМИРАЛИНА ГУЛНАРА БОЛАТОВНА

Мектептегі әдістемелік жұмыс –

білім сапасын арттырудың негізгі факторы

Мектептегі әдістемелік жұмыс – педагогтердің кәсіби шеберлігін арттырудың, оқыту сапасын жақсартудың және білім алушылардың оқу жетістіктерін көтерудің маңызды құралы болып табылады. Әдістемелік жұмыстың жүйелі және мақсатты түрде ұйымдастырылуы мұғалімдердің кәсіби құзыреттіліктерін дамытуға, заманауи білім беру талаптарына сай жұмыс істеуіне, сондай-ақ білім сапасының тұрақты өсуіне мүмкіндік береді.

Оқу жылы барысында «Жамбыл орта мектебі» КММ-де білім беру сапасын арттыруға бағытталған кешенді әдістемелік жұмыс жүргізілді. Бұл жұмыс педагогтердің тәжірибесін жетілдіруге, жаңа әдіс-тәсілдерді меңгеруге және оларды оқу үдерісінде тиімді қолдануға бағытталды. Әдістемелік жұмыстың негізгі формалары ретінде әдістемелік семинарлар, коучингтер, шеберлік сыныптары, сабақтарға қатысу және талдау, сондай-ақ әдістемелік бірлестіктердің жұмысы бекітілген жоспар бойынша ұйымдастырылды.

Ә дістемелік семинарлар барысында педагогтер заманауи білім беру жүйесіндегі өзекті мәселелерді қарастырды. Атап айтқанда, оқытудың тиімді әдістері, цифрлық білім беру ресурстарын пайдалану, функционалдық сауаттылықты қалыптастыру, саралап оқыту және бағалау жүйесін жетілдіру мәселелері талқыланды. Амиржанова А.Б. биология пәні мұғалімі, Ахтанов Т.С. химия пәні мұғалімі, Азнабаева Г.К. информатика пәні мұғалімі, Нурумова А.Б. география пәні мұғалімі, Самархан Е. тарих пәні мұғалімі, Жумагулова А.С. информатика пәні мұғалімі, Темиргалиев Ж.Т. физика пәні мұғалімі, Темиргалиева Г.К. ағылшын пәні мұғалімі өз тәжірибелерімен бөлісті. Семинарлар теория мен практиканы ұштастыра

о тырып өткізілді, бұл мұғалімдердің алған білімдерін тікелей тәжірибеде қолдануына мүмкіндік берді.Коучингтер педагогтердің кәсіби дамуына ықпал ететін тиімді құрал ретінде қолданылды. Коучинг барысында мұғалімдер өз тәжірибелерін талдап, рефлексия жасап, жаңа әдістерді меңгерді. Сонымен қатар, коучингтер мұғалімдердің сыни ойлау дағдыларын дамытуға, оқыту үдерісін жаңаша ұйымдастыруға, оқушылардың белсенділігін арттыруға бағытталды. Бұл жұмыс түрі педагогтердің бірлескен әрекетін күшейтіп, тәжірибе алмасуға жағдай жасады.Шеберлік сыныптары педагогтердің үздік тәжірибесін таратуға бағытталды. Тәжірибелі мұғалімдер өздерінің тиімді әдістері мен инновациялық тәсілдерін әріптестеріне көрсетті. Аскер У. тарих пәні мұғалімі, Мухташ Х., Хуанган Д., Авайхан Ж., Наби Ж., Касымова Ю.З. бастауыш сынып мұғалімдері шеберлік сыныптары барысында нақты сабақ үлгілерін, тапсырмалар жүйесін, оқыту стратегияларын ұсынып, оларды қолдану жолдарын түсіндірді.

С онымен қатар, келесі тәжірибелі педагогтер өз пәндері бойынша әдістемелік құралдар, дидактикалық материалдар мен тапсырмалар жинақтарын дайындап, әріптестерімен бөлісті: "Оқушыларды поэзиялық байқауларға дайындаудың тиімді жолдары" қазақ тілі және әдебиет пәні мұғалімі Мустафанова Б.М., "Тоқыма мозаика техникасында тігін бұйымдарының дизайны" технология пәні мұғалімі Азнабаева Г.К., "Қазақстан тарихы пәнінен 6-сыныпқа арналған дидактикалық материалдар" тарих пәні мұғалімі Самархан Е., "Қызықты математика әлемінде" бастауыш сынып мұғалімі Хуанган Д., "Бастауыш сыныпта білім алушылардың оқу сауаттылығын қалыптастыру жолдары" бастауыш сынып мұғалімі Минап Г. Бұл педагогтердің кәсіби өсуіне және сабақ беру сапасын арттыруға оң әсерін тигізді.

Әдістемелік жұмыстың маңызды бағыттарының бірі – сабақтарға қатысу және талдау жүргізу болды. Мектеп әкімшілігі мен педагогтер бір-бірінің сабақтарына қатысып, тәжірибе алмасты. Сабақтарды талдау барысында мұғалімдердің күшті жақтары анықталып, жетілдіруді қажет ететін тұстар белгіленді. Әр сабақтан кейін кері байланыс беріліп, әдістемелік ұсыныстар жасалды. Бұл жұмыс мұғалімдердің кәсіби дамуына және оқыту сапасының жақсаруына ықпал етті.

Мектепте әдістемелік бірлестіктердің жұмысы жүйелі түрде ұйымдастырылды. Атап айтқанда, мектепте келесі әдістемелік бірлестіктер жұмыс істейді:

• жаратылыстану-математикалық ӘБ;

• қоғамдық-гуманитарлық ӘБ;

• дене шынықтыру, спорт және өнер ӘБ;

• бастауыш сынып ӘБ;

• мектепке дейінгі оқыту ӘБ.

Әрбір әдістемелік бірлестік оқу жетістіктеріне талдау жасап, проблемалық мәселелерді анықтап, оларды шешу жолдарын қарастырды. Бірлестіктердің отырыстарында оқу бағдарламаларын іске асыру, бағалау жүйесін жетілдіру, білім сапасын арттыруға бағытталған іс-шаралар жоспарланды. Сонымен қатар, мұғалімдер тәжірибе алмасып, тиімді әдістерді ортаға салды. Педагогтер өз жұмыстарымен әдістемелік және педагогикалық отырыстарда бөлісті. «Үшбұрыштың негізгі формулаларын қолдану» тақырыбы бойынша Слай Х. (математика пәні мұғалімі), «Великобританияға саяхат» тақырыбында Казахбаева Б.У. (ағылшын тілі пәні мұғалімі), «Ойна да, ойлан» тақырыбында Абайдинова А.М. (шағын орталық тәрбиешісі), «Бастауыш сынып оқушыларына арналған қозғалмалы ойындар» жинағымен Ахтанова Р. (дене шынықтыру мұғалімі) таныстырды.

Жүргізілген әдістемелік жұмыстың нәтижесінде білім сапасында оң динамика байқалды. Оқу жылының басында білім сапасы 54,4% құраса, екінші т оқсанда бұл көрсеткіш 70,7%-ға дейін артты, ал үшінші тоқсанда 74,8%-ға жетті. Бұл көрсеткіштер мектепте жүргізілген жүйелі және мақсатты әдістемелік жұмыстың тиімділігін дәлелдейді.

Білім сапасының артуы педагогтердің кәсіби деңгейінің жоғарылағанын, оқыту әдістерінің жетілдірілгенін және оқу үдерісінің тиімді ұйымдастырылғанын көрсетеді. Сонымен қатар, оқушылардың оқу мотивациясының артуы, сабақтарға белсенді қатысуы және білімді саналы түрде меңгеруі де оң нәтижеге әсер етті.

Дегенмен, білім сапасын арттыру жұмысы үздіксіз жалғаса береді. Алдағы уақытта келесі бағыттар бойынша жұмыстарды күшейту жоспарланып отыр:

• білім деңгейі төмен оқушылармен жеке жұмысты күшейту;

• дарынды және қабілетті оқушылармен жүйелі жұмыс жүргізу;

• заманауи білім беру технологияларын кеңінен енгізу;

• цифрлық ресурстарды тиімді пайдалану;

• коучингтер мен шеберлік сыныптарын жалғастыру;

• мектепішілік тәлімгерлік жүйесін дамыту;

• әдістемелік бірлестіктердің жұмысын жетілдіру.

Сонымен қатар, білім сапасын арттыру мақсатында ата-аналармен тығыз байланыс орнату, оқушылардың оқу жетістіктерін жүйелі бақылау, кері байланысты күшейту де маңызды бағыттардың бірі болып табылады. Мұғалім, оқушы және ата-ана арасындағы ынтымақтастық оқу үдерісінің тиімділігін арттырады.

Қорытындылай келе, мектептегі әдістемелік жұмыс – білім сапасын арттырудың негізгі факторы болып табылады. Жүйелі ұйымдастырылған әдістемелік қызмет педагогтердің кәсіби дамуын қамтамасыз етіп қана қоймай, оқушылардың білім деңгейінің жоғарылауына ықпал етеді. Алдағы уақытта да осы бағыттағы жұмыстар жалғасын тауып, білім сапасын одан әрі арттыруға бағытталады.