Қарасай Айнұр ЕржанқызыҚұлан шағын орталықты орта мектебінің тарих пәнінің мұғаліміЖамбыл облысы Т.Рысқұлов ауданы
Мемлекеттік қызмет - елдің мүддесіне адал еңбек Мемлекет мүддесін биік қойып, асқақ мұраттарға адал қызмет ету – әрбір патриоттың парызы Н.Ә.Назарбаев Кез келген мемлекеттік қызметші халықтың көз алдында жүрген соң, түрлі сынға ұшырайтыны анық. «Тура биде туған жоқ, туғанды биде иман жоқ» дегендей, ең алдымен адал қызмет, әділ шешім, қарапайымдылық және адамгершілік қасиеттер барлық мемлекеттік қызметшінің бойынан табылуы тиіс деп ойлаймын. Себебі, біздің ойымызда жеке мүддеміз емес, ең алдымен елдің мүддесі тұрады. Бұл жүктелген міндет. Жалпы алғанда қандай мамандық болмасын барлығы да елге адал қызмет жасау керек деп ойлаймын. Ғұлама ғалым, данышпан дәрігер, ержүрек ғарышкер, тілі бай шешен, ел басқарар көсемдердің барлығы жұмылып бір мақсат үшін әрекет етсе еліміз дамып, халық арасында жоқшылық пен кедейшілік азайып, бақытты ғұмыр кешетініміз айдан анық. Адам кім болып жұмыс істесе де барлығы маңызды, бірақ соның ішінде мемлекеттік қызметкердің жасаған жұмысының маңыздылығы басым болып келеді. Ал, Мемлекеттік қызмет – мемлекет қызметінің бір саласы және мемлекеттік қызметшілердің мемлекеттік органдардағы биліктің міндеттері мен функцияларын іске асыруға бағытталған лауазымдық өкілеттілігін атқару жөніндегі қызметі болып табылады. Сонымен қатар, біздің елімізде мемлекеттік қызметтің ұйымдастырылуы мен атқарылуы келесідей жүзеге асырылатынын білемін ол Қазақстан Республикасының барлық заңдылықтарын білу, туған жеріне деген сүйіспеншілік, қазақстандық патриоттық сезімі аса биікболып, мемлекеттік қызмет жүйесінің біртұтастығымен азаматтар құқықтарының, бостандықтарының және заңды мүдделері алдындағы басымдылығы деп білемін. Менің ойым мемлекеттік қызметкер – елдің мүддесі үшін өз күшін, уақытын аямай еңбек ететін тұлға. Қазақ елінің болашағының баянды болуы үшін аянбай еңбек ететін жәудір көз балаларды неге иман жанды қылып тәрбиелемеске?! Мен мемлекеттік қызметкер болуды армандаймын, мен сияқты менің құрбым да мемелекет қызметкері болғысы келеді.. Біз есейіп келе жатқан жас ұрпақ , санамызда мүлдем арам ой жоқ. Арманымыз асқақ, қиялымыз ұшқыр. Мемлекет қызметкер болып атақ – данқ жинау емес, аласапыран қызу қайнаған заманда , қаймана қазақ қамы үшін аянбай еңбек етіп, сенімдерін ақтап, аманатын арқалаған біздер бабамыздың әр сөзіне ерекше ден қойып, көңілге түйіп, жүрекке бекіттік. Елдің тағдыры – біздің қолымызда. Сол үшін білім игеріп, ғылым қуып, өнер үйреніп, ерінбей еңбек етіп, ел игілігі үшін қызмет етеміз. Себебі, елбасымыз Н.Ә. Назарбаевта Мағжан атамыздың сөзін санасына сіңіріп, осы тұрғыдан жастарға қатты көңіл бөліп, қолдау көрсетіп, сенім артып отыр. Тәуелсіздіктің тәтті дәмін татып, еш алаңсыз өскен біздерді әрдайым татулық пен тәңірден келген тәтті сыйдың қадірін біліп, ел тұтқасын ұстар ұлтжанды ұрпақ болатынымызға еш күмән келтірмейді. Иә, біз Еуразия кеңістігінде 25 жылдық егемендігін еңселеген елдің бақытты ұрпағымыз. Мағжан атамыздың сөзін елбасының өзі басшылыққа алып, «Болашақтың кілті – жастардың қолында», «Ел ертеңі – білімді ұрпақ», «Тәуелсіздіктің мызғымас тірегі - жастарымыз» деп ылғи бастама көтеріп, жастарға көп қолдау көрсетіп, үлкен сенім білдіріп келеді. Әрине, біз егемен елдің егесіміз, қазақ деген ғажап халықтың ұлттық намысымыз, «ойы дауыл, сезімі аспан, тек жеңіспен көзін ашқан» жалынды жігеріміз, айбынды айбатымыз, қажырлы қайратымыз бар, көзімізде от ойнаған, білім деген сарқылмас бұлақтың суын қанып ішіп, биіктерге бойлағантәуелсіз елдің тірегіміз. Ендеше, елін сүйген біздей өскелең ұрпағы бар елдің ертеңі айқын, келешегі кемел, болашағы жарқын болғай. Адамзат баласы жер бетінде пайда болғаннан бері өзінің материалдық және рухани қажеттілігін қанағаттандыру үшін еңбек етіп келеді. Алғашқы адамдар жартылай жабайы болған кезінде, олар тек жануарлар сияқты тамақ тауып жеудің қамында болды. Бірақ адам саналы тіршілік иесі болғандықтан, олар өмірден тәжірибе жинап, аң аулап, жер өңдеу үшін құрал-сайманды жасауды үйренді. Әрине оның бәрін жасау үшін адамға еңбек етуге тура келді және еңбекті топтасып, қауымдасып істесе, оның тиімді болатынын түсінді. Сондықтан да адамдар қоғам құрып, оны басқару үшін мемлекеттік жүйе ұйымдастырып, оның жұмысын заң арқылы іске асырып отырды. Еңбек негізінен ой еңбегі және дене еңбегі болып екі салаға бөлінеді. Бұрын қол еңбегі үстемдік еткен кезеңде өндіріс процесінде табиғи шикізат және оны өндіруші адам болатын, яғни алғашқы кезде дене еңбегі басым болды. Соңынан ғылым мен техниканың дамып, өндіріс құралының жетілдірілуіне байланысты дене еңбегін машина атқара бастады. Бұрын өндірісте мамандығы жоқ жұмысшылардың саны басым болса, енді олардың орнына саны аса көп емес инженер-техник мамандар жұмыс істейтін болды Егер де адам осындай адал еңбегімен материалдық және әлеуметтік тендікке қол жеткізсе ондай адамдарды халық қадір тұтып, оларға қошемет көрсетеді. Енді біреулер қоғамда материалдық және әлеуметтік табысқа қол жеткізу үшін адамгершілік қасиеттердің бәрін жиып қойып, қулық- сұмдыққа, жағымпаздыққа, сатқындыққа жол беріп, өзінің айналасындағы адамдарға, туысқандарына, дос-жарандарына қиянат жасайды. Әрине біздің айтып отырғанымыз жеке адамдардың басында болатың субьективті қасиеттер. Сонымен қатар қоғамда материалдық және әлеуметтік әділеттілік деген де ұғым бар. Бұл ұғым негізінен бұқара халық пен биліктің арақатынасында болатын жағдайлар. Ол көбіне қоғамдағы саяси жүйе мен құқықтық заңдылықтың әділеттілігіне байланысты. Егер де қоғам демократиялық жолды таңдап, құқықтық мемлекет құруға ұмтылса, ондай қоғамда әлеуметтік әділеттілік орнатуға болады. Ал егер де мемлекет тоталитарлық немесе авторитарлық жүйе орнатып, бұқара халықтың заңды құқығымен санаспаса, ондай қоғамда антогинистік қайшылық пайда болып, оның аяғы саяси күреске жалғасуы мүмкін. Сондықтан да қоғамның алдындағы басты мақсат, адамдардың арасында материалдық және әлеуметтік әділеттілік орнату. Сонымен бірге мемлекет мүддесін биік қойып, асқақ мұраттарға адал қызмет ету әрбір патриоттың ісі болып саналатындығын баса айтқан Мемлекет басшысы: «Біз өткенді өнеге, қазіргіні қастер тұтамыз. Ертеңгі күнге үмітпен қарайтын халықпыз. Осылайша асыл арманымызды қажырлы еңбек, батыл әрекет арқылы жүзеге асырамыз. Әскери және қызметтік борышты абыроймен атқарып, Отанға қалтқысыз қызмет істеп келесіздер. Сол үшін барша Қазақстан халқы, Мен ризашылығымызды білдіреміз», – деді. Қазіргі кезде елімізде түбегейлі шешімін таба алмай тұрған өзекті мәселелердің бірі - сыбайлас жемқорлық. Сондықтан болашақ ұрпақтың осы мәселе бойынша сауаттылығын ашу, дұрыс әрекет ету мен саналы ойға тәрбиелеу керек деп ойлаймын. Қазіргі білім ордаларының басты мәселелерінің бірі деуге болады. Әр баланың бойында адал еңбек етуге деген ынтаны, азаматтық белсенділікті қалыптастыру керек деп ойлаймын. «Cыбайлас-жемқорлық деген не?», «Сыбайлас жемқорлықтан қалай қорғануға болады?» тақырыптарында мектебімізде ұстаздар танымдық сағаттар, рольдік ойындар өткізіліп, бала санасына жастайынын сіңіре білуде. Осындай игі шаралар балаларымызды еңбекқор, өз еліне адал азамат етіп тәрбиелеуге зор ықпалын тигізеді деп сенеміз. Ойымды қорытындылай келе, Мағжан атамыз жырлағандай жастық жігерін ел игілігі үшін жұмсап жүрген жалынды жастарымыз көп. Жұмсақ мінез жібектер, Сүттей таза жүректер. Қасиетті тілектер – Мен жастарға сенемін!- деп жүрек лүпіліне жастарды бөлеген ақынның үміт артқан, медеу күткен, арқа сүйеп, рухани демеп кеткен бар сенері бүгінгі жас ұрпақ мына біздерге сенім артып кеткен. Сол сенімді ақтаймыз деп сенім білдіремін.
12 Сәуір 2018
6313
5 рет жүктелген
Дайын ҚМЖ. Барлық пәндерден 2022-2023 оқу жылына, жаңа бұйрыққа сай жасалған