"Мен - мамандық әлеміндемін"

Тақырыбы: « Мен - мамандық әлеміндемін »

Уақыты: 25.01.2018ж.

Қатысты: 11а,ә-класы оқушылары

Мақсаты: мамандық таңдау кезінде тұрған оқушыларға бағыт-бағдар беріп, таңдау мүмкіндіктерін шешуге көмектесу.

Әдіс-тәсілі: сұрақ-жауап, тренингтер.

Көрнекілігі: қанатты сөздер.

«Мамандықтың жаманы жоқ, мұның кез келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе».

Ж.Аймауытов

«Қапы өткізбе сол кездің бір сағатын,

Өкініші қалмайды кетсе ағатың.

Күні-түні дей көрме, ғылым ізде

Қалсын десең артыңнан адам атың».

Ш.Құдайбердіұлы

Психолог:

• Мектебімізден түлеп ұшқалы отырған 11-сынып оқушыларын «қандай мамандықты таңдаймын?» немесе «таңдаған мамандығыма қалай қол жеткіземін?» деген ойлар мазалайтыны анық. Адам өзінің болашақ кәсібіне әртүрлі жолдармен келеді. Біреулер үшін ол- ойға алған арманның орындалуы, келесі біреулер үшін – жаңалыққа талпыныс, кейбіреулерге - әйтеуір бір мамандық керек болған соң. Мамандықта таңдау үшін ең алдымен өзін, өз бейімділігін тануы қажет.

Топтастыру. /4 топқа фигуралар арқылы/

Үшбұрыш – көшбасшы, басшылыққа ұмтылған, жеңіске бағдарланған, өз-өзіне сенімді, импульсивті адам. Еңбекқор, керемет саясаткер, шыдамсыз, ұшқыр ойлы, қарым-қатынас ортасы үлкен, бірақ достары аз.

Төртбұрыш – әр жаңаға позитивті адам, көзқараста, батыл, көңіл-күйі тез өзгергіш, өзін-өзі бағалауы төмен, өзіне сенімсіз, ұмытшақ. Олар шешімді тез қабылдайды, қарым-қатынас ортасы үлкен, достары көп адамдар.

Дөңгелек – жылы жүзді, өзгеге қамқор, кішіпейіл, сабырлы, өзін-өзі кіналауға, меланхолияға бейім. Олар сенгіш, қоршаған орта пікіріне көп сүйенеді, көп сөйлейді, қоғамдық ұжымдық жұмысқа ынталы, достары мен таныстары көп.

Зигзаг – өзгерістерге құштар, креативті, білімпаз, жақсы интуициялы адам. Олар арманшыл, болашаққа ұмтылған, тұрақсыз, өзі жеке жұмыс істеуге ынталы, ұшқыр ойлы. Қағазды жұмысты жаратпайды, компанияның жаны.

Презентация слайды «Мамандық таңдау – болашақты таңдау».

Видеоролик «Өмірлік таңдау», «Өз таңдауыңды дұрыс жаса!»

Жаттығу «Сол қолмен сурет салу»

Жаттығу «Мен қалайтын ғимарат»

Қорытынды.

Барлығы хормен:

• Еңбек етсем, ертеңгі - бақытыма сенемін,

Мақсатыма жеткізер – уақытыма сенемін.

Достық іспен қасты да - жеңеріме сенемін,

Ақыл, сана, білім мен өнеріме сенемін.

Арым таза, ақ көңіл – адалдыққа сенемін,

Абыройлы, ақ ниет – адамдыққа сенемін.