Күні: 01.09.2018 ж.

Тақырыбы: «Мен - өз елімнің патриотымын»

Сынып: 5 «Ә»

Мұғалімі: Серікболатқызы С.

Мақсаты – қоғамда өздерін көрсете және өз еліне пайдалы бола алатын, Жаңа Қазақстандық Патриотизмнің құндылықтары мен мұраттары жүйесін иеленетін білім алушы-патриот тәрбиелеу.

Міндеттері:

- білім алушылардың жаңа білімді, ақпараттық ресурстарға сүйене отырып зияткерлік қажеттіліктерін меңгеруін қамтамасыз ету;

- білім алушылардың ұлттық рәміздер, негізгі құндылықтар, жаңа қазақстандық патриотизм, мәдени-генетикалық код, «Мәңгілік Ел», жаңғырту, ұлттық сана, бәсекеге қабілеттілік, прагматизм, ұлттық бірегейлік, меритократикалық қоғам», «білімнің салтанат құруы» ұғымдарын меңгеруге көмектесу;

- білім алушылардың зерттеу, шығармашылық, коммуникативтік құзыреттіліктерін дамыту;

- білім алушыларды зияткерлік және шығармашылық дамыту;

- жастардың бойында жоғары патриоттық сананы қалыптастыру;

- Қазақстандық патриотизмді және белсенді азаматтық ұстанымды ынталандыру.

Сабақтың эпиграфы: «Өз Отанының патриоты болу – бұл Қазақстанды өз жүрегінде ұстау!»

Н.Ә. Назарбаев

Сабақтың әдіс-тәсілдері: «Ассоцация», ойын, «Қоржын» инновациялық әдісі.

Сабақтың көрнекілігі: интерактивті тақта, компьютер, Мемлекеттік Әнұран, қоржын, слайд.

Пәнаралық байланыс: тарих, әдебиет

Сабақтың барысы:

I. Ұйымдастыру кезеңі: (2 минут)

1. Сабақ Қазақстан Республикасының Мемлекеттік Әнұранымен ашылады.

2. Оқушылармен сәлемдесу

3. Сандар әдісі арқылы топқа бөліп отырғызу

I-блок. Мотивациялық

«Ассоцация» тәсілі (3 минут)

Әр білім алушыға «Патриот» ұғымы кіммен немесе немен байланыстырылатынын ойлану және сөйлемдерді жалғастыру ұсынылады:

Патриот – бұл...........

Болжамды жауаптар:

1. Өз елін жақсы көретін, құрметтейтін және қорғауға дайын адам.

2. Өз үйін, қаласын, дүниеге келген және өскен жерін жақсы көретін адам...

II-блок. Практикаға бағдарланған (10 минут)

ᴥ «Жібек жолы» іскерлік ойыны: сауда керуені жолымен білім алушылар қалаларға біздің ұлттық бірегейліктің базасын құрайтын ежелгі ескерткіштер орналасқан қалаларға аялдама жасайды. Шағын топтарда жұмыс істей отырып осы ескерткіштер туралы постер дайындайды және қорғайды.

1-топ: Қожа Ахмет Яссауи кесенесі

2-топ: Бекет ата кесенесі

3-топ: Ежелгі Отырар қаласы

4-топ: Тамғалы археологиялық кешені айналасындағы ескерткіштер

III-блок. Сабақта жұмыс істеу үшін «Қоржын» инновациялық әдісін қолдану. (5 минут)

«Идеялар қоржыны» – «қызығушылықтар өрісін» анықтайтын әдіс.

Тақырып: «Қазақстан»

Жеке жұмыс. Әр білім алушы Қазақстан мемлекеті туралы не білетіндерін, тақырып бойынша өзінің білгенін дәптеріне қысқаша жазады.

«Қоржынға» тақырыпқа қатысты: идеялар, есімдер, күндер, фактілер, жорамалдар, терминдер және тағы басқалары салынады.

IV-блок. «Кім жылдам?» ойыны. Топтарға ортақ сұрақтар қойылады, кім бұрын жауап берсе, сол топқа ұпай сандары беріліп отырады. (9 минут)

Сұрақтар:

1. Отан туралы мақалды аяқта «Отансыз адам, ....»

2. Қазақстан тарихында неше астана болған? (9 Созақ, Сығанақ, Түркістан, Ташкент, Семей, Орынбор, Қызылорда, Алматы, Астана)

3. “Әдебиет” сөзі қай тілден енген? (араб)

4. «Қара алтын» деп нені атайды? (көмір)

5. Мемлекеттік елтаңбаның авторлары кімдер? (Жандарбек Мәлібеков пен Шот-Аман Уәлиханов)

6. Ең ірі көл (Балқаш)

7. Қазақстан Республикасының мемлекеттік тілі (Қазақ тілі)

8. Күрішті аймақ? (Қызылорда)

9. Алтын адам табылған жер? (Есік қорғаны)

10. Астана қаласының бейресми символына айналған ғимарат? (Бәйтерек)

11. «Отан» сөзінің синонимы (туған жер, атамекен)

12. Қазақстан республикасының рәміздерін ата

13. «Халық» сөзінің синонимі (ел)

14. Ең тәтті, ең ащы не? (тіл)

15. Астана қаласының бұрынғы атауы (Ақмола)

16. Қазақта өлең атасы – Абай, күй атасы – Құрманғазы десе, ән атасы деп кімді айтамыз? (Әміре)

17. Қазақстанның Ата Заңы қабылданған күн? (1995. 30. 08)

18. «Тәуелсіздік» сөзінде неше буын бар? (4)

19. Тәуелсіздік күні қай күн? (16 желтоқсан)

20. «Ұстаз» сөзінің синонимі

V. «Ел Тәуелсіздігі – ұлтымыздың тірегі» атты видеоролик көрсету. (5 минут)

VI. Рефлексия әрбір білім алушымен «Тегтер бұлты» инновациялық тәсіл көмегімен жүргізіледі, онда мыналар толтырылуы қажет: (5 минут)

Мен ...............................................таныстым.

Маған ................................................оңай болған жоқ.

Мен .........................................................қол жеткіздім.

Мен ...........................................................істей алдым.

..................................................болса жақсы болар еді.

Менің .......................................................есімде қалды.

Мен ...........................................................істеп көремін.

VII. Қорытындылау. (1 минут)