Мен -Қазақстан баласымын

«Тексерілді»

«№19«Назерке» бөбекжайы»

жедел басқару құқығындағы

МКҚК-ның әдіскері

Кулжанова З.С_________

Ертеңгілік

Тақырыбы:«Берекелі Алтын күз!»

№8 «Балауса» ортаңғы тобы

Тәрбиеші: Киреева Д.

2025-2026ж.

Маңғыстау облысы.Жаңаөзен қаласы,Теңге ауылы №19 «Назерке» бөбекжайы

№8 «Балауса»ортаңғы тобының тәрбиешісі:Киреева Дурсун Мурзабаевна

Жүргізуші: Қарсы алайық бәріміз, Жасымыз бен кәріміз. Қырдан кепті қыдырып, Алтын күзге бізге нұр беріп дей келе ортаға №8 Балауса ортаңғы тобының бүлдіршіндерін қошеметпен қарсы алайық

Тілегім аман болсын ел іргесі,

Алтын күз қайта келді берекесі.

Молшылықтың жаршысы бола білді,

Алтын күз-ырыс,береке,бірлік ала келді.

Армысыздар ата-аналар, қадірлі ұстаздар! Бүгін біз жыл мезгіліндегі ең тамаша-«Алтын күз, әсем айналам» атты ертеңгілігімізге қош келдіңіздер!

Ендеше балаларымыздың әніне берейік.

Ән:Кап-кап, тук-тук.

Жүргізуші: Ал, балалар,балалар,

Енді бері қараңдар

Бізге қонақ келмекші

Сендерді бір көрмекші,

Балалар сендердің өнерлеріңді тамашалауға күз ханшайымы келіпті,ендеше қарсы алайық.

Қош келдіңіз күз ханшайымы төрлетіңіз.

Күз ханшайымы: Сәлем менің достарым, Өмірге көп қосқаным, Күз сыйлығын алыңдар Сыйлығына қаныңдар. Молшылыққа кенеліп, Шаттық әнге салыңдар.

Жүргізуші: -Ал, балалар өнерімізді көрсетіп, мерекені тойлайық.

Тақпақтар:

Омар: Жапырақ ұшты,

Суық та түсті.

Сонда да бізге,

Қызық көп күзде.

Карина: Күздің қазан айында

Алма алмұрт піседі

Жапырақтар сарғайып

Сыбдыр-сыбдыр түседі.

Аянат: Алақай алақай

Шаттанды балақай

Күз түсті,дән пісті

Айтамыз алғысты.

Аяна: Сап сары маңай

Сап сары тоғай

Соңғы әнін айтып

Құс кетті қайтып

Жүргізуші: Ән салыңдар күліңдер

Жайнап гүлдей жүріңдер

Күздің тойын тойлайық

Би билейік, ойнайық.

Күз ханшайымы, біздің балалар өте керемет би билейді,ойын да ойнайды, білесізбе?

Күз ханшайымы: Мен сіздермен керемет ойын ойнағым келіп тұр,ойнағыларың келема ?

Ойын: «Қандай жеміс»

Жүргізуші: -Жарайсыңдар, балалар! Көрдіңізбе, Күз ханшайымы, біздің балалар қандай епті,жылдам. Кезегімізді қыздарымыздың биіне берейік.

Би: Қыздар биі.

Жүргізуші: Әсем әуен салдырған

Сәбилер де алғыр жан

Бал дәуреннің қызығын

Есте қалар балдырған.

Ендеше кезекті тақпақтарға береміз.

Айжарқын: Берекесін сыйлауға

Өлкемізге күз келді

Жемістерін жинауға

Шақырады біздерді.

Айлин: Алақай алақай

Шаттанды балақай

Күз түсті,дән пісті

Айтамыз алғысты.

Бейбарыс:Күзім ау күзім ау

Мінезің бұзық ау

Жаңбырың сіркіреп

Келгенің қызықау.

Жарасхан: Ән салыңдар күліңдер

Жайнап гүлдей жүріңдер

Күздің тойын тойлайық

Ән салайық,ойнайық.

Жүргізуші: Келесі кезегімізді әнімізге берейік.

Ән: «Топ-топ балақан»

Жүргізуші: Бүлдіршінмен бәріміз,

Отбасындай бір ұямыз

Береміз ендеше

Би өнеріне кезегін.

Ендеше ұлдарымыздың биі.

Би: «Ұлдар биі»

Жүргізуші: Балалар бүгінгі ертеңгілігімізді одан әрі қызықты өткізу үшін ойын ойнайық.

Ойын: «Кім жылдам»

Күз ханшайымы: Керемет! Қандай әдемі! Балалар, менің басқа балабақша бүлдіршіндеріне баратын уақытым болыпты. Мен енді кетейін, сау болып тұрыңдар! Келесі кездескенше аманшылық болсын!

Жүргізуші: Күз ханшайымының сыйы-жемістерден дәм тататын кез келген сияқты, тобымызға баруға жиналайық. Құрметті қонақтар, ата-аналар бүгінгі «Алтын күз, әсем айналам» атты ертеңгілігімізді аяқтай отырып, күз берекелі, астықты болсын демекпіз.

Берекелі бақ дәулет,

Арта түссін тойланып

Сау болыңдар қонақтар,

келгенше жыл айналып.