Мен -қазіргі заман педагогімін

Мен - қазіргі заман педагогімін

«Болашақта еңбек етіп, өмір сүретіндер бүгінгі мектеп оқушылары, мұғалім оларды қалай тәрбиелесе, Қазақстан сол деңгейде болады. Сондықтан ұстазға жүктелетін міндет ауыр»

(Н.Ә. Назарбаев)

Жалпы алғанда, адамзат тарихында қиын-қыстау кезеңдер мен тағдыр толқындары соқтығысқан сәттер қаншама десеңізші...Олардың бізге беймәлімдері ше Сол алапат дауылда да, сұрапыл соғыста да өзінің құндылығын жоймай келе жатқан мамандық бар. Ол ұстаздық ету, ол адамзат өмірінің өрілген баспалдақтарына бағыт бағдар беріп, ұстамдық ету.

«Бала жетектеуші» деген мағынаны беретін педагог сөзі Я. А. Коменский заманынан бері талай мін мен сынды көтеріп-ақ келеді, өркендеп те өсіп те келеді.

Қазіргі кезде де сол үрдісті жалғастырып елімізде заман талабына сай білім мазмұнын игерту саласында бірнеше реформалар жүзеге асырылуда. Ол жүйеге енген түбегейлі жаңалықтар: сабақты бағалау жүйесі, оқыту үдерісіндегі әдіс-тәсілдер, білім алушыға деген көзқарас, мұғалім рөлінің өзгеруі. Бұл бағдарламаның ерекшелігі оқушылардың бойында анализ, синтез, бағалау, рефлексия, зерттеушілік және коммуникативтік дағдыларды қалыптастыру. Бұл дәл қазіргі кезде жасалынып жатқан жұмыстардың бірсыпырасы ғана. Кейбіреулері ойлайды, бұлардың бәрі бос, әурешілік деп. Бірақ алғашында байқалмағанымен сапа көп кешіктірмейді. Сол үшін әдіс тәсілдерді үздіксіз теория мен практикамен үйлестіріп отыру керек. Жоғарыдағы талаптарды ескере отырып, менің талқыға салатын ұсыныстарым:

1 Тапсырмалар оқушы жасына сай әрі логикалық болса;

2 Шетел әдіс-тәсілдері негіздерін аудара салмай , ұлттық менталитетіміздің негіздері бар әдіс-тәсілдер ойындары көп болса;

3 Оқушылар АВС деп бөлінсе де, «Теңдік» ұғымына жеткізілсе;

4 Аудиалдар мен визуалдар, кинэстетиктерге байланысты театр мәселесіне көп көңіл бөлінсе деп өз ұсыныстарымды аяқтаймын.

Бір үлкен ғұлама: «Бір елдің болашағын көргің келсе, сол елдің қазіргі жастарына қара», деген екен. Демек, қазіргі жас буынға яғни еліміздің болашағының тұтқасын ұстайтын азаматтарға тәлім тәрбие беру біздің үлкен міндетіміз» . Ыбырай, Абай, Ахметтердің сара жолымыз ертеңгі болашағымыздың педагогтарымыз.