Бөлім:

Бірлік және ынтымақ айы

Педагогтің тегі, аты, әкесінің аты (болған жағдайда)

Кенжеахын Айгул

Күні:

02.12.2024

Сынып:

Қатысушылар саны:

Қатыспағандар саны:

Тәрбие сағатының тақырыбы

«Мен — Тәуелсіз елімнің болашағымын!»

Құндылықтарды дарыту

Бірлік , адалдық және жауапкершілік, еңбекқорлық

Тәрбие сағатының мақсаттары

Оқушыларға тәуелсіздіктің маңызын түсіндіру. Ата-бабаларымыздың ерлігі мен ұлттық құндылықтарды дәріптеу. Отансүйгіштік, рухани бірлік және патриоттық сезімдерді қалыптастыру. Елжандылыққа, ұлтшылдыққа, адамгершілікке, тілін, дінін, тарихын құрметтеуге тәрбиелеу.

Сабақтың кезеңі/ уақыт

Мұғалім әрекеті

Оқушы әрекеті

Ресурстар

Тәрбие сағатының басы

Оқушылармен амандасу, түгендеу. Сыныптың дайындығын тексеру.

Тәуелсіздік – біздің ел үшін ең қасиетті әрі ең маңызды ұғымдардың бірі. Бұл тек қарапайым сөз ғана емес, бұл – ата-бабамыздан қалған ұлы мұра, бостандықтың, еркіндіктің символы. Тәуелсіздік тақырыбындағы қысқа бейнеролик көрейік.

Бейне материал

1991 жылы 16 желтоқсан – Қазақстан тәуелсіз мемлекет атанды. Бұл күн халқымыз үшін ғасырлар бойы армандаған үлкен бақыт. Еліміз өз алдына дербес мемлекет ретінде дамудың сара жолына түсті. 1991 жылы Қазақстан өз тәуелсіздігін алып, жаңа тарихының есігін ашты. Бірақ бұл күнге жету үшін халқымыз қаншама қиындықты, күресті, ауыр кезеңдерді бастан өткерді. Сол себепті, Тәуелсіздік күні тек мереке ғана емес, ел тарихындағы ең ұлы күн.

 Тәуелсіздік дегенді қалай түсінесіңдер?

 Қазақстан тәуелсіздікке қалай қол жеткізді?

Топтарға бөлу:
– Барлық оқушыларды 3 топқа бөлінеді. Әр топқа атау беріледі.

• 1-топ: "Болашақ жастары"

• 2-топ: "Еркіндік елшілері"

• 3-топ: "Рухани мұрагерлер"

Оқушылар мұғаліммен амандасады,түгенделеді.

пікір алысып, ойларын айтады

Оқушылар өз пікірлерін ортаға салады: еркіндік, бостандық, Отан, тәуелсіз елдің болашағы, т.б

Оқушылар топқа бөлініп отырады

Бейне материал

https://www.youtube.com/watch?v=_Pd4SWrb8RY

Тәрбие сағатының ортасы

"Ұлы дала мұрасы" викторинасы: 10 сұрақ

• Қазақстанның мемлекеттік рәміздері қай жылы бекітілді?

  • Жауап: 1992 жылы 4 маусым.

• Қазақ хандығының құрылған жылы?

  • Жауап: 1465-1466 жылдар.

• Елтаңбадағы қанатты тұлпар нені білдіреді?

  • Жауап: Еркіндік пен болашаққа ұмтылуды.

• Қазақстанның тәуелсіздігін алғаш болып мойындаған ел қайсысы?

  • Жауап: Түркия.

• "Желтоқсан көтерілісі" қай жылы және қай қалада болды?

  • Жауап: 1986 жылы Алматы қаласында.

• Тәуелсіз Қазақстанның тұңғыш Конституциясы қай жылы қабылданды?

  • Жауап: 1993 жылы.

• Қазақ халқының тәуелсіздік үшін күрескен қандай батырларын білесіңдер?

  • Жауап: Абылай хан, Қабанбай батыр, Бөгенбай батыр, Сырым Датұлы, Кенесары Қасымұлы.

• Абай Құнанбайұлының тәуелсіздікке үндейтін қандай шығармасы бар?

  • Жауап: "Қара сөздері" мен "Өлсе өлер табиғат, адам өлмес" өлеңі.

• Қазақстанның қазіргі астанасы қай жылы елорда болып жарияланды?

  • Жауап: 1997 жылы.

• Тәуелсіздік алғаннан кейін Қазақстан қандай халықаралық ұйымдарға мүше болды?Жауап: БҰҰ, ШЫҰ, ТМД.

1-топ: Болашақ жастары

Тапсырма: Қазақстанның 2050 жылдағы бейнесін қиялдап, сурет немесе сызба жасаңыздар. Елдің болашақтағы даму жолын сипаттап, келесі сұрақтарға жауап беріңіздер:

• Білім беру саласы қалай өзгереді?

• Қала инфрақұрылымы мен жаңа технологиялар қандай болады?

• Қазақстан әлемде қандай беделге ие болады?

2-топ: Еркіндік елшілері

"Тәуелсіздіктің 3 басты құндылығы" атты шағын жобаны құрастырыңыз.

Әр құндылықты сурет немесе символ арқылы бейнелеңіздер.

• Тәуелсіздік – еліміздің басты байлығы.

• Бейбітшілік – халықтың тыныштығы мен тұрақтылығы.

• Бірлік – көпұлтты еліміздің татулығы.

Мысалы:

Тәуелсіздік – Көк байрақ немесе Бәйтерек. Бейбітшілік – Құс немесе масақ.

Бірлік – Бір шеңбер ішінде тұрған адамдардың бейнесі.

3-топ: "Рухани мұрагерлер"

Тапсырма: "Қазақтың салт-дәстүрлері: Рухани мұра" атты постер жасайда. Қазақтың әртүрлі салт-дәстүрлерін сурет арқылы бейнелейтін постер жасайды. Әрбір салт-дәстүрдің қысқаша түсіндірмесін жазып, оның маңызын ашатын сөздер қосады.

 Постерде қазақтың ұлттық ою-өрнектері, киімдері немесе бейнелі суреттері болуы тиіс.

 Әрбір салт-дәстүрдің ерекшелігін көрсету үшін түрлі түстер мен символдарды қолдану.

Топтар өздерінің зерттеген тақырыптарын аша отырып, тәуелсіздік, рухани құндылықтар мен ұлттық мұралардың маңызын көрсетті. Мұғалім тәуелсіздік ұғымының тарихы мен қазіргі қоғамдағы мәнін айтып, әрбір оқушының өз елінің рухани мұрасын құрметтеу керектігін атап өтеді.

Оқушылар сұраққа жауап береді.

Оқушылар сұрақтарға жауап береді.

Оқушылардың жауаптарын тыңдау және толықтыру: «Рақмет», «Кешіріңіз», «Сәлеметсіз бе», «Өтінемін», «Жақсы болсын» және т.б

сыпайы сөйлеу, тыңдай білу, біреудің сөзін бөлмеу, өз пікірін мәдени түрде жеткізу

Топ плакат жасап, өз болашақ көзқарастарын сурет арқылы таныстырады.

Оқушылар плакатта құндылықтарды тақырыпшалармен көрсетеді және қысқаша мәтін жазады

Оқушылар салт-дәстүрдің маңызын түсіндіреді. Сонымен қатар, қазақтың салт-дәстүрлерінің тәуелсіздіктің қадір-қасиетіне қосар үлесін атап өтеді.

Топтар жұмыстың нәтижесін сынып алдында таныстырып, қорғайды.

Тәрбие сағатының соңы

Сабақ соңында оқушыларға бірнеше сұрақ қойып, олардың пікірлерін тыңдау:

• Бүгінгі сабақ сізге қандай әсер қалдырды?

• Тәуелсіздік пен рухани мұра туралы қандай ой-пікірлеріңіз қалыптасты?

• Қандай ақпарат немесе тақырып сізге ең қызықты болды?

Біз — тәуелсіз елдің азаматымыз. Өз тарихымызды, мәдениетімізді, дәстүрімізді құрметтей отырып, өз еліміздің болашағына үлес қосамыз. Әрқайсымыз елдің ертеңі үшін жауаптымыз. Еліміздің тәуелсіздігі мен оның құндылықтары — барлығымыздың ортақ жауапкершілігіміз. Әрқайсымыз өз тарихымызды, мәдениетімізді құрметтеп, оны жалғастыру үшін еңбек етуіміз қажет. Бүгінгі сабақ, менің ойымша, сол бағытта үлкен қадам болып табылады. Бәріңізге үлкен алғысымды білдіремін!

Оқушылар өз ойларын ашық түрде айтып, сабақтың қандай тұстары ерекше болғанын айтады..