"Мен әлемнің анасымын"

Сабақтың тақырыбы: Мен әлемнің анасымын..

Мақсаты: Анаға деген сүйіспеншілік сезімдерін арттыру, ана еңбегін ардақтап, мейрімділікке сый құрметке тәрбиелеу.

Ж үргізушілер: Аманқұл Әлімжан, Минайдар Ақжүніс.
Әлімжан: Қайырлы күн, Ақжүніс! Бүгін бізге қонаққа аяулы аналар, ұстаздар, гүлдей жайнаған қыздар келіпті ғой. Олар неге бүгін осында жиналып отыр. Білесің бе?

Ақжүніс: Иә, Әлімжан, қыстың суық ызғары кетіп қазір далаға жайма шуақ көктем келген мезгіл емес пе? Ал көктемнің алғашқы күндерінде әже, ана, қыздардың жарқын мерекесі келетінін ұмыттың ба?

Әлімжан: Дұрыс айтасың. Әбден есімнен шығып кетіпті. Ендеше аяулы жандарға арналған мерекелік концертімізді ашығу рұқсат етіңіздер!

Ақжүніс: Арулар-аяулылар ардақтылар,

Өмірдің жылуы боп қалмақ бұлар.

Арулар-тіршілікке күре тамыр,

Өмірді бір-біріне жалғап тұрар,-деп ақын Мұқағали жырлағандай, «Бір қолымен әлемді, бір қолымен бесікті тербеткен» аналарымыздың еңбектерін сөзбен айтып жеткізу мүмкін емес.

Әлімжан: Олай болса, бүгінгі кешіміздің қонақтары асыл аналарымызға құрмет көрсету – біздің перзенттік парызымыз. Білім саласына өздерінің өмірін арнаған аналарымыздың жүздерінен әрқашан шаттық пен қуаныштың нұры кетпесін

.

А қжүніс:
Құтты болсын, ардақты ана
Асыл анам мерекең.
Құтты болсын теңдік алған
Қуанышты берекең.
Алғашқы мереке шымылдығын ашу үшін ортамызға «Ана» әнімен Аман Ардақты шақырамыз.

Ә лімжан: Ана - тіршіліктің гүлі, отбасының берекесі, бүкіл адамзаттың тәрбиешісі. Өмірде анаға деген сағыныш, оның ыстық мейірімге толы жылы құшағын аңсамайтын адам бола қоймас сірә. Күннің шуақты сәулесіндей ыстық ана жүрегі, одан туындайтын ананың махаббаты әр перзент үшін қымбат. Сондықтан баршамыз ана атына кір келтірмей, оларды әр уақытта ардақ тұтып, құрметтеуміз қажет.

А қжүніс: Әйел - Ана, Әйел - Өмір, Әйел - тіршілік өзегі. Өмір бесігінде іңгә тербетіп, адамзат баласына ұрпақ сыйлар ұлы құдірет иесінің есімі әрқашанда қастерлі, сөзі өсиет, тұғыры – биік. Алтын құрсағынан адамзаттың алыбы жаратылған асыл ананың жүрегі үлкен, жүзі мейрімді, қолы қайырымды. Көңіл шуағына мейірім төгілген аяулы жанның өмірден алар несібе жемісі - алтын босағасы мен сүйкімді перзенті болар. «Аналар адамды бесіктен бастап баулиды, өмірдің ірге тасы солардың қолымен қаланады» деген ұлы ғұламалардың сөзі бар.

Өзіңсің, сүйікті анам, құдіретім,
Жанымды жадыратып күлдіретін.
Сендегі маған деген мол мейірді
Нұр толы қос жаңарың білдіреді

К өктем келіп, гүлге толы дала бар
Мерекеңіз құтты болсын аналар
Сіздерсіздер тіршіліктің тұтқасы.
Жас ұрпаққа ақыл берген даналар

Ана десем – алғыс алам халқымнан,
Ана десем – теңіз болам шалқыған.
Ана десем – ашылады қабағым,
Ана десем – әділдікті ұғамын.

Асыл анам – асыл жандар болаттай,
Ана деген – мөлдір жандар бұлақтай.
О, адамдар, қадірлей біл ананы,
Жат қылыққа ақыл ойды тонатпай

Алтын анам жасымнан аялаған,
Мен үшін игілікті аямаған.
Сабақтан шаршап үйге келгенімде,
Бал сөзі жаным деген сая маған

Қ ұтты болсын ардақты анам
Асыл анам мерекең
Құтты болсын ұстаздарым
Қуанышты берекең

Өмірдің иесі сен, ғазиз Ана,
Келтірген дүниеге нелер дана.
Анасыз батыр да жоқ, ақын да жоқ.
Өмірдің алтын кілті сонда ғана

Ардақты ана, аяулы ана, қымбаттым,
Тәтті ұйқыңды бөліп талай түн қаттың

Өміріме нәрін берді ақ сүтің
Кең құшағың – аясындай гүл бақты

Адамзат қуат алар ақ сүтінен,
Мәпелеп әлдилеген пейілің

Шаңырақтың шаттығы мен шуағы.
Сейілмесін жанарынан ананың
Тіршілікке төккен нұрлы шуағы.
Аялайық Ана – өмір, қолдаушысы әлемнің,
Қуанышқа бөлейікші күлім қақан жүздерін!

Адам барма ана сүтін татпаған,

Алуан-алуан ауыр сынды аттаған.

Адалдықты, ар-намысты сақтаған,

Мен анамның сонысына мақтанам.

Ақ сүті оның өтеусіз жай қала ма,

Борышты оған небір дархан дала да.

Тірлік сеуіп келе жатқан дүниеге,

Ей, адамдар, жол беріңдер анаға!

Әлімжан: Ана деген адамға Атамекен,

Әр адам анаменен адам екен.

Бір өзіңе көрсеткен жақсылығым

Бір түнгі тәтті ұйқыдан садаға екен,-ән «Ана туралы жыр» орындайтын Жолбарыс Балнұр.

Жүргізетін: Сымбат Ойын «Гүл сыйлау»

Әр ана өзі жақсы көретін гүлді таңдау арқылы сол гүлдерде жазылған сұрақтарға жауап береді.

1. Балаңыздың оқуына көп көңіл бөлесіз бе?

2. Балаңыз отбасында ашық-жарқын, өз ойын толық айта біле ме?

3 . Балаңыздың ең алғаш айтқан сөзін еске түсіріңіз?

1. Балаңыздың сізге алғаш берген көмегі қандай?

2. Өз балаңызды қалай мақтайсыз немесе қандай жетістіктерімен мақтана аласыз?

3.Балаңызды алғаш мектепке кім әкелді?

Соңында ата-аналарға құтықтау сөз берілді.

А қжүніс:Би қыздар тобы орындайтын 6 «б» сыныбы

Ә лімжан: Қандай ғажап, қарашы жан-жағыңа,

Күміс күлкі сыймай тұр залға мына.

Аналардай бақытты жан бар ма екен,

Қол жеткізген аңсаған арманына? –дей келе ендігі кезекті әнге береміз Орынбасар Гүлбанудың орындауында «Мама» әнін қабыл алыңыздар.

Ақжүніс: Ізгіліктер нұрын шашқан ғаламат,

Аруларды сүйе білген адал-ақ.

С ол арулар-ертеңгі ұрпақ анасы,

Өтейікші алақанда аялап! Енді ортаға КВН тамашалауға шақырамыз.

Ә лімжан: Анашым, анажаным,

Мейірбан, балажаным.

Бақытым емес пе еді,

Өмірді сыйлағаның?! Ән «Наурыз» орындайтын 6 «в» сынып оқушылары

Жүргізуші: Сымбат «Сөз тапқанға қолқа жоқ» ойыны ойналады. Әр сыныптан бір оқушы шығады. 3оқушы ойынға қатысады.

Бір әріпті таңдатамыз. Сол таңдаған әріп бойынша сұрақтарға жауап береміз.

1 . Сен үшін құрметті не?

2. Мектеп саған не береді?

3.Сен үшін байлық не?

4.Қандай салт-дәстүрді білесің?

5.Қиындықты қалай жеңесің?

6.Құлақ неге екеу?

7.Кімнің қамын ойлайсың?

8.Әке көрген не істейді?

9.Ананың көңілі балада, баланың көңілі қайда?

Ә лімжан: Ендігі кезекті биге береміз «жаяу»

Ақжүніс: Маған ақыл беретін,

Ә жем менің асыл жан,

Сипап жақсы көретін,

«Құлыным» деп басымнан.

Жақсылыққа үйретіп,

Жамандықтан шектейді,

Ертегі айтып беретін,

Әжеге ешкім жетпейді –ән «Асыл әжем» орындайтын Төлебай Шуақжанның орындауында тыңдаңызда

Ә лімжан: Тал шыбықтай бұралған биші қыздар Аққу мойын қыпша бел ару жандар.

Қазақ биін билесек керемет қой

Жауқазындай жайнаған биші қыздар.

Би қыздарының орындауында қабыл алыңыздар «қазақша»

А қжүніс: О, аналар, осындайсың бәрің де,

Осыңдайсың жасың-дағы, кәрің де.

Сыйынатын болса өмірде құдірет,

Сыйыныңдар « Ана» деген тәңірге. Ән «Ана» орындайтын Жақсылық Ұлбосын анасымен яғни Бибігүл апайымызбен қошемет көрсетейік.

Әлімжан: Аналарымызға арналған өлең оқылады.

Ақжүніс: Ана деген-адамға құтты мекен,

Әр адам анаменен адам екен.

Бір өзіңе көрсеткен жақсылығым

Бір күнгі ұйқыңнан садаға екен. Ендігі кезекті

5 «ә» сынып оқушысы Садыханова Аийда

Әлімжан: Би «Вальс»

А қжүніс:

Наурыз келді,жайраң қақты таң күліп,

Жап-жасыл боп кетті дүние жаңғырып.

Жақсылыққа жаршы болған Наурызым!

С ен өмірдің көктемісің мәңгілік ән « Наурыз көктем» орындайтын Қазыбек Ләззаттың орындауында тамашалаңыздар.

Ә лімжан: Ендігі кезекті әнге береміз 7 «А» сыныбы

Ақжүніс: Бекмұрат Аружанның орындауында «Анашым» әні.

Ә лімжан: Ана-жұмақ, мен-шуақ, саябағы,

Ана-шырақ, мен-сұрақ санадағы.

Ана-теңіз, мен-қайық тербетілген,

Ана-бұлақ, мен-құрақ жағадағы.

А қжүніс: «Асыл әжем» Айдананың орындауында.

Әлімжан: кезекті ойынға берейік.

Ақжүніс: Ана үйдің берекесі, қыз баланың өнегесі, отбасының тәңірісі, шаруаның несібесі. Ананың көзінен нұр төгіліп, жан-жағына шуақ төгеді. Осы шуақпен жылынып, асыл ананың құшағында мейір алып жүрген біздер ананы мәңгі қастерлеп, бағалап өтейікші. Ана құдіретінің алдында бәріміз бас иейік!

Бүгінгі кешіміздің қорытынды сөзін мектебіміздің педагог – психолог – Муратова Шара апайға және алғашқы ұстазымыз – Шарапова Гүлжахан апайымызға берсек.

« Қайнар» мектеп – гимназия» коммуналдық мемлекеттік мекемесі

Дайындаған: Маханова Л.Ж.

2014 – 2015 оқу жылы