"Мен анаммен мақтанамын" тәрбиелік шара

Тақырыбы: Мен анаммен мақтанамын...

Мақсаты:  Қазақтың нәзік қыздарына тән мінез-құлықты дәріптеу. Сахнада өзін ұстауын, өзінің анасынан үйренгенін ,білгенін жеткізіп айта білуін байқау.,аналарымыздың шексіз еңбегін бағалай отырып ананы құрметтеуге,сүйе білуге тәрбиелеу. Кішкентай бүлдіршін қыздарымыздың аналарымен бірге бүгінгі сайыстағы өнерлерін тамашалау.

Қатысушылар: 2-4сынып қыздары мен аналары
Кіріспе сөз:

Құрметті ұстаздар,ата-аналар,оқушылар! ! Көктемді қанатына қондырып, жан жылуын көкірегіне ұялатқан,әйел-аналардың дәстүрлі 8-наурыз мерекесі де келіп жетті.

Құрметті аналар және қыздарымызды келе жатқан мерекелеріңізбен құттықтаймыз. Дендеріңізге саулық, отбасыларыңа амандық, жүздеріңізге шаттық пен қуаныш, әсемдік пен сұлулық тілейміз.Осы орайда мектебіміздегі ұйымдастырылып отырған шараларымыздың бірі бүгінгі бастауыш сыныптың кішкентай аруларының өз аналарымен қатысуы арқылы өткелі отырған «Мен анаммен мақтанамын»  сайысы.

-Ана- бала, бала - ана бір ұғым, 
Бір – бірінсіз жоқ олардын бақыты. 
Омыртқаның үзбеу үшін жұлынның, 
Екеуінің өтсін бірге уақыты. 
Ана – бала көздің ақ пен қарасы, 
Бір – бірінсіз таусылмайтын шарасы. 
Әр ананы арманыма жеткізер, 
Әр баланың ақылы, ары, санасы,- деп, ортаға сайысқа қатысушы аналарымыз бен қыздарымызды шақырамыз. 

Қыздардың бәрі сұлу салсаң назар, 
Бәрі де арманына қолын созар. 
Анасы мен келіп Әселдің  
Бойында тұнып тұрған өнер болар-деп

-2«а» сыныбынан сайысқа қатысушы Сағынбекқызы Әселді анасы Айгүлмен ортаға шақырамыз. 

Қол соғып қарсы алыңдар шығады енді, 
Оларға де берейік бүгін төрді. 
Бар өнерін көрсетем деп келіп тұрған, 
Анасы мен Айаруға кезек келді. 
-2«ә» сыныбынан сайысқа қатысушы Сәндібекқызы Айаруды анасы Гүлайыммен ортаға шақырамыз. 

Сыныптың намысын қолдаған жан, 
Қошаметпен қарсы алайық барша адам 
Анасымен Гүлсезімге қол соғайық

Сайысқа қатысуға келіп тұрған
-3«а»сыныбынан сайысқа қатысушымыз Ғабит Гүлсезімді анасы Гүлмирамен ортамызға шақырамыз.

Сыныбының ар-намысын қорғауға 
Келіп отыр қазір сенің ортаңа 
Ал қанекей қарсы алыңыз қол соғып , 
Анасы мен ортамызда Маралға

-4 «а» сыныбынан сайысқа қатысушы Мұрат Марал Қазбекқызын анасы Шынармен ортаға шақырамыз. 

Қол соғып қарсы алыңыз шығады енді 
Сіздерге де берейін бүгін төрді, 
Олай болса мінекей, 
Анасы мен Анельге кезек келді 

-4«ә»сыныбынан сайысқа қатысушымыз Жеткізген Анельді анасы Бибігүлмен ортамызға шақырамыз.

Сайыскерлеріміздің бүгінгі сайыстағы белсенділігін бағалау үшін әділқазы алқасымен таныстырып өтсек:
1 . Көшкінбай Назгүл
2 .Әбілғазиева Нәркес

Сайыстың бағдарламасы 7 кезеңнен тұрады: 
1. Таныстыру (анасы және қыз балалар өздерін таныстырады) 
2. Өнер сайысы (өз өнерлерін көрсету ән,би)

3. Шаш үлгісі (аналар қыздарына шаш үлгісін жасап ат қояды, шаш үлгісінің

ерекшелігі мен әдемілігі бағаланады) 
4. Сұрақ-жауап

5. Анамнан үйренерім көп.(Салат дайындау, қол өнер бұйымдары: тоқу,тігу)

I бөлім: 
Сәлемдесу- игі дәстүр киелі, 
Сөзбен қарап, кейде шешер шиені. 
Жақсы сөзге жан семірер қашанда, 
Жолданады сайыскерлер сәлемі. –деп кезеңіне береміз.

ІІ. Өнерпаздар жарысып сан салады, 
Жиын десе, той десе жан салады. 
Кешіміздің бүгінгі құрметіне, 
Анасы мен қызы би билеп, ән салады. 
Анасымен қыз балалардың өнерін тамашалауға «Өнер» сайысына кезек береміз.

ІІІ бөлім.

Қыз бойындағы алғашқы көзге түсер әсемдігі шашы. Ал шашты күтіп-баптауды анасынан үйренеді..

Олай болса, « Шаш үлгісі» сайысына кезек берейік. 
Бұл жерде шашты әдемілеп түрлі шаш үлгісіне саламыз,оған ат қоямыз.

4. Қазақтың сан алуан дәстүрі бар, 
Оның сырың ашқанға жұрт қызығар. 
Жауаптарын табар ма екен аналар 
Сол себептен қоятын сұрақтар бар, -деп сұрақ жауап сайысына кезек берейік. 

5.Өнерлінің өнерін, 
Тағыда байқап көрелік, 
Жүйрік аттай желілік. 
Келесі өнер сайысына кезегімізді берейік –деп келесі бөлімімізде біздің кішкентай бүлдіршіндеріміз аналарынан не үйренді екен. Соған кезек берелік.

Қорытынды.