« Аңдар мектебі »

Мақсаты: Баланы қайырымдылыққа тәрбиелеу, қоршаған ортамен байланысын қалыптастыру.

Көрнекі құралдары: Қағаз, түрлі-түсті бояулар, ермексаз.

Мазмұны:

Педагог сиқырлы орманға саяхат жасауды ұсынады. Балалар жайланып отырып, көздерін жұмады. Олар өздерін күн шуағы түскен алаңда отырғандай сезінеді. Педагог төбедегі жапырақтың сыбдырын, аяқ астындағы шөптің жұмсақтығын сезініп, естуді ұсынады.

• Алаңнан сендер «Аңдар мектебін » көресіңдер. Айналаға қараңдар. Бұл мектепте қандай аңдар оқиды? Қай аң – мұғалім? Оқушылар немен шұғылданады? Өздеріңді қандай аңға ұқсатасыңдар? Мен онға дейін санағанша, сендердің «Аңдар мектебінде» тағы да бола тұруға мүмкіндіктерің бар, енді көздеріңді ашыңдар.

Педагог балалар көздерін ашысымен қолдарына ермексаз алып, не көргендерін мүсіндеуді немесе бейнелеуді ұсынады. Сабақ соңында балалар өз мүсіндерінен өздеріне ұнаған аңның бейнесін табады.

« Мен бәрін жасай аламын » жаттығуы

Мақсаты: Балалардың өз-өздеріне сенімділігін арттыру, батылдыққа тәрбиелеу.

Мазмұны:

Бүгінгі күн тамаша.

Мен өзімді жақсы сезінудемін.

Менің көңіл-күйім керемет жақсы.

Мен жұмыс істеуге дайынмын.

Мен қажымай-талмай еңбектеніп, міндетті түрде барлығын үйренемін.

Мен өзіме сенімдімін.

Мен барлығы қолымнан келетініне сенімдімін.Жігерлікпен мақсатқа қол жеткіземін.

Мен ақылды болып өсіп келемін.

Әдемі екенімді және өзіме, өз күшіме сенімділігімді сеземін.

Барлығы қолымнан келеді.