"Мен болашағы жарқын баламын!"

«Мен болашағы жарқын баламын!» атты дебат 8-9 сынып

2019 жылдың қазан айының 21 жұлдызында Ә.Боранбаев атындағы жалпы білім беретін орта мектебінде оқушылардың бойына мемлекеттің даму бағытына қосар үлесі жөнінде өзіндік пікір, көзқарас, ұстанымын қалыптастыру, патриоттық сезімді ояту, ертеңгі күнге сенімділікпен қарауға, ой белсенділігін дамыту мақсатында 8-9 сынып аралығында өткізілген «Мен болашағы жарқын баламын» атты дебат сайысы өтті. Дебат ІІІ кезеңнен тұрды. Дебатқа «Болашақ», «Жалын», «Бірлік» топтары қатынасты. Дебат барысында біздің оқушылар үшін еліміздің болашағы өте маңызды екенін, ежелден бері біздің ата-бабамыз тәуелсіздік үшін, жер үшін күрескенін, біздің қазақ хандары мен батырлары қасық қаны қалғанша бар күшін салып, кіндік қаны тамған байтақ жерін қорғағанын, еліміздің көптеген қиындықтардан өткенін айтып ортаға салып,бір-біріне ой салып, пікірталасқа шықты, әр топ өздерінің болашағы жарқын екенін әртүрлі әдіс-тәсілмен көрсетіп жеткізе білді. Дебат соңында «Болашақ» тобы: -Елдің болашағы біздің қолымызда, яғни қазіргі жастарда. Біз өз болашағымызды өз қолымызбен жасаймыз,- деп дебатымызды қорытындылады. Әділқазылар алқасы топтарға әділ бағаларын бере отырып «Болашақ» тобын жүлделі І орынмен, «Бірлік» тобын ІІ орынмен, «Жалын» тобын ІІІ орынмен марапаттап, кішігірім сыйлықтар табыстады .