«Мен ғажайыппын» психологиялық тренинг

«Мен ғажайыппын»

психологиялық тренинг

(жас мамандармен)

Мақсаты: жас мамандардың ұстаздық қасиеттерінің қалыптасуына бағыт беру, топтасып жұмыс істеу жүйесін әрі қарай дамыту, ағартушылық білім беру.

Көрнекіліктер: ватман, қаламдар, карточкалар.

Барысы: Құрметті мұғалімдер! Бүгін мен сіздермен «Мен ғажайыппын» деген психологиялық тренинг өткізгелі тұрмын.

Біз барлығымыз биікте ғажайыпта болғымыз келеді. Тренингімізді бастамас бұрын «ғажайып» дегеніміз не, соған тоқталып кетсек.

Қазір барлығымыз «ғажайып» сөзіне ұқсас бір-бір сөзден айтып көрейік.

Мысалы, идеал, үлгі, бір бағыттағы, нәзікке ұқсас, ескерткіш, сондай бір өте жақсы деген сияқты сөздер айтуы керек.

«Ғажайып» сөзінің анықтамасы бар – бұл барлық жақсы қасиеттерден қамтылған, ең жоғарғы дәрежедегі қасиет. Енді осы қасиетті өз бойымыздан іздеп көрейік, ғажайып болмаса да, бойымызда таңқаларлық мінез болуы мүмкін. Бәріміз бір-бірімізді танимыз, олай болса, әрбір қатысушы өз атын айта отырып, бойындағы жақсы қасиетін айта кетеді. Немесе қатысушы қасындағы қатысушының атын, жақсы мінезін айта кетеді.

1.Тапсырма «Мұғалімнің бейнесін қорғау».

А) «Шығармашыл мұғалім», «Мейірімді мұғалім», «Білімді мұғалім», «Талап қойғыш мұғалім» деген тақырыптар беріледі. Әр топ өз тақырыбын ғылыми тұрғыда қорғайды. Бұл ұғымның мәні нені білдіреді? Не үшін қажет? Кімдердің есімдерімен байланыстырады? Қандай қанатты сөздер бар? Жалпы мағынасын ашу.

Б) Практикада қолдану түрлерін көрстеу.

В) Өлең шығару немесе сурет салу.

Тақырыбымызды одан әрі қарай ашу үшін балалардың көзімен, яғни

оқушы көзімен ғажайып деген ұғымды түсінуге тырысып көреміз.

2.Тапсырма «Мұғалімнің жақсы қасиеттері».

Екі топқа бөлініп, 1топ - бастауыш оқушылары, 2 топ – жоғарғы сынып оқушылары боласыздар. Жайлы, жақсы отырып алыңыздар, екі қолдарыңызды тізеге қойып, орындыққа арқаларыңызды тигізіп орнықты отырып, көз алдыңызға бастауыш және жоғарғы сынып мұғалімдерінің қандай болатынын елестетіңіздер. Енді әр топ өзара келісіп, бір шешімге келіп, мұғалімнің 4жақсы қасиетін қағазға жазып, ортаға біреу шығып қорғасын.

3. «Сәлемдесу» тренингі.

Қазір 2 топқа сәлемдесудің 8 түрлі түрін көрсетіп бересіздер.

1топқа – қуанышты, ашулы, селқос, ызалы.

2топқа – ренішті, қызғанышты, бақытты, жай ғана.

4. «Эмоция» тренинг

Қазір сіздерге мына өлең шумағы беріледі. Сол өлеңді образға кіріп, 1топ – қуанып, шаттанып айтасыздар, ал 2топ – ұрысып, жекіріп айтасыздар.

Әй, Асқар тау!

Кімге сен бағынасың?

Бойыңа әсемдік пен сұлулықты тағып апсың!

Қаншама қадам жасап барсамдағы,

Жеткізбей бір өзіңе қиналтасың.

5. Шығармашылық тапсырма.

Қазір 3топқа соңғы шумағы аяқталмаған өлең беріледі. Сол өлеңнің соңғы қатарын аяқтайсыздар.

6. Арттерапиялық жаттығу «Шеңбер бойынша сурет».

Қазір біртіндеп тақтаға шығып ақ параққа мұғалімнің бейнесін суреттеп саласыздар.

Сурет бойынша қорытынды: идеалды, яғни, «ғажайып» мұғалімнің суретін саламыз деп, кім пайда болды? Күнде көріп жүрген мұғалімнің бейнесі пайда болды.

В. Вишневскийдің мынадай афоризмі бар: «Мені ғажайыпқа дейін жеткізбе!»

Сол сияқты «ғажайыптылық» ол өзіміздің жүрегімізде ғана болады, ғажайыпты болу әр адамның өзіне байланысты дегім келеді.

Сіздерге шығармашылық сәттілік тілеймін!