«Мен және достарым» түзету дамыту сабағы

Тақырыбы: «Мен және достарым» түзету дамыту сабағы

         Мақсаты: оқушылардың көңіл-күйін игеріп, басқаруға үйрету. Ортада жағымды психологиялық атмосфера қалыптастырып, бір-бірімен жақсы араласуына және тануына мүмкіндік жасау. 

 «Ерекше амандасу ойыны»

Балалар бір-бірлерімен дәстүрден тыс амандасады. Жүргізуші: біз әдетте бір-бірімізбен қалай  амандасамыз? Оқушылар жауап береді. Қолмен, «сәлем» деп. Ал, бүгін біз дәстүрден тыс амандасамыз: бірінші маңдаймен, көзбен, аяқпен оң аяқ сол аяқ, тіземен, иықпен, арқамен.

 «Жағымды танысу» Доптың немесе жұмсақ ойыншықты әр балаларға лақтырып «Есімің кім? деп сұрап», ойыншық кімге түседі сол есімін айтып жүргізушіге қайта лақтырады. Солай кезек кезепен балалар өз есімдерін айтады.

Кім не жақсы көреді? Ойыны

Барлығы орындықтарға отырады. Қазір мен жазулар тізбегін оқимын. Кім сол әрекеттерге «иә» деп жауап берсе сол орнынан тұрады  және жан жағына қарайды, өзі сияқты қанша досы бар екен. Содан соң жылдам отырады.

-         Кім балмұздақты жақсы көреді, сол орнынан тұрсын

-         Кім сары түсті жақсы көреді?…

-         Кім өзін батырмын деп есептейді?…

-         Кім ет жегенді жақсы көреді?…

-         Кім айнаға қарағанды жақсы көреді?

-         Кім тентек?

-         Кім сабақ оқығанды жақсы көреді? т.б. сұрақтар қоюға болады.

 «Менің есімім» жаттығуы.

Оқушы өз есімдерін параққа жазып, әр әріпіне жағымды сөздер табады. Мысалы Әсел  Ә-демі, С-салмақты, е-ерке, л-лайықты.

«Жеміс салаты» жаттығуы

«Алма, алмұрт, апельсин, өрік, құлпынай» оқушыларға әр қайсысына атау беріп шығамыз. Сосын алма дегенде алмалар орын ауыстырады, алмұрт дегенде алмұрттар орын ауыстырады. Салат дегенде бәрі орын ауыстырады.

Қорытындылау.

Педагог-психолог: Лепесова А.К.