Мен жастарға сенемін!

Әбдрашит Гүлжаухар Асылбекқызы

Үш тілде оқытатын дарынды балаларға арналған мамандандырылған сыныптары бар «Мұрагер» мектебі

Мен жастарға сенемін!

Буыны босаң демегің, Еліңе тисін көмегің. Алашымның ұл-қызы, Мен жастарға сенемін!

Татулықпен жарасқан, 
Жақсылыққа таласқан.
Мен жастарға сенемін, 
Тамыры терең-Алаштан.

Әр оғың атқан дарысын, Таптатпа Қазақ намысын. Осындай ғажап ұлы елді, Сендермен лайым танысын.

Ат жалында ойнаған, 
Тек жеңісін тойлаған.
Мен жастарға сенемін
Елдің қамын ойлаған.

Ұмытпаған өткенін, 
Шаға алмайтын текке мұң.
Мен жастарға сенемін
Жастар менің көктемім.

Шетке еліктеп кетпеген,
Зиянды зат шекпеген.
Мен жастарға сенемін
Болашақты беттеген.

Тәрбиелі, білімді, 
Құрметтеген тілімді.
Мен жастарға сенемін 
Сыйлағайсың біріңді.

Қадірлеген анасын, 
Тастамаған баласын.
Мен жастарға сенемін 
Ғылым алған санасын.

Елдің болған қорғаны, 
Қорғай білген Орданы.
Мен жастарға сенемін 
Есті болса болғаны.

Ар-намысын сатпаған, 
Тілін, дінін сақтаған.
Мен жастарға сенемін, 
Жастарменен мақтанам.

Жастар менің керегім,
Жастар менің өлеңім.
Мағжан атам айтқандай, 
Мен жастарға сенемін!