Мен. Мектеп. Ұстаз.

Мектеп- балаға білім бұлағын сіңіретін орын. Ал ұстаз өз кезегінде балаға сол білімді жеткізіп, тəрбиелейтін жан. Алайда мектеп пен ұстаздың бала өміріндегі рөлі бұнымен шектелмейтіні хақ.

Мен үшін мектеп- екінші үйім. Біліммен қоса, мектепте өзімнің қоғамдағы орнымды біле алдым, өзімді жаңа қырымнан аша алдым. Бұдан бөлек, жаныма жақын, ойымды бөлісе алатын адамдарды таптым. Ал мұғалімге келетін болсақ, ол менің екінші анамдай жан. Қайсысы болмасын, бар білгенін түсіндіріп, төрт ұйқысын төрт бөлген адам- ұстаз. Мектеп табалдырығын басқалы бері, əрбір қателігімді түсіндіріп, бес нəрсенден қашықтырып, бес нəрсеге асықтырған да осы кісі.

Білім ошағын алғаш басқаннан, осы бір сəтке дейін қаншама жылдар өтті. Болған қиындықтарға қарамастан, мектебім мен ұстазым жүрегімде əрдайым бөлек орын алатыны сөзсіз.