«Мен өнерлі де,білімді бүлдіршін» сайысы

Мақсаты : Балаларды заман талабына сай әр саладағы білімдерін кеңейте отырып,білім деңгейін байқау. Ұлттық мәдениет құндылықтарын бойларына сіңіре отырып, тұлғалардың тапқырлығын, шеберлігін, танымдық қабілеттерін айқындау. Сұрақтарға толық жауап беру дағдысын қадағалау. Ойлау қабілеттерін дамыта отырып, сөйлеу шеберлігін жетілдіру, белсенділігін арттыру. Жарысуға, жарыста жеңімпаз болуға ұмтылдыру.

Жүргізуші :

Армысыздар ұстаздар, құрбы-құрдас!

Бармысыздар, жан күйер әз-қауымдас!

Бүгінгі кеш сайысты біз бастайық

Сайыста көңілменен қол соғалық.

                                           Біздерде ойын-сауық басталады,

                                           Тамаша күй тартылып, ән салады.

                                           Қошеметтеп қол соғып отыралық,

                                           Ұмытарсыз күні бойғы шаршағанды

Сайыс бағдарламасы 5 бөлімнен тұрады:
• Тегін білу тектілік. (таныстыру)
• Өнерлі - өрге жүзер.(өз өнерлерін көрсету)
• Талаптыға нұр жауар. (үй тапсырмасы. Қолөнер)

• Бәйге (сұрақ -жауап)

.Ойлан тап(суретпен жұмыс)

Жүргізуші: Шалқытып мерекеде ән салайық,
Өнерпаз өрендерге тамсанайық.
Әділдік пен шындықты арқа тұтқан,
Әділқазы алқасымен танысайық!
Балабақшамыздың меңгерушісі: Алибекова Сара
Әдіскеріміз: Мыңбай Нұржамал
Тобымыздың ата-аналар комитетінің төрайымы: 

Ендеше байқауға қатысқалы отырған бүлдіршіндерімізді ортаға шақырайық.
(Әр бүлдіршін өзінің реттік нөмірін таңдайды)

Жүргізуші: Балғын жүзі албырап,
Қанатын жаңа қаққан
Қарсы алайық бүлдіршінді
Сайысқа дайын тұрған.

• Бірінші сайысымыз «Тегін білу тектілік» Таныстыру.

2. Келесі сайысымыз «Өнерлі өрге жүзер». Бүлдіршіндеріміз өз өнерлерін ортаға салады.
Сахнада биші емес құс сияқты,
Елестейді бір көрген түс сияқты.
Әжесінің ұршығындай иірілгенде,
Жер шарын айналдырған күн сияқты.

------------------------------- орындауында « » биін қарсы алыңыздар.
Тақпақты да жаттаймын
Би билеп, ән де айтамын
Ата - ананың үмітін
Ақ сеніммен ақтаймын – деп өз өлең шумақтарымен
Алдарыңызда -------------------------------- өз өнерін көрсетеді

Жарыс десе жайнаған
Намысында қайраған
Тоты құстай құлпырып
Сандуғаштай сайраған -
------------------------------ « » әнімен қарсы алыңыздар.

Өзі жап жас болса да
Таудай үлкен талабы
Биін оның көріңіздер
Көріп баға беріңіздер

----------------------------- орындауында « биі»
----------------------------- орындауында « »

3.Талаптыға нұр жауар.

     Талап – кісі мұраты.

     Өнер қалмақ артында,

      Дүниенің өшпес шырағы.

Өнердің қадірін білген, бабаларымыздан қалған бұл сөздердің қасиеті бүгінгі күнге дейін жалған емес. Соның айғағы ретінде сайыскерлерімізге берілетін келесі шарты «талаптыға нұр жауар» деп аталады .Бүлдіршіндеріміз үй тапсырмасы ретінде дайындаған қол өнерлерін ортаға алып шығып таныстырады.

4.Қарап тұрмай бәйгеге еріңіз,
Шәкірттерге әділ баға беріңіз.
Жүзден жүйрік, мыңнан тұлпар шығарар,
Бәйге, бәйге, бәйгелерді көріңіз-Ендеше сендердің білімге деген құштарлықтарыңызды дәлелдейтін «Бәйге» сайысын бастаймыз. Дайынбыз ба?
Сарапшылар назарына әр дұрыс нақты жауап үшін 5 ұпайдан беріледі

1. Біз қай Республикада тұрамыз? (Қазақстан Республикасында)
2. Бағдаршамның көздерін ата? (Қызыл, сары, жасыл.)
3. Бір аптада неше күн бар? (жеті)
4. Республикамыздың бас қаласы қалай аталады? (Астана)
5. 16 желтоқсан қандай мереке? (Тәуелсіздік алған күн)
6. Біз қай ауданда тұрамыз? (Ордабасы)
7. Алма, алмұрт, жүзім, өрік бұлар нелер, қалай аталады? (жеміс - жидектер)
9. Қияр, сәбіз, қызанақ, қызылша, картоп бұлар нелер, қалай аталады? (көкөністер)
10. Адам тіршілігіне қажетті жылуды қайдан алады? (Күннің көзінен)
14. Мақалды жалғастыр: (Отан – оттан да...................)
15. Қ. Р. Президенті? (Н. Ә. Назарбаев)
16. Төрт түлік малды ата? (қой, жылқы, сиыр, түйе, ешкі)
17. Түйенің төлі қалай аталады? (Бота)
18. Құйрығы екіге айырылған құс? (қарлығаш)
19. Адамның көру мүшесі? (көз)
20. Қыста ұйқыға кететін аң? (аю)
21. Тудың түсі қандай? (көк)
22. Нанды қайда пісіреді? (наубайханада)

Ал, келіңдер, келіңдер!
Біріңе-бірің еріңдер.
Білім –білікті тексеріп,
Қатысып ойынға көріңдер!
«Кім жүйрік ойға, сол алда 
Бәйге түсіп жарыспай,
Жүйріктің бағы жанар ма?
Білім мен өнер жарысып,
Тәрбие, тәлім табар ма?- дегендей, білім дегеніміз – жеңу. Ендеше соңғы сайысымыз «Ойлан тап » деп аталады.Бүлдіршіндер логикалық тапсырма орындайды.

Қортынды
Жинаған өн бойына білім кенін,
Тәнтімін, ынтызармын, өрендерім.
Жарайсың айналайын, сайыскерім!
Бойларыңда от бар екен байқадым,
Жүректерде шоқ бар екен байқадым!
Әрқашанда осы өнерді сөндірмей,
Біліміңмен шарықтағай әрдайым,- дей отырып,
біздің Тәуелсіз еліміздің туын, мәртебесін жоғары көтеріп, дамыған 50 елдің қатарына енуі үшін ең алдымен білімді де саналы ұрпақ өсуі қажет.
Сол ұрпақ - біздің болашағымыз сендерсіңдер.Әрқашанда «Ұлт болашағы білімдінің қолында» екенін ұмытпағандарыңыз жөн.Біздің бүгінгі«Мен өнерлі де,білімді бүлдіршін»атты сайысымыз өз мәресіне келіп жетті . Өткенімізді білетін, бүгінімізді түсінетін, ертеңімізге сеніммен қарайтын азамат болыңдар!
Талай қиын асаулардан асып, білім төрінде шарықтап, самғай беріңіздер деп тілек тілегім келеді. Келіп тамашалағандарыңызға, әділ бағасын беріп отырған қазылар алқасына,тәрбиешілерге ,ата-аналарға көп-көп рахмет.
Сау болыңыздар!