мен өз елімнің патриотымын

Түркістан облысы Сарыағаш ауданы Құркелес ауыл округі Ақниет ауылы

ЖШС Бақыттыжан» бөбекжай балабақшасы

«Мен, елімнің патриотымын!»

Тәрбиеші: Қ.Төреева

2022– 2023 оқу жылы

Тақырыбы: Мен, Қазақстанның патриотымын!

Мақсаты:  Балаларды Отанды сүюге, құрметтеп қастерлеуге, өз елін, тегін тарихын білуге тәрбиелеу. Балалардың таным белсенділіктерін, қызығушылықтарын дамыту.  Балаларға патриоттық, эстетикалық, адамгершілік тәрбие беру, өз ой-пікірін білдіре алатын балаларды тәрбиелеу. 
Көрнекілігі: Гимн, Ту, Елтаңба, Қазақстан Республикасының картасы

Әдіс-тәсілдері: Әңгімелеу,сұрақ-жауап, ой қозғау, көңіл-күйді көтеру, ойын.

Бүгін біздің өтетін сабағымыздың тақырыбы: «Мен өз елімнің патриотымын.» Балалар, сіздер алдымен «патриот» деген кім, ол қандай адам деген сұраққа анықтама беріп кеткенім жөн болар. Патриот – ұлтын сүйетін, өз тарихын, туған тілін құрметтейтін, ұрпақтан ұрпаққа жалғасқан салт – дәстүрін дәріптейтін, ұлттық қадір – қасиетімізді арттыруға үлес қосатын саналы тұлға. Туған елі үшін үнемі тер төге қызмет етіп, халқымыздың мол рухани құндылықтарын бағалай білетін асыл тұлға

- Отан – әр адамның жүрегіне жылы тиер қасиетті сөз. Отан – сенің туған елің, туған жерің, дос – жарандарың, туған - туысқаның. Отан - бұл өзіңнің тұратын, өмір сүретін, қызметет етін жерің. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді. Біз Отанымызды, елімізді сүйеміз. Біз, Қазақстанның патриотымыз!

Отан деген не, кім қалай түсінеді?

Отан дейміз кең - байтақ астананы,

Жасыл жайлау, жаңа жол, жас қаланы.

Отанның шеті де жоқ, шегі де жоқ,

Ол бірақ өз үйіңнен басталады.

Шаттық шеңбері

Аспаны ашық еліміздің,

Көркі сұлу жеріміздің,

Біз-бақытты баламыз!

Ақпыз,қара, сарымыз,

Ағайынбыз бәріміз!

Бүгінгі оқу іс – әрекетімізді Қазақстан Республикасының Гимнін орындаудан бастаймыз.

- Отан – әр адамның жүрегіне жылы тиер қасиетті сөз. Отан – сенің туған елің, туған жерің, дос –жарандарың, туған туысқаның. Отан - бұл өзіңнің тұратын, өмір сүретін, қызметететін жерің. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді. Біз Отанымызды, елімізді сүйеміз. Біз, Қазақстанның патриотымыз!

Сұрақ – жауап:

-Біздің Отанымыз қалай аталады?

-Қазақстан Республикасы қандай мемлекет?

-Қазақстан Республикасының президенті кім?

Ел болдық ерік алдық астаналы

Енді кімнен қазағым жасқанады?

Тәуелсіз мемлекеттің шежіресі,

Нұрсұлтанның атымен басталады.

Сергіту сәті:

Дөңгеленіп тұрайық,

Шеңберді біз құрайық.

Уық болып иіліп,

Шаңырақты құрайық.

«Туған жерді гүлдендір» ойыны

Балалар алдын ала қиылған гүлдердің суреттерін тауып орнына орналастыру.

-Балалар, Туған жерді гүлдендірер ұл – қызы міне сендерсіңдер.Еліміздің келешек тағдыры, Қазақстан ертеңі өз қолдарыңда.

Бүгінгі «Мен, Қазақстанның патриотымын!» атты тақырыптық ашық оқу іс - әрекетімізді жылулық шеңберімен аяқтайық.

Жылулық шеңбері

«Мен Отанымды сүйемін!»

«Мен өз отанымды жақсы көремін! , Мен өз Республикамды мақтан тұтамын!,

Мен өз Республикамның бақытты бүлдіршінімін!»

Ұйымдастырылған іс – әрекетіне жақсы қатысқан балаларға «Қуанышты бейнелер» тарату.

Жақсы білі алып, еліміздің адал, еңбекқор азаматы болайық. Ер жетіп еліміздің одан әрі көркеюіне, гүлденуіне өз үлесімізді қосайық.

Белгілі ақын атамыз Ж. Молдағалиев:

Өткеніңді еске алсаң,

Өскеніңнің белгісі.

Өткеніңді ұмытсаң,

Өшкеніңнің белгісі,- деген екен. Сондықтан, халқымыздың бүгінгі уақытқа дейінгі жеткен жетістіктері өздеріңе аманат. Сондай - ақ, еліміздің егемендігін танытатын ресми ерекшелік белгілері: Ана тіліміз, Елтаңбамыз, Туымыз, Ата заңымыз, Әнұранымызды бойындағы бойтұмарындай сақтап қана қоймай, қашанда еліміздің, жеріміздің еркіндігін сақтар мықты ұрпақ, мықты азамат болатындарыңа сенімім мол. Еліміздің жанашыр патриоты болайық.