Сабақтың мазмұны: Қазақ дәстүріндегі әке мен бала арасындағы ұлттық құндылықты дәріптеу.

Ресустар

Сабақтың мақсаты: Отбасыдағы әке мен бала арасындағы қарым - қатынасты нығайту, ұлттық санамызға байланысты әке орнының ерекше екенін ұғынуға және өмірлік тәжірибесін тануға жетелеу.

Міндеттері:

Білімділік: Оқу материалын эмоционалды-бейнелі тұрғыдан қабылдауға ықпал ету, сабақ барысында жалпыадамзаттық құндылықтарды тануды игерту;

Дамытушылық: Оқушылардың рухани-адамгершілік қасиеттерін, танымдық қабілеттерін дамыту;

Тәрбиелік: Отбасыдағы ізгілік пен имандылық, инабаттылық пен тұлғалық қарым-қатынас жасау қасиеттеріне тәрбиелеу.

Сәлемдесу,түгелдеу,

сабақтың мақсаты мен міндеті таныстырылады.

Сабақтың барысы:

1.Ұйымдастыру кезеңі: 5 «Т» ережесін сақтау Тазалық, Тәртіп, Татулық, Тыныштық, Талап.

Тыныштық сәті: Жағымды күйге ену, «Нұрға бөлену».

Ыңғайланып отырыңыздар, денелеріңізді түзу ұстап, аяқ -қолыңызды айқастырмаңыз, қолыңызды партаның үстіне қоюға болады. Көздеріңізді жұмуларыңызды өтінемін.
Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын, таза, әсем гүл сіздің әр ойыңызды, әр сезіміңізді, эмоцияңызды тілек қалауыңызды шайып, жүрегіңіздің қауызын ашты.
Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ой мен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көзімізге де жетті. Көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.
Нұр бірте - бірте қарқынды және шұғылана бастайды, сіздің денеңізден шығып, жан - жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз. Олардың да жүрегі нұрға толсын.
Осы нұр бүкіл әлемге: барлық адамдарға, жан - жануарларға, өсімдіктерге, тірі жанға таралсын... Ғаламның барлық түкпір - түкпіріне нұр бағыттаңыз. Осындай Нұр, Махаббат және Тыныштық күйінде отыра тұрыңыз...
Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.
Жаймен көзіңізді ашып, күлімсіреңіз. Рахмет!

2. Үй тапсырмасын тексеру.

Н.Келімбетов «Ұлыма хат», мазмұндау.

• Автор өзінің әкесін неліктен шамшыраққа ұқсатады?

• Автордың «Қазір ойлап қарасам, әкем өз отбасына ғана емес, бүкіл

бір ауылға «Мейірімділік» деп аталатын пәннен мықтап дәріс беріп

кеткен екен» деген сөздерінен не ұқтыңыз?

• Автордың әкесінің бойынан қандай қасиеттерді байқадыңыз?

• Әкесі неліктен әрқашан айналасына көмек көрсетуге дайын болды?

• Қыран құс туралы аңыздан өзіңіз қандай ой түйдіңіз?

Үй тапсырмасын тексеру

Сұрақ -жауап

3. Дәйексөз Б.Момышұлы

«Ата-ана қадірін білмеген-ел қадірін біле алмас»

 Дәйексөзден қандай ой түйдіңіз?

Дәйексөзді талдап, өз пікірлерін білдіреді.

5. Шығармашылық жұмыс

1 - тапсырма:

«Әке -асқар тау» тақырыбында постер құрау.

2 - тапсырма:

Әкеге арнап хат жазу. «Әкеме хат...»

Балалр өздерінің постерін қорғайды. Әке туралы эссе жазады

4. Әңгімелеу. Мұғалім сыйы

Балалардың ата-анасымен түскен суреттерінен жасалған видеоролик көрсету.

 Сіз ата-анаңызға қалай көмектесесіз? (ой бөлісу)

3-тапсырма: Әзірбайжан ақыны Низами Гәнжауи және қазақ ақыны Мағжан Жұмабаевтың өлеңдерінен үзіндіні видеоролик арқылы көрсету. Ақындардың өскелең ұрпаққа өсиеті не туралы? Екі өлеңге де ортақ идея қандай?

Сабағымызды қорытындылау мақсатында кітапта берілген қанатты сөздермен танысып, мағынасын дәйектеңіз. (Қима қағазға жазылған қанатты сөздер 2 топқа таратылады)

1-топ: Ата-анасын налытқан, кім екендігін танытқан. (Халық даналығы)

2-топ: Әке даңқын асырғын келсе, әкеден асып кетуге асық. (Халық даналығы)

Ой бөлісу

6. Топпен ән айту

Әке -Ана

әні: Р.Әлқожа сөзі: Б.Әлқожа

1.Жанашырым - ана, дара шыңым- ана

Бар асылым - ана, шуағымсың.

Бағбанымсың - әке, зор бағымсың - әке

Қорғанымсың- әке, шырағымсың.

Қайырмасы:

Ана - аяулым өзіңмен мақтанамын

Ана - мен сені меккеге апарамын

Ана - баланың қолдағың бақ талабын, бұлағымсың.

Әке - бір жылы сөзіңе шаттанамын

Әке - мен сені меккеге апарамын

Әке - биікке самғайды баптағаның, шынарымсың әке

2.Өмір берген маған, көңіл бөлген маған

Сенім берген маған айкүнімсің.

Қамқорларым дана, сүйенішім дара,

Әке менен ана байлығымсың.

Қайырмасы:

Ана - аяулым өзіңмен мақтанамын

Ана - мен сені меккеге апарамын

Ана - баланың қолдағың бақ талабын, бұлағымсың.

Әке - бір жылы сөзіңе шаттанамын

Әке - мен сені меккеге апарамын

Әке - биікке самғайды баптағаның, шынарымсың әке

(бейнеклип)

Мұғалім әнді оқушылар-мен бірге орындайды

7. Үй тапсырмасы.

Келесі сабақ: 89-бет, «Бақ туралы аңыз» мазмұндау.

8.Соңғы тыныштық сәті: (Баяу музыка)

Бүгінгі сабақтан игерген жақсы қасиеттерді бойларыңызға сіңіріп, жүректеріңізге түйіп алыңыздар.

Сабаққа белсене қатысып,сыр бөліскені үшін алғыс айту.