Мен таңдаған мамандықТаттигалиева Заура СабитовнаОйыл ауданы, «Жолшы» балабақшасы» МКҚК психологіПедагогика ғылымдарының магистрі
11 сынып.ҰБТ-ге дайындық. Кім боламын? Қандай мамандық таңдасам екен?Арманым көп... Бір жылдан соң арманның жетегіне еніп, «психолог» деп аталатын мамандықты таптым. «Мен бір жұмбақ адаммын оны да ойла»-деп Абай атамыз айтқандай, әрбір жеке тұлға – жұмбақ. Сол жұмбақтың кілтін тауып, жүрек кілтін аша білу, әрбір жүректің құпия сырын оқи білу мен қалаған мамандықтың ғажайып тылсым сыры. Мамандық – бұл әрбір адамның сүйіп, әрі қуана жасайтын ісі, оның ертеңгі болашағы. ХХІ ғасыр – психология ғасыры деп А.Эйнштейн бекер айтпаған. Бүгінгі таңда егеменді еліміздің алға қойған негізгі мақсат-міндеттерінің бірегейі–білікті, білімді және еңбекке қабілетті тұлға қалыптастыру болып табылады. Осы жолда психолог маманның атқарар ролі өте зор. Қай сала болмасын психологиямен тығыз байланысты, өйткені адамдармен қарым-қатынаста шиеленіс туындап отыратыны сөзсіз. Психологияның шығу тарихы ерте кезде басталғанымен, психологтарға деген мұқтаждық біздің елімізде әлемдік даму үрдісіне көшкен кезде пайда болды деуге болады. Осының салдарынан еліміздің білім беру саласында «психолог» мамандығы енгізілді. Психолог адамның сырласы, адам жанының емшісі. Ата-баба дәстүрінен бастау алған жан-жарастығы мен жайсаңдығын әрі қарай жалғастыру, жас ұрпақ санасына қалыптастыру үшін ақын Шәкәрім Құдайбердиевтің сөзімен айтсақ, ар ғылымы мен ішкі жан сыры іліміне ерекше көңіл бөлінуі керек. «Тән ауруы жазылар, жан ауруы жазылмайды» деген сөзде үлкен мән мен мағына бар. Тән ауруын дәрігер емдесе, жан ауруын психолог маман емдейді. Жеке тұлғаның бойындағы мұң мен қайғыны, қуанышты сезе білу, тек психологқа қана тән емес жалпы адамзаттың мейірімі мен ізгілігінен туындайды. Жақсы психолог болу үшін не қажет? Ең алдымен терең білім, еңбек, дәлдік, қыптылық, бастамашылдық, қойған мақсатына жетуге деген өз күшіне сенімділік. Бұл қасиеттер кез-келген мамандық иесіне тән емес пе? Әрине солай? Ал,психолог мамандығы бұдан да зор талаптарды қажет ететіндігін жұмыс барысында сезініп,біліп жүрмін. Ең маңыздысы мәселені шығармашылықпен шешетін терең интуицияның болуы. Психолог-басқа адамның мәселесіне еніп, үсіне отырып, бірақ бұдан өзі зардап шекпейтін тұлға. Әр нәрсеге объективті түрде қарайтын, өз өмірінен тәжірибе қолданбайтын, өзгелермен бірге қуана да, қайғыра да білетін жан. Соңғы кездері психолог мамандығына қажеттілік көбірек туындап отыр. Бұл немен байланысты? Мұның себептері көп, көмекке жүгінген әр адамның – біреуі жалғыз және оның қайғысына ортақтасып, уанышына бөлісетін ешкімі жоқ, енді біреуі шынында да көмекке зәру. Қалай болғанда да психолог көмегіне адам жүгінеді, яғни себебі бар. Психологтың жұмысы осы себепті табу, онымен тіл табыса отырып жұмыс жасау, оны жою тәсілдерін қарастыру. Әрине бұл мен таңдаған мамандығымның жемісі десе болғандай. Мен өз мамандығымның халыққа қажет екенін сезінгенде, бұл мамандықты таңдағаныма ризамын. «Психолог» маман атанып қолыма дипломды алған сәттен бастап білім беру саласында қызмет жасап келемін. Біліміміді шыңдау үшін жоғары білімнен кейінгі білімді, яғни магистр дәрежесін алдым. Ақтөбе қаласындағы беделді мектепте тәжірибе жинап, қазіргі таңда Ойыл өңірінде мектепке дейінгі ұйымда психолог маманмын. Қай салалада болса да әр жастағы баланың даму ерекшеліктеріне сай келетін, тәрбиенің тиімді әдісін таба білу, баламен тіл табыса білу шеберлігі, оқушының сеніміне бөлену, ұйымдастырушылық қабілеттерін қалыптапстыру мақсатында одан әрі жандандырып, әріптестіріме көмегімді тигізсем деймін.Мен өзімді осы мәртебелі де, ғажайып мамандықтың иесі екенімді мақтан етемін және ізденіспен алға ұмтыла беру - менің негізгі мақсатым. Ең маңыздысы өз мамандығымның қоғамға қажеттілігін сезіне отырып, ерекше жақсы көрем және жақсы психолог болу үшін барлық ерік-жігерімді сарп етуге әзірмін.