«Мен ядролық қарусыз әлем үшін»

Мен табиғаты таңғажайып жазық дала ,ауасы таза ,әрі шипалы, Ертіс өзенінде орналасқан артезиан ұңғымаларындағы таза су бар,самал желді қоңыр дала Семей өңірінің ұрпағы «Ядролық қарусыз әлем үшін» ұранын үнемі биік ұстаймын.

Семей ядролық полигоны, Семей сынақ алаңы - ядролық жарылыстар жүргізілген сынақ аймағы. Ядролық полигон еліміздің ең шұрайлы жерлерінің бірі саналатын және аты әлемге әйгілі қазақтың ғұлама біртуар данышпандары - Абай, Шәкәрім, Мұхтар бабаларымызды өмірге әкелген қасиетті Семей өңірінің Абыралы, Саржал, Шыңғыстау, Дегелең тауларының баурайынан кезінде ойып тұрып орналасты.

Ядролық қаруды қолдану күші тұтас мемлекеттерді, тіпті құрлықтарды жермен жексен етуге мүмкіндік беретін алапат зұлым күш еді. Бірақ біздің Елбасымыз Нұрсұлтан Назарбаевтың бастамасымен Қазақстан дүние жүзінде қуаты жағынан үшінші болып саналатын ядролық қарудан өз еркімен бас тарты. Мен өз елімнің елбасының нақты,батыл,шешімін мақтан етемін. Елбасы Нұрсұлтан Назарбаевтың– әлемдегі ең ірі Семей полигонын жаба отырып,ондағы атом жарылыстарын тоқтату арқылы қоршаған ортаның радиациялық тозаңмен ластануына шек қойды. Ал ең бастысы әлемдегі ірі сынақ полигондарының жойылуы –дүниежүзілік атом соғысының болдырмаудың да ең қажетті алғы шарты болды.

«Бүгінгі күнді түсініп-түйсіну үшін де, болашақтың дидарын көзге елестету үшін де кешегі кезеңге көз жіберуіміз керек» деп Н. Ә. Назарбаев айтқандай болашақты ойлау мақсатында қоғамдық бірлестік құру қажеттігі туындады.

Полигонды жаптырған күннің өзінде жарылыстан зардап шеккен халықтың денсаулығын қалпына келтіру үшін жүргізілетін жұмыстардың өзі ұшан-теңіз және ол көптеген жылдарға созылады.Осы жағдайларды ескере отырып, жаңа қоғамдық бірлестік құру қажеттігі айтылады. Оның аты «Невада - Семей» болсын деп ұсыныс жасалды.

Невада – Америка Құрама Штаттарының бір әкімшілік бірлігінің аты. Онда АҚШ - тық атом полигоны орналасқан. Қоғамның аты «Невада - Семей» қойылуы оның жұмысының дүниежүзілік мәнін, түбінде Кеңестер Одағының ғана емес, АҚШ - тың да ,өзге елдердің де полигондарын жабу мақсатын көздегенін көрсетеді

«Невада - Семей» қоғамдық бірлестігінің алғашқы және заңды төрағасы болып көрнекті қоғам қайраткері, ақын Олжас Омарұлы Сүлейменов сайланды.

Табиғат-біздің анамыз. Оны таза ұстау, қорғау, экологиялық орта қалыптастыру біздің еліміз, адам баласының келешегі үшін қажет. Сондықтан экологиялық күрес - өмір үшін күрестің негізі болып табылады.

Міне ұрпақтан-ұрпаққа мақтаныш болған семей ядролық полигонның жабылуына биыл 30жыл. т