«Менеджер» іскерлік ойыны мақала

«Менеджер» іскерлік ойыны

Елбасымыз Н.Ә.Назарбаевтың айтқанындай: «ХХІ ғасыр ұлттық бәсекеге, ақпараттық сайыс, инновациялық реформалар сияқты көріністермен ерекшеленеді. Сол кезеңге сай, ой-өрісі жоғары дамыған, халықарлық деңгейге сәйкес білімі бар азаматты тәрбиелеу – әр мұғалімнің міндеті» - деген.

Елімізде білім жүйесін дамыту талаптарына сай оқушыларға терең білім мен тәрбие беру, оларды жан-жаты дамыту бүгінгі күннің басты мәселесі. Осыған орай білім бөлімінің әдіскері Гаухар Нүрпейісованың «Менеджер» атты іскерлік ойыны аудан мектептеріне таратылып, бұл ойын әр мектепте іс жүзінде жүзеге асырылуда. Бұл «Менеджер» ойынының басты мақсаты – оқу үлгірімінің сапасын арттыру, ізденімпаздылық, іскерлік пен жауапкершілікті нығайту болып табылады. Ойында әрекет нақты анықталған, және айқын түрде белгіленген. Ойынға мектеп оқушылары бағынып, сол арқылы өз мақсаттарын жүзеге асырады.

Осындай мақсатты «Көгедай» орта мектебінде 5-6 – сынып оқушылары арасында «Менеджер» ойынын «Жас Ұлан» ұйымының ұйымдастыруымен қолға алынып, жүзеге асырылып келеді. Ұйымның идеясымен «Kogeday Dollars» атты қағаз ақша валютасы еңгізіліп, «Қаржы» банк 200 доллар көлемінде 5-6 – сынып оқушыларына ақшалай кредит берді. Әр сынып кредитке алған ақшаларына қоса, табыс көзін таба білді. Әсіресе сабақтан себепсіз қалмау, кешікпеу, форма сақтамау қолға алынды. Осы ойын арқылы оқушылардың сабаққа деген қызығуылығы, ынтасы артты. Алдарына қойған мақсаттарына жетуді ойластырып, нашар оқитын оқушылардың өздері ойынға араласып, сыныбын артқа қалдырмау үшін сабаққа, қоғамдық жұмыстар мен шараларға белсене араласты.

«Менеджер» ойыны оқушылар үшін оқу да, еңбек те болып табылады. Бұл ойын оқушыларға өмірде кездесетін қиыншылықтарды жеңудің жолын үйретумен қатар оларды ұйымшылдыққа, іскерлікке, жауапкершілікке тәрбиелейді.

Гаухар Табысбаева

«Көгедай» орта мектебінің

Тәлімгері