Меңіне қарай мінезін біл

Меңіне қарай мінезін біл

Адамның бетіне, дене мүшелеріне орналасқан «мең –қалға» қарап білгірлер бірталай дүниені болжаған. Мең адамның бір бөлшегі. Мең арқылы адам өзі туралы түсінік алып, мінезін тануға немесе мінездің кейбір қайшылықтарын білетін болған. Сонымен, денедегі таңба қалға меңге қарап бірқатар түсінік алып көрелік. Ұнамайтын жақтарын автордың үлесіне қалдыруға болады.

Оң жақ самайға біткен мең – ақылдылықтың, парасаттылықтың белгісі ретінде сипатталған. Ал сол жағына біткен мең – дәрменсіздіктің, өзгелерге қамқорлық күтудің белгісі. Егер мең көздің үстіне бітсе – ол адамның салмақты, өзіне өзі сенімді және істеген ісіне мұқият екендігінің белгісі. Оң жақ қабақта орналасқан мең – ерте үйленеді немесе ерте тұрмыс құрады. Бұл адамдарда мейірімділік, салмақтылық қасиеттері бар. Ал сол жақ қабақта мең болса – есте сақтау қабілеті мықты бойында үлкен талант бар адамдарды айтады. Бірақ өмірде көп қиындықтарға жолығады. Құлаққа бітен мең – кісінің қаталдығын көрсетеді. Бұл адамдар мақтаншақ, өзінің жасаған кемшіліктерін тез ұмытатындар.

Ерін, езу айналасында мең болса – адамның сезімталдығын білдіреді. Көп сөйлейді де, тыңдағанды онша ұнатпайды.

Ал үстіне орналасқан мең – өмірде биіктерден көрінетіндігін білдіреді.

Мойынға біткен мең – қаншалықты қиыешылық көрсе де түбі жеңіске жететіндігінің белгісі. Бұл адамдарда интеллектуалдық рухани жағынан өте дамыған адамдар жатады. Сондай –ақ, күтпеген олжаға жолығады.

Иық үстіндегі мең – өте көп ақпарат алып жүретін адам. Барлық нәрседен бір мін тауып жүретін және барлық жұмысты өзі ғана істейтін адамдар.

Арқадағы мең – өзіне –өзі талабы күшті, өзгеге де талап қоя алатын адамдар. Сонымен қатар барлық нәрсені түсініспеушілікпен қарайтын жандар.

Мең оң қолда болса – онда үнемі жолы болғыштықты білдіреді. Қолы ашық жандардың қатарына жатады.

Сол қолдағы мең болса – ақшадан тарығуды білдіреді. Барлық нәрсеге сабырлық танытуды мақсат тұтқан адамдар.

Алақанында меңі бар адамдар – қуатты, іскер, еңбекқор болады. Білгенін айтпайтын білмегенін сұрамайтын жандар.

Саусағында меңі бар адамдар – қабілетті, дарынды адамдар. Бұл топқа кісінің білмейтін істерін жасайтын адамдарды жатқызуға болады.

Қарында меңі бар адамдар – жалқау, еркіншек болады. Бірақ бір тірлікті соңына дейін жеткізетін жандар.

Аяғының табанындағы мең болса – жеңіл мінезділіктің, тез шешім қабылдағыш адамдарды айтады. Өз сөзінен опық жейтін адамдар қатарына жатады.

Қорыта айтқанда, әр бір адам өзінің мең қалға қарап, өзі жайында бірталай мәліметтер алып, өзінің дене мүшесіндегі меңнің қандай қызмет атқаратындығын біле аладыыыы деген сенімдеміз.