Мені ата-анам түсінбейді

Тақырыбы: «Мені ата-анам түсінбейді» (6-9 жас аралығы балаларға)

Мақсаты: ата-ана мен бала арасында өзара түсіністік тудыруға жағдай жасау.

Міндеттері:

• Ата-ана мен бала арасындағы кикілжіңді сұрақтарды анықтау;

• Кикілжіңді жағдайларды балаларға ата-ана кейпінде талқылату;

• Кикілжіңді жағдайларда өзара түсіністікке келуді дамыту;

• Ортақ шешімге келуді дағдыландыру;

Көрнекіліктері: теледидар, жұмсақ ойыншық.

Сабақтың өту барысы:

1. Сәлемдесу. «Ыстық картоп» ойыны арқылы топ балаларын бір-бірімен таныстыру. Ойын барысында қатысушылар бір-біріне жұмсақ ойыншықты беру арқылы есімдерін айтып шеңбер бойымен танысып шығады, барлық қатысушы есімдерін айтып болған соң жұмсақ ойыншықты естеріңде сақтап қалған ойыншыға лақтыру арқылы ойын жалғасын табады.

2. «Анам мені кешіреді....» атты мултьфильм көрсетілімі. Көрсетілім барысында кездескен келеңсіз жағдайды қатысушылармен бірге отырып талқылау.

3. Ата-аналар тарапынан қойылған талаптарды талқылау.

- неге ата-ана тыйым салады?

- ата-аналарын қойған тыйымдарды,өз балаларына рұқсат етесіңдер ме? Неге?

- сені ұзақ уақыт бойы компьютер алдына отырғызбау, қараңғы түскенше далада жүруіне тыйым салу,және т.б.б дұрыс па? Сен осы айтылған тыйымдарға қаншалықты ренжисің?

4. Кикілжіңжі жағдайларды талқылау.

Мысалдар:

- Анам үнемі маған айтады: « Мен сенің жасында тамақ істей алатынмын,шұлық тоқу қолымнан келетін, бауырларыма қарай алатынмын! Ал сен......»

- Әкем үнемі маған айтады: « Жігіт ешқашан жыламайды,сен шыдауың керек!» Саған қанша қиын болсада аямайды, қол ұшын созбайды.

- Үй жұмысын орындағанда қателессең немесе тапсырманы түсінбесең, мисыз және қолыңнан ешнарсе келмейді деп келеке етеді.

- Үй тапсырмасын сабақтан келген соң орындауға талап қояды. Сенің жағдайыңа көңіл бөлмейді.

5. «Шешімін тап» ойыны. Жүргізуші кикілжіңді жағдайды оқып береді.Қатысушылар ситуациялық жағдайдан шешім тауып шығу керек.

6. Алған білімді қорытындылау.

Әрбір ата-ана кез-келген кикілжіңді жағдайды ешқандай айқай-шусыз шешу керектігін әркез біле бермейді. Ал, балалар сол жағдайда барлық қойылған талаптарға көнгісі немесе ата-ана тарапынан айтылған талаптарға келісе бермейді. Кездескен кикілжіңді жағдайды дұрыс жағынан шешу үшін ата-ана бала, бала ата-ана кейпіне еніп, бір-біріне түсіністік таныта білуі тиіс.