Мені қоршаған әлем

Күні: 16.02.2021

Тақырыбы: Мені қоршаған әлем

Мақсаты:  Оқушылардың жаратылыстану пәніне деген қызығушылығын арттыра отырып, алған білімдерін дамыту, тұрмыста, еңбекте, өмірде қолдану.

   Оқушыларды адамгершілікке, шеберлікке,шығармашылыққа, сөз сөйлеу мәнеріне, жылдамдыққа, ұқыптылыққа, тазалыққа тәрбиелеу.

Сайыс жоспары:

І. Ұйымдастыру кезеңі

ІІ. Сайыстың кезеңдерімен таныстыру.

1. Ребус шешу

2. «Сиқырлы әлем»

3. «Адасқан әріптер»

4. «Қызықты тәжірибе алаңы»

ІІІ. Қорытынды

Әділқазылар алқасына 5 баллдық жүйемен есептеу.

Барысы:

І. Ұйымдастыру кезеңі

Оқушылар «Өрмекші торы» арқылы бір-біріне жылы лебіздерін білдіреді.

-Сайыстың тақырыбы мен мақсатын таныстыру

-Қатысушы оқушылармен танысу

-Әділқазыларды таныстыру

ІІ. Сайыс кезеңдері

1.Ребусты шешу

Үш топқа ребус беріледі. Ребусті шешу арқылы, топтарының атын атайды.

1-топ: Атмосфера

2-топ: Литосфера

3-топ: Гидросфера

2.Сиқырлы әлем

Бұл кезеңде топтарға сұрақтар беріледі. Оқушылар сұрақтарға жауап береді.

1-топ сұрақтары:

• Литосфера жердің қандай қабығы? (қатты)

• Ең құнарлы топырақты ата. (қаратопырақ)

• Өсімдіктер мен жануарлардың шіріген қалдықтары не деп аталады? (қарашірік)

• Топырақтың құрамын ата. (құм, саз, қарашірік, ауа, су)

• Бір шөкім топырақта қанша микроб бар?

2-топ сұрақтары:

• Ғарышқа алғаш рет қандай дене ұшырылды? (жасанды серік)

• Ғарышқа адамға дейін не ұшырылды? (ғарышкер иттер)

• Ғарышқа ең алғаш ұшқан ғарышкер кім? (Ю.Гагарин)

• Орбиталық станса не үшін қажет? (Ғарышкерлер тұратын, жұмыс істейтін үй)

• Зымыран аспанға көтерілу үшін оған не орнатылады? (реактивті қозғалтқыш)

3-топ сұрақтары:

• Жердің су қабығы не деп аталады?

• Жер бетіндегі тірі ағзалар алғаш рет неде пайда болған.

• Судың әртүрлі қалпын ата.

• Жер бетіндегі судың қанша пайызын адам қолданады?

• Судың тіршілік үшін маңызы қандай?

3. Адасқан әріптер

Оқушылар адасқан әріптерден сөз шығарады.

1-топ: электр, энергия.

2-топ: топырақ, қарашірік

3-топ: зат, күй

4.Қызықты тәжірибе алаңы

1-топ: Көкөніс және жеміс жидектерден электр энергиясы шыға ма? Осы сұрақ төңірегінде зерттеу жұмысын жүргізеді.

2-топ: Топырақ қандай болады? Осы сұрақ төңірегінде зерттеу жұмысын жүргізеді.

3-Топ: Түрлі күйдегі заттар қандай қасиетке ие болады? Осы сұрақ төңірегінде зерттеу жұмысын жүргізеді.

5.Мені қоршаған әлем

1-топ: Оқушылар сурет салады

2-топ: Аппликация жасайды

3-топ: Моделін құрады

ІІІ. Қорытынды

• «Қоршаған ортаны қорғау» бейнеүзік көрсету

• Әділ-қазыларға сөз беру

• Жеңімпаз топты анықтау

• Сайысты қорытындылау.