Менің ана тілім

Менің ана тілім.

Менің ана тілім-қазақ тілі. Мен өз тілімде қазақша сөйлеймін. Әр адам өзінің ата-бабасы қай тілде сөйлесе, сол тілді өз тілі деп біледі. Алайда, бұл сенің тұрып жатқан мемлекетіңе тікелей байланысты. Қазіргі таңда ағылшын тілімен барлық ұлт сөйлеседі. Ағылшын тіліне келетін болсақ, мен ағылшын тілінен үйірмеге қатысып жүрмін. Қазақта «Өзге тілдің бәрін біл, өз тіліңді құрметте»-деген сөз бар. Сол сияқты біз шет тілді үйренбестен бұрын, өз тілімізде еркін сөйлесе алуымыз керек. Қазақстанда түрлі ұлт иелері бар. Олар ұлтаралық тіл, яғни орыс тілінде сөйлеседі. Адамдардың бәрі өз ана тілінде сөйлей бермейді. Себебі кейбірінің ата-аналары қалада тұрып, басқа тілде сөйлеуі мүмкін. Қазақтар өте намысшыл халық. Олар өзге тілде сөйлейтін жандарға қарсы. Кейбірі өз тілдерінен ұялады. Меніңше, керісінше олар өз тілін білмегені үшін ұялуы керек. Қазақ тілі - өте бай тіл. Қазақ тілінде қаншама нақыл сөз бар. Мақал-мәтелі, жаңылтпашы, жұмбағы бар. Ережелері де жетерлік. Біз ережені жаттап, оқи отыра таза, сауатты жазуға үйренеміз. Біз қазақ халқы ана тілін ерекше құрметтейміз. Белгілі қазақ ақыны, жазушысы Мұқағали Мақатаев «Үш бақытым» өлеңінде сол бақыттың біріне тілді жатқызады. Өлеңде сен тіліңе қанша ренжісең де оны сата алмайтыныңды айтады. Ақындардың ана тілі туралы әрбір өлеңін мұқият оқып шықсақ, одан ана тілі ең басты байлық екенін білеміз. Жер бетінде ана тіліне теңер ешбір құбылыс жоқ. Меніңше, өз тілін білмейтін, ұлы Абайды танымайтұғын қазақ, қазақ деген атқа тіптен сай емес. Мен Шығыс Қазақстан облысы Өскемен қаласында тұрамын. Менің ойымша, Абай, Шәкәрім, Мұқағали және т.б белгілі ақындардың өлкесіндегі адамдар оларды жатқа білуі тиіс. Соған орай әртүрлі іс-шаралар өткізілсе жақсы болар еді. Соның арқасында біз өзіміздің қазақ халқы мен оның тілін насихаттай аламыз. Мен өз басым ана тілін білмейтін адамдарды түсінбеймін. Сонау жылдардан келе жатқан асыл, әрі қадірлі тілімізді елемегені деп түсінейік пе? Бұрынғы заманда біздің аталарымыз орыс халқының құрамында болды. . Кейіннен Қазақстан мемлекеті болып бөлініп шықты. Осы тілдің арқасында қаншама қазақтың кеудесінде патриоттық сезім пайда болды. Бұл тілдің тарихы өте ұзақ, әрі мағыналы. Кезінде Ұлы Отан Соғысы болған кезде, Жамбыл Жабаев біздің жерлестерімізге күш беру мақсатында «Ленинградтық өлең» атты туындысын шығарды. Оны естіген әр қазақтың ішінде Отанына деген махаббаты лаулады. Сондай қиын заманда-ақ қазақ тілі барлығына күш, рух берген. Тіпті бұрында қазақ халқы бір сөзбен жауды кері қайтарған. Мінекей, көргендеріңіздей бір қазақ тілінің өзі қаншама тарихи кезеңдерді құрайды. Менің келер ұрпаққа айтарым, ана тілдерін қадірлеулері керек. Әрине, олай айтқанмен тыңдайтындар санаулы ғой. Әр адам өзі біледі. Дегенмен, өз тіліңді білмесең өзіңе тиеді. Өз тіліңді білмесең, неге қазақ болып жүрсің? Сәби былдырлап сөйлегенен бастап, ақырғы сөзіне дейін ана тілінде сөйлейді. Қаншама авторлар, белгілі тұлғалар, шығармашылық жолындағы адамадардың бәрі ана тіліне деген сезімін, алғысын жеткізе алмайды. Әр тілдің өз мағынасы болады. Ана тілінде біз қаншама жақсы сөздер айтамыз. Мысалы: рахмет, оқасы жоқ, сәттілік және т.б. Меніңше, әр жан өз ана тілін білуі керек. Ана тілі әлемнің сегізінші кереметі. Біз тілімізді қадірлей білуіміз керек. Қорытындылай келсек, мына дүниеде ана тілден артық ештеңе жоқ.