4 сыныптарға

Менің ата-әжем (шығарма)

Менің атам мен әжем бар.Екеуі әрдайым мені еркелетіп отырады.Бұрын бала-бақшаға ертіп апаратын.Енді міне, мектепке алып келеді.Атам менің сабақтарымды қадағалайды. Бос уақытымда халқымыздың шежіресін , салт-дәстүрлерімізді айтып, оны естен шығармауымды ескертіп отырады.Кейде шахмат ойнаймыз. Ал, әжем болса тоқыма тоқуды, кесте тігуді,түйме қадауды үйретеді.Қыз бала қол өнерге жақын болу керек дейді әжем.Мен олардың ақылын тыңдаймын.

Қазіргі қарттар үйі туралы атам мен әжем дастарқан басында жиі айтады. Менің де бұл тақырып қозғалғанда ол жердегі қарияларды аяп кетемін.Балалары үшін күн-түн демей жұмыс істеп, барын баласының аузына тосып, бағып-қағады. Соңында кейбір балалар ата-аналарын қарттар үйіне өткізіп тастайды. Бұл-қатыгездік. Ата-анамыз біз үшін аянбай еңбектеніп жатыр,олардың еңбегін бағалайық. «Атаңа не істесең, алдыңа сол келеді» деген бабаларымыздың сөзін ұмытпайық дегім келеді.Менің сәби жүрегім болашақта мұндай қиянат болмаса екен деп тілейді.Қарттар күні ата-әжелерімізді құттықтап, олардың біздің өміріміздегі ең жақын,ең аяулы адамдар екенін білдірсек, нұр үстіне нұр болар еді. «Үлкенге құрмет, кішіге ізет» дегендей аялап баққан ата-әжелерімізді, ата-аналарымызды аялайық, құрметтейік.Тіршілікте қадірін білейік!