Менің бақытты отбасым

Менің бақытты отбасым

  Отбасы — адам өміріндегі ең маңызды нәрсе. Отан отбасыдан басталады деп бекер айтпаса керек. Отанның бір кішкентай бөлшегі ол - отбасы. Әрбір адамның өз отбасысы бар. Сол сияқты менің өз отбасым бар. Менің отбасымда бес адам бар. Әкем, анам, екі інім, бар. Мен олармен бір шаңырақ астында тұрамын.
"Әке- асқар тау,
Ана- етегіндегі бұлақ,
Бала-жасындағы құрақ" деп тегін айтылмаған болар. Қара шаңырағы-мыздың ақылшысы, арқа сүйеріміз: жан әкешім, аяулы анашым,бауырларым- менің бұл әлемдегі байлықтарым. Бала отбасында әкеден ақыл, анадан мейірім алады. Олар мені адалдыққа, мейірімділікке тәрбиелеп, менің саналы, ұқыпты және тәртіпті болып өсуіме жол көрсетеді. Ата – анам әрдайым маған қолдау көрсетіп отырады. Осындай отбасында өмір сүріп жатқаныма қуаныштымын. Себебі, менің жанұям қасымда. Мен өз отбасымды үлгі тұтамын және мақтанамын. Менің асқар таудай әкем мен алтын анам тек бізді ғана ойлайды. Біз үлгі тұтарлық отбасымыз. Бұлай деуімнің себебі, біз әрдайым сыйластықпен және отбасы жарастығы арқылы кез келген қиындықты бірге жеңеміз.

Менің жанұям, жақындарым мен үшін аса қымбат адамдар. Біз бір-бірімізді әрдайым қолдап, қол ұшын беріп келеміз. Сол себепті менің түсінігімде отбасы қуанышты да, қайғыныда бірге көріп, өмірдің бар қиындығын бірге жеңу, сенің жақын адамдарың мен бақытты өмір сүруің. Әр бір адам баласы өз отбасымен бірге бақытты бейбіт өмір сүрсе екен деп тілеймін.

Мен өз отбасыммен бақыттымын!