Тақырыбы: «Менің армандарым»
Мақсаты:
1. Оқушыларға мамандық ұғымы, мамандық түрлері туралы ой – өрістерін кеңейту, мамандықтың адам өміріндегі маңызы, мамандық таңдау үлкен жауапкершілікті талап етілетіндігі туралы түсініктерін қалыптастыру;
2. Өз Отанына, еліне адал қызмет ететін, еліміздің болашағы үшін аянбай еңбек ететін азамат тәрбиелеу;
3. Өздерінің қызығушылықтары, икемділігі, бейімділігіне сай мамандық таңдау қабілеттерін дамыту;

Әдісі: пікірлесу, ой бөлісу, сұхбаттасу, кеңес беру
Жоспар:
1. Мұғалімнің сөзі
2.«Мамандық туралы не білеміз?» сұрақ – жауап
3.«Кімге қай мамандық жарасады?» ойын
4. «мамандықты тап» (11 – сынып оқушылары таңдаған мамандықтары туралы ой бөліседі)
5.«Сенің ерекше қабілетің» ( Бір-бірімізге тек қана бір жақсы қабілетімізді жазайық. Оқушылар бір-бірінің арқасына ілінген ақ қағазға, өзі байқаған жеке қасиетін жазады. Мысалы, ұйымшыл, белсенді, іскер, өнерлі,әдемі, озат, ұқыпты,салмақты,көңілді, талапшыл,ақкөңіл)
6. Қорытынды

Тренинг «Сенің ерекше қабілетің»

Бір-бірімізге тек қана бір жақсы қабілетімізді жазайық. Оқушылар бір-бірінің арқасына ілінген ақ қағазға, өзі байқаған жеке қасиетін жазады. Мысалы, ұйымшыл, белсенді, іскер, өнерлі,әдемі, озат, ұқыпты,салмақты,көңілді, талапшыл,ақкөңіл
Барысы:
І. Мұғалім Құрметі оқушылар! Бүгінгі тәрбие сағатында біз сендермен мамандық әлеміне саяхат жасамақпыз. Сендердің барлығыңда да болашақта «кім боламын?, қандай мамандық таңдаймын? қай мамандық иесі боламын?» деген сұрақтар мазалайтыны белгілі. Әрине мамандық таңдау – үлкен жауапкершілікті іс. Әлемде мамандық түрлері өте көп болғандықтан, сендер үшін таңдау жасау өте қиын. Мамандықтың жаманы жоқ, бірақ қандай мамандық болмасын оның өзіндік ерекшеліктері, талаптары болады. Мамандықтың кез - келгенін игеруге ең басты адамның қызығушылығы, икемділігі қажет, кей адамдардың ойынша бұл жай күн көру секілді, бірақ ол теріс пікір, себебі маман иесі болу үлкен жауапкершілікті, өнерді, шеберлікті қажет ететін нәрсе. Жақсы маман иесі болу үшін ең алдымен таңдаған мамандығыңды сүюің керек, сол мамандықты барлық қырынан танып, сырын жете меңгерулерің керек. Өзінің икемділігі мен қабілетіне қарай маман болған адамның жұмысы да өнімді, берекелі болмақ.
ІІ. Сол себепті ең алдымен оқушылар сендер мынадай сұрақтарға жауап берсеңіздер.
1. Мамандық дегеніміз не?
2. Мамандықтың түрлерін ата
3. Жақсы маман иесі болуы үшін адам нені ескеруі қажет?
4. Мамандықтың бірнеше түрін меңгерген қажет деп ойлайсыздар ма?
5. Қоғамда сұранысқа ие мамандықтар қандай?
6. Өзінің мәнін жоғалтпайтын қандай мамандықтар?
7. Жаңа заман талабына сай мамандықтың тууы немен байланысты?
8. Сен жақсы маман иесі атанып, сол еңбегіңнің жемісін көруің үшін не істейсін?

Оқушылардың жауаптары:
1. Мамандық – біздің болашағымыз, адамның кішкене кезінен бергі арманы,
2. Дәрігер, мұғалім, прокурор, менеджер, кинолог, автомеханик т. с. с
3. Адам ең алдымен өзінің мамандығын сүюі керек.
4. Адамның тек қана ұнатып істейтін бір мамандығы болуы тиіс.
5. Техникалық мамандықтар
6. Мұғалім, дәрігер
7. Қоғамда болып жатқан өзгерістерге байланысты туындайды
8. Таңдаған мамандығым бойынша сапалы білім аламын.
ІІІ. «Кімге қай мамандық жарасады?» ойын
Бірінші ойын: Бланкіде әріптер берілген: М, Р, И, С 

Осы әріптерден басталатын мамандықтарды ойлап табу керек. Мұны кім жақсырақ жасайды?

М
Р
И
С

Психолог – ол мейірімді, жайлы, кез – келген адамның жанын түсіне алатын, сонымен қатар оған ақыл – кеңес беретін адам. Қазіргі заман талабына сай психолог мамандығы – өте қажетті мамандық деп есептеймін. Себебі қазіргі кезеңде көптеген адамдарға моральдық жағынан көмек керек. Әсіресе оқушыларға емтихан кезінде немесе кез – келген қиындықтардан шығу жолдарына бағыт – бағдар береді. Психолог мамандығы топ арасында менің бөлмелесім Бинураға көбірек келеді. Себебі ол кез-келген уақытта біздерге өзінің ақылын айтып, тыныштандырады.

IV. «Мамандықты тап» (11 – сынып оқушылары таңдаған мамандықтары туралы ой бөліседі)
Алты жасында бала бірінші сыныпқа келіп, жолында әртүрлі мамандықтағы мұғалімдермен қатар, басқа мамандықтардың өкілдерімен де кездеседі.Төмендегі берілген кестеден мамандық атауларын тап.(14 мамандық)

Медбике, күзетші, психолог, асбазшы, тәрбиеші, тазалаушы,күтуші, бухгалтер, жүргізуші, сантехник, электрик, кладовщик, мұғалім, кітапханашы

«Әуе шарлары» Өз есімі мен болашақ таңдаған мамандығын шарға жазу.

Тренинг«Армандар» жаттығуы

Барлық қатысушы шеңбер бойымен отырып, 3-4 рет терең дем алып, көздерін жұмады. Өз тілектеріне көңіл аудара отырып, болашақ мамандығын, қоғамдағы орнын, жақын арадағы қоршаған ортасын елестетеді. 1,5 минут уақыт беріледі. Жанға жағымды әуен ойнайды.

Берілген уақыт өткеннен соң тағы да 3-4 рет терең дем ала көздерін ашады. Топ өзінің алған әсерімен бөліседі. Тренер әркімнің айтқандарын толықтырады, яғни әрқайсысының қол жеткізгісі келетін, алға қойған мақсат, армандарының бар екенін айтады.Топ қатысушыларының күтетін және күдік алатын, қорғанатын нәрселері. Әрқайсысы өздерінің жеке- жеке не күтетіндіктері мен қорқатын жағдайларын айтады. Қатысушылардың барлығы өз ойларын айтып болған соң, «дәл осы жерде және қазір» болатын жұмыстың мәні түсіндіріледі.

Қорытынды: Адамдар мамандықты жүрегінің қалауы бойынша таңдауы керек. Өйткені, әрбір адамның болашағы таңдаған мамандығына тікелей байланысты. Өз ісін жақсы көріп, үлкен жауапкершілікпен атқарғанда ғана бақытты болады. Ал жүрегі қаламаған мамандық иелері көп қиындықтарға кездеседі.Адам өз өмірінде екі нәрсені таңдауда қателеспеуі керек: біреуі – жар таңдау, екіншісі – мамандық таңдау» деп М.Мақатаев ағамыз айтқандай, мамандық таңдау – жасөспірім кездегі адам өміріндегі ең маңызды шешімдердің бірі. Бүгінгі кешімізге келген сіздерге рахметімді айта отырып, бұл кездесу болашақта өз қызығушылықтары мен қабілеттеріне сәйкес келетін мамандықты анықтауға, кейбіреулеріне өз таңдауларын жасауға үлкен септігі тиеді деп ойлаймын.Абай атамыз айтқандай «болмасаң да ұқсап бақ, бір ғалымды көрсеңіз. Ондай болмақ қайда деп, айтпа ғылым сүйсеңіз» дегендей алға ұмтылып арманымызға жетіп, мамандық иесі болайық.