«Менің болашақ мамандығым» 2 сынып

Әсеппаз болма әрнеге

Өнерпаз болсаң арқалан

Сен де бір кірпіш дүниеге

Кетігін тапта бар қалан,

• деп өмірден өз орнын тауып, елімізге қажетті кәсіп иесі болу бәріміздің арманымыз. Біздің таңдауымыз әртүрлі. Солай ғой?! Әрине,біреуің ертең ақын, екіншің инженер, үшіншің құрылысшы, мұғалім, аспаз, дәрігер боласыңдар. Жаман мамандық жоқ. Мамандықтың бәрі жақсы. Сонымен балалар,белгілі бір мамандық иесі болу үшін арнайы оқу керек екенін білесіңдер. Сондықтан қазірден бастап жақсы оқып, ізденіп, көп білім алуларың керек.

Сергіту сәті! «Ұлттық аспаптар»

• Балалар, біздің «Ақ ниет» үйімізде қандай мамандық иелері еңбек етеді? Кім айтып береді? (балалардың жауаптарын тыңдау)

• Иә, дұрыс айтасыңдар, бізде медицина қызметкерлері, арнайы сала мамандары, мұғалімдер, тәрбиешілер, аспаздар және де тазалық сақтаушы апайлар еңбек етеді. Әр салада еңбек еткен жандар, балалар сендерге қолайлы жағдай жасап, білім-тәрбие, денсаулықтарыңды түзеуге, әдемі-таза жерде жүрулеріңе еңбек етуде, осыны бағалау, құрметтеу сендердің міндеттерің, солай ғой? Жақсы!

• Балалар, жұмбақ жасырамын, кім жылдам табады екен!

1.Білімнің дәнін тереді, Балаға тәлім береді. (мұғалім)

2.Адамның жүзін, Басы мен көзін.

Айнытпай келбетін, Салатын кім суретін? (суретші)

3.Қалпағы ақ қарасаң, Дәрігер емес, бірақ ол. (аспаз)

4.Өскен шашты жаратпайтын, Қайшысы бар жалақтайтын. (шаштараз)

5. Ала таяқ ұстаған, жол тәртібін нұсқаған.

Өміріңді күзеткен, ысқырығы күшті адам (полиция)

6. Сауықтырар сырқатты, жылы үнмен тіл қатты (дәрігер)

- Өте жақсы, балалар, жарайсыңдар!

Осы мамандықтар арасында таңдау жасау өте қиын екен. Балалар енді көздеріңді бір сәтке жұма отырып «Мен өскенде кім болам? Менің болашақ мамандығым қандай болады»деген сұраққа армандап көріңдерші.

-Мамандық тандау үшін, ең алдымен өзіңнің бейімділігіңді білу тану қажет. Ең бастысы адам еңбекке қабілетті зейінді болуы керек.

-Сонымен кімнің қандай арманы бар? Болашақта кім қандай мамандық иесі болғылары келеді?

-Өте жақсы балалар сендердің армандарыңның орындалуына тілектеспін.

- Қазір, мен сендерге парақтар таратамын, қарындаштарыңды алып, жаңағы армандаған мамандықтарыңды осы параққа түсірсеңдер. Сурет саламыз.

- музыканы ести отырып арманымызды параққа түсірейік.

Мамандықтың жақсы бәрі,

Армандай біл таңда да,

Бір мамандық ап шығады,

Күні ертең бар бала.

Болшақта сендерден үлкен, мықты маман иелері шығады деп үміттенеміз.

Қазақстанның дамуына өз үлесің қосатын үлкен азамат болуларыңа тілектеспін.