Менің көңіл – күйім.

ШҚО Өскемен қаласы әкімдігінің «№22 орта мектебі» КММ «Еркетай» шағын орталығының педагог - психологы

Жолтаева Зухра Алимхановна

Тақырыбы: «Менің көңіл – күйім» ойын – жаттығуы

Мақсаты: Топта жағымды көңіл – күй қалыптастыру,балаларға көңілді күй сыйлау, эмоциясын білдіруге үйрету.

Міндеттері:

Білімділік: Балаға өзінің көңіл - күйін анықтап бағалай отырып өзгелердің көңіл күйіне назар аудара білуге үйрету, «көңіл күй»ұғымын бекіту.

Дамытушылық: Өзгелердің көңіл – күйін түсіну және қалыпты ұстай білуге дағдыландыру.

Тәрбиелік: Өзіне және қоршаған ортаға позитивті қарым-қатынас жасай білуге тәрбиелеу.
Әдіс- тәсілдері: әңгімелеу, сұрақ – жауап, ойын, музыка терпиясы, психологиялық жаттығулар.

Қажетті материалдар: көңіл – күй таңбалары (смайликтер), көңіл – күй текшесі, муз.диск, суреттер.

Қатысушылар: «Жұлдыздар» орта тобы

Барысы: Ұйымдастыру сәті:

Жаттығу: «Амандасу – сәлемдесу» Балалар жүргізушімен бірге музыкамен топқа кіріп, шеңбер жасап тұрады, бір – бірінің аттарын атайды, бір – біріне амандық сөздерін айтады. Қайырлы таң, Әли! «күліп, басын изейді)

Қайырлы таң, ....! ( жүргізушінің атын атайды)

Қайырлы таң,қонақтар!

Психолог: Балалар мен сендерді көргеніме өте қуаныштымын. Көңіл – күйлерің қалай?

Балалар: Жақсы, тамаша, керемет ( бас бармақтарын жоғары көтеріп көрсетеді)

Психолог: Бүгін менің де көңіл – күйім өте тамаша болып тұр. Осы көңіл – күйімді сендермен бөліскім келеді. Олай болса бір – бірімізге жақсы көңіл – күйімізді жымию арқылы берейік.

Жаттығу: «Көңіл – күйіңмен бөліс» Балалар бір – біріне қарап күлімдейді, езу тартып жымияды.

Психолог: Жарайсыңдар балалар! Күлкілерің қандай әдемі!Енді орындарыңа отырыңдар.

Балалар орындарына отырады

Психолог: Балалар, көңіл- күй әлемінде болып көрдіңдер ме?

- Жоқ.

- Ендеше ыңғайланып отырып, денемізді бос ұстаймыз, көзімізді жұмамыз. Көңіл- күй әлеміне аттанамыз. (Музыка ойнап тұрады) Ал енді көздеріңді ашыңдар. Міне, біз ғажайып көңіл- күй әлеміндеміз. Балалар менің қолымда не?

• Смайликтер.

• Дұрыс. Олардың көңіл- күйлері әртүрлі екен. Олай болса олардың көңіл- күйлерін тауып көрейікші?! Мына смайликтің көңіл – күйі қандай?

• Ашулы.

Осылайша балалар барлық смайликтердің көңіл- күйлерін ажыратып айтады: күліп тұр, таңданып тұр, қорқып тұр,мұңайып тұр, ренжіп тұр.

• Бұл елдің тұрғындары сендер сияқты саяхатшыларды өте жақсы көреді екен. Сендерге арнап тапсырмалар дайындап қойыпты. Ал енді мына суретке қараңдаршы: Суреттегі қыздың көңіл – күйі қандай?

• Көңілді.

• -Дұрыс. Ал көңілді екенін қайдан білдіңдер?

• Күлімдеп тұрғанынан

• Дұрыс айтасыңдар. Біз үндемей қуанамыз және қатты қуанамыз. Солай ма?

• Иә

• Үндемей, тыныш қуанып көрейікші. «Балалар тыныш отырып қуанады, езу тартады»

• Ал енді қатты қуанамыз.

• 1,2,3 Ура! Орнындарынан тұрып секіреді.

• Ал енді мына суретке қараңдаршы баланың көңіл- күйі қандай деп ойлайсыңдар?

• Көңілсіз.

• Көңілсіз екенін қайдан білдіңдер?

• Көзінен.Аузынан.

• Мүмкін ол ауырып тұрған болар.....

• Кәне, олай болса бейнелеп берейік. (Балалар көңілсіз күйді бейнелейді).

• Ал мына смайликтің көңіл- күйі қандай екен?

• Ашулы.

• Ал сендер қай уақытта ашуланасыңдар? (балалардың жауаптары)

• Кәне, бейнелеп беріңдерші (жұдырықтарын жұмып, қабақтарын түйіп жерді топылдатады)

• Сендер балалар таңданып көрдіңдер ме?

• -Иә. Ал таңданған кезде бет- әлпетіміз қалай өзгереді?

• Аузымыз ашылып, көзіміз шарасына шығып кетеді. Мыс: сендерге аналарың ерекше бір ойыншық алып берді. Қатты таңданып не дейсіңдер: Керемет! Күшті!

• Көңіл – күй елінің тұрғындары сендерге арнап қорап дайындап қойыпты. Бұл жай қорап емес сиқырлы қорап екен. Ойын ойнағыларың келе ме?

• Иә.

• Ойын: «Көңіл- күй текшесі » ойынның шарты түсіндіреді. Балалар текшені кезекпен лақтырады, көрген көңіл – күйін бейнелейді.

Шынында да балалар кейде біз қуанамыз, кейде ренжиміз әртүрлі көңіл- күйде боламыз. Көңіл – күй адамның ішкі дүниесінің құбылысы.

• Ойын сендерге ұнады ма балалар?

• Иә

• Жарайсыңдар!

• Тағы бір ойын бар екен ойнаймыз ба?

• Иә

• Мен сендерге сөйлемдер айтамын. Ал сендер «біз де!» жауап қайтарасыңдар.

• Мен сендермен жақсы көңіл – күйіммен бөлісемін.

• Біз де!

• Мен сендерге әдемі күлкімді сыйлаймын.

• Біз де!

• Мен қуаныштымын!

• Біз де!

• Мен қуаныштан секіремін.

• Біз де!

• Мен сендерді жақсы көремін!

• Біз де!

• Мен сендерді құшақтаймын!

• Біз де!

• Тамаша балалар! Жарайсыңдар!

• Балалар, біздің сендермен көңіл- күй әлеміне жасаған саяхатымыз аяқталды. Бізге топқа бару керек.

Балалар көздерін жұмады.Денелерін бос ұстайды. Өздерін жеңіл, жақсы сезінеді. Іштерінен «Бүгін менің көңіл- күйім тамаша!» дейді

• Ал енді көзімізді ашамыз! Бір- бірімізге қарап жымиямыз.

Рефлексия: - Балалар сендер қайда бардыңдар?

• Не көрдіңдер? – Қалай демалдыңдар?

• Саяхаттан қандай көңіл – күймен оралдыңдар?

Балалардың жауаптары

• Тамаша!Бүгінгі алған жағымды энергияларың бойларыңда ұзақ уақыт сақталсын! Әрдайым жүздеріңнен күлкі кетпесін! Сауболыңдар!

Психолог балаларды мадақтап, сыйлыққа ойыншықтар таратады.