Менің көзқарасыма әсер еткен кітап

«Менің көзқарасыма әсер еткен кітап»

Кітап – адамзаттың ой-өрісін, фантазиясын, тіл байлығын дамытушы құрал. Кітап-ғалым, тілсіз мұғалім демекші, барша әлемнің жансыз мұғалімі әрі ұлы ұстазы. Ол ғасырдан ғасырға, ұрпақтан ұрпаққа беріліп жатқан асыл мұра.

Қазір далада XXI ғасыр болып, көпшілігі ақпараттарды дамыған электронды ресурстардан, яғни, интернет желісі, телефон, компьютер, нешетүрлі сайттардан алғанымен, әлі де өз таңдауын кітапқа қоятын жандар да қаншама. Және мен бастапқыда 1-інші типке жатқанмын, алайда осыдан 1 жыл бұрын менің 15 жасыма толғаныма байланысты құрбым маған сыйға кітап тартты. Негізі мен кітапқа зейін салып қарайтын адамдардың қатарында болған жоқпын, тіпті сырты да әдемі дизайнде болды деп айта алмаймын, мен қалай бұны оқимын деген ой туындады. Ұзаққа қалдырып жүріп, бір күні соны қолыма алып оқып көрейінші деп шешім қабылдадым. Бұл – болашағым үшін ең дұрыс шешімдердің бірі болды. Тургенев айтпақшы: Сізді ойлауға мәжбүр еткен кітап қана өз міндетін толық атқарған кітап. Бұл кітаптың аты – «магия утра». Ең бастапқы бетіннің өзінде автор өзінің оқиғасын мәлімдеп, біздің оқиға да маңызды деп ой салды. Содан бастап менің қызығушылығым оянды. Кітаптың негізгі мәні: таңның атқан сәтінен бастап өз күніңе сенімді болу. Былайша айтқанда ғұмырыңның әрбір уақытынан ләззат әрі пайда алудың басты қайнар көзі – арманмен ұйықтап, мақсатпен тұру. Өзімнің мысалымды келтірейін, дәл қазір мен 11 сынып оқушысы болған соң үнемі уақыт жетіспей жатады, әрнәрсені үлгеру қажет, тіпті кейде мен жәй ғана тіршілік етіп жүрген сияқты көрінді. Бірақ осы кітапты оқыған соң менің көзқарасым түбегейлі 360°-қа өзгерді. Осының арқасында менің түсінгенім: Өмір – ол бірнәрседен бастау алатын ағымды кезең, сол сияқты таң да күннің бастапқы мезгілі. Сол үшін біздің тұрар-тұрмастан атқару керек тірлігіміз – жоспар қойып, сол жоспармен жүріп, жақсы көңіл күйде болу. Себебі, дәл осы алғашқы кішкентай, қарапайым қадамдар арқылы біз өз өмірімізді өз қолымызға алып, біздің қалаумызша басқара аламыз. Ендіге мен таңертең күннің шуағынан оянғанды, келесі күнімді алдын-ала қағазға жазып жоспарлағанды ұнатамын. Әсіресе, осы кітап арқылы менің кітапқа деген махббатым ашылды.

Сөз қорытындысын Джордж Лоример атты атақты жазушы және оратордың сөзімен аяқтағым келеді: Егер түнде қанағаттану сезімімен ұйықтағыңыз келсе, әр таңертең шешімділік сезімімен ояныңыз. Күндізгі уақытта бізбен болатын оқиғаларды толығымен бақылау мүмкін емес, бірақ біз таңертеңгі алғашқы сағатты дұрыс басқара аламыз. Бәрі өз қолымызда.