«Менің Отаным - Қазақстан»

«Бекітемін»

№79 «Шабыт» балабақшасының

меңгеруші__________________

Ш.М. Абдыхалыкова

16 желтоқсан мерекесіне арналған ертеңгілік

«Менің Отаным - Қазақстан»

«Сыбызғы» тобы

Тәрбиеші: Абишова А.Е.

АСТАНА 2017

МеніңОтаным - Қазақстан 

Мақсаты: Балаларды Отандысүюге, Қазақстан Республикасыныңрәміздерінқастерлеуге, еліне, туғанжерінедегенсүйіспеншілігінарттыру мақсатында балалардың сөздік қорын дамытып,қызығушылықтарын арттыру; 

Көрнекілігі:Қазақстанның картасы, елбасының суреті, Қазақстан рәміздері, қажетті суреттер.

Әдіс тәсілдер:түсіндіру, сұрақ – жауап.

Тәрбиеші: Сәлеметсіңдер ме, балалар!

• Балалар, бүгін бізде ашық оқу іс-әрекеті, бүгін ерекше күн екен. Біздің сабағымызға көптеген қонақтар келіп отыр. Олай болса, балалар, қонақтармен амандасайық.

• Енді, балалар, біз шаптық шеңбер жасайық:

Армысың, алтын күн!

Армысың, көк аспан!

Армысың,достарым!

Армысың, қонақтар!

• Балалар, осындай жақсы көңіл – күйімізбен орындарымызға жайғасайық.

Ұйымдастырушылық- ізденістік:

• Балалар, бүгінгі оқу іс-әрекетіміздің тақырыбы «Менің Отаным - Қазақстан» деп аталады. Сабағымыздың мақсаты Отанды сүюге, туған елге, жерге сүйіспеншілікті арттыру, рәміздерді құрметтеуге тәрбиелеу.

• Балалар, Отан дегеніміз – адамның туып-өскен жері. Біз Қазақстан Республикасында тұрамыз. Біздің елбасымыз Н.Ә. Назарбаев. Елордамыз – Астана қаласы. Қазақстан Республикасының Рәміздері бар. Олар Әнұран, Елтаңба, Ту.

• Тудың түсі көгілдір аспан түстес. Тудың ортасында алтын күн елімізге нұр сәулесін төгіп тұр. Ортасында қалықтаған қыран құс- ерліктің, батырлықтың белгісі. Туда қазақтың қошқар мүйіз ою-өрнегі бейнеленген.

• Қазақ елінің Елтаңбасында шаңырақ,қос пырақ ат бар. Ат адамның қанаты, шаңырақ- үлкен ортақ дегенді білдіреді.Шаңырақтың уықтары күнді белгілейді.

• Әнұран – салтанатты ән. Оның әуенінен Отанға деген сүйіспееншілікті білдіреді. Әнұранды орындаған кезде міндетті түрде орнымыздан тұрып, оң қолымызды жүректің тұсына қоямыз.

• Балалар Отан туралы қандай тақпақтар білесіңдер?

Нұрай: Алтын дәнді даласы бар, Ақ күмістей қаласы бар, Неткен сұлу, неткен көркем, Осы менің туған өлкем?

Сардар: Тәуелсіз еркін елде біз, Дүниеге келгенбіз. Көк ту мен елтаңбамыз, Бар біздің өз теңгеміз.

Ойыншықтар, гүлдер, рәміздер деген атауға түсінік беру. Қ.Р. Рәміздеріне нелер жатады? Әнұран, Елтаңба, Ту.

Дидактикалық ойын: «Туды тап!»

Абзал: Көк туымды қолыма, Бүгін берік ұстадым. Түсті бақыт жолына, Менің Қазақстаным.

Әмина:Елтаңбасы елімнің. Неткен әйбат, әдемі! Тұнығындай көңілдің. Ортада – аспан әлемі. 

Мирас:Әнұраны елімнің, Шақырады бірлікке. Егеменді халқымның, Болашағы бірлікте.

• Балалар, ҚР мемлекеттік тілі қалай аталады

• ҚР мемлекеттік тілі – қазақ тілі. Ана тілің – арың бұл, Ұятың боп тұр бетте. Өзге тілдің бәрін біл, Өз тіліңді құрметте!

• Қане, балалар, бәріміз тағы ойын ойнаймыз. Ойын «Туған жерді гүлдендір» деп аталады. Бір бала шығып, тақтадан гүл алады. Гүлдің түсі қандай және артында қандай сан жазылып тұрғандығын айтады. Мысалы 2-саны болса номері 2 саны жазылған конвертті алады да, ішіндегі суретте не бейнелегенін айту қажет. Сұраққа жауап берген соң, гүлді картаға жабыстырады.

• Міне, балалар , туған жерді гүлдендірер ұл- қызы сендерсіздер! Туған жерімізді гүлдендіру үшін тәртіпті, білімді, мәдениетті болу керек және еліміздің рәміздерін қадірлеп, бағалап, биікке көтеріп жүру керек.

• Ал енді балалар Отан туралы қандай мақал – мәтелдер білеміз?

Мадина: «Отан – елдің анасы».

Әлихан: «Отан – оттан да ыстық».

Бағым: «Отанды сүю отбасынан басталады».

Анель: «Жері байдың – елі бай».

Сергіту сәті:Көк жалау желбіре, Асқақтап аспанда. Жас ұлан ел бірге, Сап түзе жасқанба.

Құрастыру: Астанадағы алып ғимараттардың суреттерін құрастыру.

Қорытынды:

Сұрақ- жауап.

• Балалар біз қай мемлекетте тұрамыз?

• Біз Қ.Р.-да тұрамыз, ол біздің Отанымыз.

• Қазақстан қандай республика?

• Егеменді тәуелсіз республика.

• Қазақстан Республикасының президенті кім?

• Қ/Р-ның президенті Нұрсұлтан Әбішұлы Назарбаев.

• Қ/Р Рәміздеріне нелер жатады?

• Әнұран, Елтаңба, Ту.

• Балалар өзіміз туратын қала қалай аталады?

• Астана қаласы.

• Біздің балабақшамыздың аты қалай аталады?

• №79 Шабыт балабақшасы.

Күтілетін нәтиже: Қазақстан Республикасының қазіргі жағдайы, өздері тұратын қала жайлы

Игереді: Қазақстан Республикасының Мемлекеттік рәміздері туралы біледі.

Меңгереді: үлкен, кіші қалаларда тұратын бірнеше ұлт өкілдері туралы біледі.