Сабақтың кезені/ уақыт

Педагогтың әрекеті

Оқушының әрекеті

Ресурстар

І. Ұйымдастыру бөлімі. Сынып жетекші оқушылармен амандасып, түгендейді. Тәрбие сағатының тақырыбымен таныстырып өтеді

Ұйымдастыру кезеңі

• Мұғалім: Балалар, бүгін біз «Менің Отаным – Қазақстан» тақырыбында тәрбие сағатын өткіземіз. Қазақстан – біздің туған жеріміз, біздің ортақ үйіміз. Біз осы жерде өмір сүріп, білім алып, елімізді көркейтуге үлес қосып жүрміз. Бұл сабақта біз Отан туралы сөйлесеміз, оның байлығы мен ерекшеліктері туралы ой бөлісеміз. Барлығыңызға сәттілік тілеймін!

ІІ. Қазақстанның рәміздерін таныстыру

1. Қазақстанның Туы туралы мәлімет:

   • Мұғалім: Қазақстан Республикасының Туы – көгілдір түсті, ортасында күн, астында қыран бейнеленген. Бұл рәміз еліміздің бейбітшілігі мен кең байтақ даласын көрсетеді.

   • Тапсырма: Оқушылар Ту туралы өз ойларын айтып, оны суреттейді.

2. Елтаңба туралы мәлімет:

   • Мұғалім: Елтаңба – мемлекеттің айқын белгісі. Ол киіз үйдің шаңырағы, қанатты пырақтар мен бес жұлдыздан тұрады. Бұл қазақ халқының ежелгі мәдениетін бейнелейді.

   • Тапсырма: Оқушылар Елтаңбадағы бейнелерді талқылайды, олардың мағынасы туралы ой қозғайды.

3. Қазақстан Әнұраны:

   • Мұғалім: Әнұран – еліміздің рухани күші. Ол бізді біріктіріп, бірлікке шақырады. Барлығымыз Әнұранды орнымыздан тұрып, бірге орындайық.

   • Тапсырма: Барлық оқушылар Қазақстанның Әнұранын бірге орындайды.

IІІ. «Өз Отаныңыз туралы не білесіз?» ойыны

-Қазақстан Республикасының мемлекеттік рәміздеріне нелер жатады?(ту,елтаңба,әнұран)

-ҚР-ның елтаңбасының авторлары кімдер?(Ш.Уәлиханов,Ж.Мәлібеков)

-ҚР-ның Конституциясы қашан қабылданды?(1995 жыл 30 тамыз)

-Қазақ халқының тұңғыш заңы қалай аталады?(Жеті жарғы)

-ҚР-ның туының авторы кім?(Шәкен Ниязбеков)

-ҚР-ның рәміздері қашан қабылданды?(1992 жыл 4 маусым)

- Заттың түсін білдіретін сөздерден басталатын қала атаулары (Ақтау, Ақтөбе, Көкшетау, Қызылорда)

- Қазақстанда қанша ұлт өкілі тұрады? (130-дан астам)

• Мұғалім: Қазақстан – өте бай, табиғаты әсем, кең байтақ ел. Біздің жерімізде таулар, өзендер, ормандар, далалар бар. Осы жерлерді көріп, біз туған жерімізге деген мақтаныш сезімін сезінеміз.

  • Тапсырма: Оқушылар Қазақстанның әдемі табиғаты туралы қысқаша әңгімелер айтады, табиғат суреттерін көрсетеді және оларды сипаттайды.

ІV. «Мен саған,сен маған»әдісін қолдану. Бір оқушы мақал айтады, келесі оқушы сол мақалды жалғастырады.

1. Туған жердей жер болмас,
Туған елдей ел болмас.
2 Отансыз – адам, ормансыз – бұлбұл.
3. Отан үшін отқа түс күймейсің,
Арың үшін алыссаң өлмейсің.

4. Отан — оттан да ыстық.

5. Туған жердің күні де ыстық, түні де ыстық.

6. Өз елің — алтын бесігің. Ел іші алтын бесік.

7. Отанды сүю – отбасынан басталады.

8. Өз елім – өлең төсегім.

9. Басқа елде сұлтан болғанша,

Өз еліңде ұлтан бол.

10. Аққу көлін аңсайды,
Адам туған жерін аңсайды.

11. Отан үшін күрес —
Елге тиген үлес.

12. Туған жердің торғайы да сүйкімді.

13. Туған жердің жуасы да тәтті.

V. Олимпиада 2024. Отанымның мақтаныштары

-Париж олимпиадасынан медаль алған қазақстандықтарды ата

VI. Қорытынды бөлім

• Мұғалім: Бүгін біз Қазақстан туралы көп мағлұмат алдық. Отанымызды сүю, оның жетістіктерін мақтан тұту – әрбір азаматтың міндеті. Сендер де болашақта елдің дамуына үлес қосып, елімізді биік белестерге жетелейсіңдер деп сенемін.

  • Сұрақ-жауап: Мұғалім оқушыларға сабақтан алған әсерлері мен білімдерін сұрап, қорытындылайды.

• Қорытынды

Сабақ аяқталған соң, оқушылар туған жер туралы ойларын ортаға салады. Мұғалім әрбір баланың пікірі мен тапсырмаларын бағалайды. Тәрбие сағаты Қазақстан туралы терең білім беріп, патриоттық сезімдерді күшейтуге көмектеседі.

Әнұран орындалады.

Қазақстанның рәміздерін таныстырады

Қазақстанның Туы туралы мәлімет алады

Қазақстан Республикасының Туы – көгілдір түсті, ортасында күн, астында қыран бейнеленген. Бұл рәміз еліміздің бейбітшілігі мен кең байтақ даласын көрсетеді.Оқушылар суретін салады

Елтаңбадағы бейнелерді талқылайды, олардың мағынасы туралы ой қозғайды.

Оқушылар сұрақтарға жауап береді

Отан, Туған жер туралы бір оқушы мақал айтады, келесі оқушы жалғастырады.

Олимпиада жүлдегерлерін атын атайды.

Өз ойларымен бөліседі.

Өлеңдер

Плакаттар

Түрлі- түсті қарандаштар