Менің атым- Адила.Мен өзімнің отбасым туралы жазғым келеді. Біздің отбасымызда әжем,әкем,анам,мен,сіңілім және інім бар.Біздің отбасымыздағы әрбіріміздің қызығушылықтарымыз әртүрлі.Әжем мешітке барады,намаз оқиды. Әкем болса вахталық ауысыммен жұмыс жасайды.Әкем жұмысқа кеткенде мен оны қатты сағынамын.Ал анам болса,өз дүкенінде жұмыс жасайды. Мен мектеп оқушысымын.Төртінші сыныпты үздік аяқтап,бесінші сыныпқа көштім.Ал сіңілім Анниса мен інім Мухаммад әлі кішкентай.Екеуі де балабақшаға барады. Мен мектептен босаған кезімде фортепьяна класына,вокальға барамын.Ән айтқанды өте жақсы көремін.

Біз отбасымызбен қыдырғанды,бірге уақыт өткізгенді жақсы көреміз.Кешкі ас үстінде бір-бірімізбен әңгімелесіп,күніміздің қалай өткендігі туралы сұрасамыз.Кешкі астан соң мен үй тапсырмаларын орындаймын,бауырларыммен ойнаймын..Анам мен әкем кезектесіп сабағымды тексереді.Кей кезде түсінбеген тұстарымды түсіндіріп,үйретеді. Әжем бізге қызықты әңгімелер,ертегі айтып береді.Мен де босқа жүрмеймін.Көбіне анама үй шаруасына көмектесіп,ыдыс жуамын,дастархан жаямын.Әкем келген кезде әкеме салаттар,тәтті тағамдар дайындап беремін.

Мен отбасымды өте жақсы көремін.Қай кезде де өз отбасыма қолдау көрсетуге дайынмын.