Менің отбасым

Келісілді. Әдіскер:__________________________

«Ботақан» 2-ші кіші тобының ұйымдастырылған оқу іс-әрекеті

Білім беру саласы:Қатынас

Бөлімі: Сөйлеуді дамыту

Тақырыбы:Менің отбасым

Мақсаты: Балаларды өзінің отбасы, жақсы көретін адамдары, олардың жақсылығы мен қайырымдылығы, мәдениеті мен сыпайылыққа қатысты сөздерді қолдануға үйрету.

Өзінің отбасы мүшелерінің бір-біріне қалай көмектесетіндіктері жайлы сұрақтарға жауап беруге, басқа балалардың да отбасы туралы айтқандарын тыңдап, түсіне білуге ынталандыру.

Отбасы мүшелеріне құрметпен, сыйластықпен қарауға тәрбиелеу.

Алдын –ала жүргізілетін жұмыстар:Отбасы ұғымын түсіндіру. Отбасы мүшелерімен таныстыру.

Әдіс – тәсілдер: Түсіндіру, көрсету, ойын.

Қажетті құрал – жабдықтар:Отбасы мүшелерінің суреттері. Үлкенді құрметтеу, сыйлау туралы суреттер,

Доп,куыршақтар

Сөздік жұмыс: отбасы, әке, ана.

Билингвальды компонент: Отбасы-семья-family, әке-папа-father, ана-мама-mather, апай-сестра-sister, аға-брат-brother, бөпе-малыш-baby.

Әрекет кезеңдері

Себепті қызығушылығын ояту кезеңі

Жылулық шеңберіне жиналу.

Ән салуға барамыз,

Досымызды табамыз.

Сәлемет пе, міне, мен!

Доспын енді сенімен.

Здравствуй солнце золотое,

Здравствуй небо голубое,

Здравствуй матушка земля,

Здравствуйте друзья!

Балалар, отбасы дегенді қалай түсінесіңдер?

Балалар жылулық шеңберіне жиналып, өлең жолдарын қайталап айтады.

-Балалар, отбасы дегеніміз әрқайсымыздың үйіміздегі адамдар. Үйде кімдер бар?

-Иә, ата, апа, әке, анамыз,апайымыз, ағамыз және өздерің .Осылардың бәрі бір отбасы деп атайды.

-Отбасы мүшелері туралы.Балалар сұрақтарға жауап беріп,өзінің отбасы мүшелері туралы айтып, көрсетіп береді.

Мысалы:

Мынау-менің апам.

Ал мынау менін атам

т.б

-Балалар, қалай ойлайсыңдар, жылы сөздерді сендерге кімдер айтады?

-Иә, балалар сендерге жылы сөздерді аталарың, әке, әжелерің аналарың айтады екен.

Сурет көрсетіп ангімелеу

-Ал, осы адамдарды бір сөзбен кімдер деп айтамыз?

-Онда бүгінгі оқу іс-әрекетімізде біз кімдер туралы әңгіме қозғайды екенбіз?Балаларды екі орталыққа бөлемін.

Бірінші орталықтағы балаларға отбасы бейнеленген суреттерді қарастырып,өздерінің отбасы мүшелерінің қызметтері мен қарым-қатынастары туралы айтып беруді тапсырады.

Екінші орталықтағы балаларға бірнеше қуыршақтарды пайдаланып,отбасы мүшелерін топтастыру және олардың отбасындағы туыстық қарым-қатынасын анықтап айтып беру тапсырылады(әңгімелесу барысында амандасу,қоштасу,алғыс айту секілді әдептілік қарым-қатынас мәдениеті мен сыпайылыққа қатысты сөздерді пайдаланады)

Сергіту сәті

Иіліп оңға бір, иіліп солға бір,

Жаттығу жасаймын.

Оң аяқ, сол аяқ, оң аяқ, сол аяқ,

Жаттығу оңай-ақ.

Собрались все дети в круг

Ты мой друг, и я твой друг

Крепко за руки возьмемся

и друг-другу улыбнемся

Д/о: «Жылулық тілегі»

Ойынның шарты:ойынға қатысушы барлық балалар ата,апа,ана,әке,ағаның,ал допты ұстаған бала баланың рөлін ойнайды.

Ойынның барысы:Тәрбиеші допты лақтырған кезде,қағып алған бала(ата,әже,әке,ана,аға)допты кері қайтарып теңеу сөз,жылы сөз,лебіз немесе тілек айтады.

-Балалар, біз бүгін кімдер туралы білдік?

-Ұйымдастырылған оқу іс-әрекеті ұнады ма?

Балалар өз ойларын ортаға салады.

Ойынды қызығушылықпен ойнайды.

Балалар шеңбер бойына тұрады.

Допты қағып алған бала жылы сөз немесе тілек, теңеулер айтады. Мысалы:

-Мен сені қатты жақсы көрем.

-Сен менің қошақанымсың.

-Жұлдыздай жарқырай бер.

Отбасы туралы тақпақ жаттау, қолмен көрсету

Этот пальчик дедушка

Этот пальчик бабушка

Этот пальчик мамочка

Этот пальчик папочка

Этот пальчик я

Вот и вся моя семья!

Күтілетін нәтиже:

Нені үйренді:өзінің отбасы,жақсы көретін адамдары,олардың жақсылығы мен қайырымдылығын әңгімелей білу,басқа балалардың да отбасы туралы айтқандарың тыңдап, олардың да ата-аналарының қамқорлық жасайтыны туралы түсіну, сұрақтарға жауап бере білу.

Қандай түсініктерді игерді:өзінің отбасы,жақсы көретін адамдары,олардың жақсылығы мен қайырымдылығын,бір-біріне қалай көмектесетіндерін,басқа балалардың да ата-аналарының қамқорлық жасайтынын.

Меңгерген дағдылары мен іскерліктері:отбасы мүшелеріне құрметпен,сыйластықпен қарауды,жақсылық,қайырымдылық жасауды,әңгімелесу барысындаәдептілік қарым-қатынас мәдениеті мен сыпайлыққа қатысты сөздерді.

Тәрбиеші:Думанбекова Л. Д.