Менің отбасым-мақтанышым

Менің отбасым – менің мақтанышым

Отбасының мақтанышы деген де ең алғаш еске түсетіні ата – ана. Себебі ата– ана баласы үшін бар жақсылықты жасайды. Мен ата- анаммен мақтанам, ал олар «міне менің балам» деп мақтанады, міне отбасы мақтанышы осы. «Отбасы шағын мемлекет» демекші, менің отбасым тату тәтті, бірлікте өмір сүріп жатқан қарапайым отбасымыз. Менің отбасым ең керемет отбасы анам үлгі тұтар адамым, ал әкем менің қорғанышым. Анам әрдайым маған қиын сәтте көмек береді, әкем дұрыс жол нұсқайды. Қателігімді түзейтін де, кешіретін де ата- ана.

Ата – ана тәрбие береді, тәрбиенің түп тамыры ата – анадан басталады. Ата- ананың қызметі баланы жақсы азамат етіп өсіру. Ал балаі сол ата- ананың тәрбиесімен өсу керек. «Отбасының жемісі – тәрбиелі ұл мен қызы» деген. Ата- ананың тәрбиесін бойына сіңірген бала ешқашан жаман болмайды. Ата –ананың айтқан әрбір сөзінде бізге деген жылулықтары білінеді. Сол жылуды бойына сіңіріп өскен бала елінің болашағы. Жақсы отбасында тәрбиеленген бала болашақта жақсы азамат болып өсіп еліне көмек беріп, оның дамуына көп септігі тиетіне күмәнданбаймын.

Өмірдің бар байлығы ата- ана да. Ата – ананы құрметтеу баланың басты парызы. Бақыт құшағында болу, ол ата- ананың қамқорлығында болу. Әрбір отбасы бақытты болып, тату тәтті, бірлікте өмір сүріп, бақытты болуын тілеймін. Мен өз отбасымды қатты жақсы көрем және мақтана аламын.