«Менің отбасым» тақырыбында ортаңғы топпен ұйымдастырылған оқу іс-әрекетін өткізу

Жас маманға ұсыным

«Менің отбасым» тақырыбында ортаңғы топпен ұйымдастырылған оқу іс-әрекетін өткізу,бұл балалардың отбасына деген сүйіспеншілігін арттырып, отбасы мүшелерін тануға, оларды құрметтеуге тәрбиелеуге бағытталған.

Мақсаты:

- Балалардың отбасына деген сүйіспеншілігін ояту.

- Отбасы мүшелерінің атауларын ажыратуға үйрету.

- Сөйлеу, ойлау, есте сақтау дағдыларын дамыту.

Қолдануға болатын әдіс-тәсілдер:

- Суретпен жұмыс (отбасы мүшелерінің суреттері).

- Дидактикалық ойындар: «Кім қалай аталады?», «Отбасын құрастыр».

- Жұмбақтар, мақал-мәтелдер, тақпақтар енгізу.

- Сергіту сәті – қимылды жаттығу.

- Шығармашылық тапсырма – «Менің отбасым» суретін салу.

Күтілетін нәтиже:

- Балалар отбасы туралы түсінік алады.

- Сөздік қоры мен байланыстырып сөйлеу дағдысы дамиды.

- Эмоциялық жақындық, қамқорлық сезімі қалыптасады.

Ұйымдастырылған іс-әрекетті өткізудің бір нұсқасы.

Балаларды отырғызып ыңғайлап алу.Әуен қосу: Бота Бейсенова. «Ақ дидарлы, анашым!» (үзінді тыңдату)

Тәрбиеші: Балалар әуен әдемі ме?Кім туралы айтып жатыр?

Балалардың жауабы.(ана туралы)

Тәрбиеші :Балалар, бүгін біз «Менің отбасым» деген тақырыпта әңгімелесеміз.Отбасы деген –бір үйде бірге өмір сүретін жақын туыс адамдар.Олар –Ата,әже,әке,ана,бала сен сонымен қатар апа-ағаларың болуы мүмкін немесе сендерден кішкентай бөпелерің болса,бәріңіз бір отбасысыздар!Ал,Ясмин айта қойшы сенің үйіңде кімдер тұрады?

Сөйтіп кезекпен екі-үш баладан сұрау немесе өзі айтқысы келіп сұранып отырған балалардан сұрау.Жетелеуші сұрақтар қоя отырып,балалармен әңгімелесу.

Сергіту сәті:

Бас бармағым – әкем,

Балан үйрек – анам,

Ортан терек – ағам,

Шылдыр шүмек – әпкем,

Кішкентай бөбек – мен,

Біз бақытты отбасымыз – дер ем!

Шығармашылық жұмыс:

«Менің отбасым» тақырыбында сурет салу немесе отбасы мүшелерін жапсыру.

ҰІӘ-тін қорытындылау :

— Бүгін біз кімдер туралы әңгімелестік?

— Отбасы бізге не үшін керек деп ойлайсыңдар?

(Балалардың жауабы тыңдалып, мадақталады.)

– Белсенді қатысқан балалар мадақталады.

– «Бүгін бәрің тамаша жұмыс жасадыңдар!»

Ұсыным :

Іс-әрекет барысында балалармен еркін, мейірімді қарым-қатынас орнатып, әр баланың қызығушылығын ескеріп жұмыс жасау ұсынылады. Белсенділік пен шығармашылық элементтерді көбірек пайдалану – іс-әрекетті қызықты етеді.

Балабақша әдіскері :

____ /қолы/

Күні: «_» ___ 202_ ж.

Таныстым: Тәрбиеші.