"Менің педагогикалық мамандығым" эссе

Эссе «Менің педагогикалық мамандығым»

Ұстаз-ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып,адамгаршілік рухта бағыт-бағдар беруді ұстаздың еңбегі зор. Менің де өмірдегі жүрек қалауыммен таңдаған мамандығым-ұстаз болу.

Ұстаз . . . бұл сөзде қаншама мән-мағына жатыр десеңізші! Ұлағатты ой иелері де, арман оты жүрегінде алаулаған жеткіншектер де, парасатты қоғам қайраткерлері де бір адамған қарыздар. Ол-ұстаз! Осынау сөздерді санамызға құйып білім мен тәрбиені қатар сусындатқан ұлағатты ұстазым Ардақ Амангелдіқызы мен Нүрия Қадемқызының асыл қасиеттерін бойыма сіңіріп мен болашақ өміріме ұстаздық жолды таңдадым.  Қазір мен өз арманыма жеттім деп ойлаймын және маған дәріс берген ұстаздарыма, ата-анама  алғысым шексіз. 

Мен 2002 жылы бала шақтан болашаққа қадам басып Тереңкөл орта жалпы білім беретін мектебін бітіріп, еш ойланбастан мұғалімдік мамандықты таңдап Ж.Досмұхамедов атындағы Орал педагогикалық колледжіне оқуға түстім. Алға қойған мақсатымның алғашқы қадамын аттай жүріп, колледжден ұстаз болудың қыр,сырын меңгеріп, бойыма өзіме деген сенімділік пен ізгілік оты ұялады.

Ұстаз атты ұлы шыңға көтерілу үшін өмір бойы оқисың. Өзің шын мәнінде үлкен оқушы болғанда ғана кемел ұстаздыққа қол жеткізе аласың» - деген сөздерді санама тоқи отырып, 2009 жылы М.Өтемісов атындағы Бастыс Қазақстан мемлекеттік университетінің «Бастауышта оқытудың педагогикалық әдістері» факультетіне түсіп, 2009 жылы тәмәмдадым. Бұл менің ұзақ жылдар бойы ұстаздық ететін қызметімнің алтын арқауы, бәйтеректей биік діңгегі.

Мен 2006 жылы қолыма мұғалімдік диплом алып бастауыш сынып оқушыларына сабақ бере бастадым. Ұстаздық жолда ең бірінші алға қойған ұстанымым: 1. Оқушыға білім беру үшін өзің білімді болуың керек.

2.Оқушыға тәрбие беру үшін тәрбиені өзіңнен бастауың керек деген ұстаным болды.

Алғашқы еңбек жолымда әрине бәрі жақсы бола қойған жоқ, сондықтан мен өзіме ұстаздық жолда үлгі болатын нағыз маманды іздедім. Сол жолдан менің екінші ұстанымым негіз болды: «Өз ісіңнің үздігі болу үшін, өзгеге қарап бой түзе», сөйтіп мен өз әріптестерім арасынан Жанила Құбайқызының ұстаздық тәжірибесін өзіме үлгі ететін болдым.

«Бұл заман білекке емес, білімге сенетін заман»- деп елбасымыз

Н. Назарбаев айтқандай ұстаздар бүгінгі күннің жаңалығынан сырт қалмай үнемі ізденіс үстінде жүруі керек. Жаңа заманға лайық жаңа білім мен тәрбие беру- заман талабы. Мен жас бүлдіршіндерге арнаған 10 жылға жуық жұмыс уақытымды өмірдегі бағалы уақытым, қызығы да қиындығы қатар жүрген бақытты кездерім деп айта аламын. Балалардың санасына жеткізу үшін дайындалғын әрбір сабағым мені жаңа әлемге жетелегендей болады. Әрбір сабақ оқушы үшін өз құпиясын ашқан сырсандық болса, ұстаз сол әлемнің сиқыршысындай.

Қазіргі біз өмір сүріп жатқан ХХІ ғасырдың білім жүйесінде қарқынды түрде инновациялық жаңғырту процестері жүріп жатыр. Әлемде болып жатқан жаһандану жағдайы бала тәрбиесін зерттейтін педагогика ғылымына түбегейлі өзгерістер әкелуде. Ал жаңа заманның жас жеткіншектері жаһандану үрдісіне етене кірісіп кеткендей. Ақпараттар легі өте көп. Сондықтан бүгінгі ұстаз баланың алған білімінің сапасы мен тәрбиелік мәніне көңіл бөліп отыру керек деп ойлаймын.