Менің педагогикалық ұстанымым, мәні мен құндылықтарым, басымдықтары! «Ұстаз» сөзінің 2 түрлі сипаты бар. Бірі – белгілі пәннен сабақ беретін оқытушы да, екіншісі – жоғары беделді, сұранысқа ие, адамдарға ықпал етуші дана адам. Мен педагог-психолог болып жұмыс жасаймын. Педагог әрі психолог болу - бұл адамтану, адамның күрделі және қызықты, шым-шытырығы мол жан дүниесіне үңіле білу. Менің басты девизім: «Не істесңде өзіңе сен, басқаға телмірме». Ал «Кәсіби шеберліктегі ұстанған темірқазығым» - деп: «Үнемі даму жағдайындағы, өзгермелі кезеңдегі ұлттық мектептің тәрбиелеу, оқыту үрдісін басқару» болса... Психологиялық эскизім: «Өз халқыма, тіліме деген махабаттан туындаған патриоттық шынайы сезім, ұлттық мектептің түйінді мәселелерін шешу, заманына, қиыншылықтарына қарсы күрсе білу. Басшылыққа ала отырған ұжым мүшелеріне деген сыйластықпен оларға әрдайым қол ұшын беру, жәрдемдесу». Жұмыс барысындағы ұстанған Парадигмам: Көздегеніңе жету: ( Мақсат пен Міндет). Оны орындау жолы: (Бағдарлама). Қол жеткен істің нәтижесі: (Бағалау). Абай атамыз «Мен бір жұмбақ адаммын» оны да ойла, - деп айтып өткендей әрбір тұлға — жұмбақ. Сол жұмбақтың кілтін тауып, әрбір жүректің құпия сырын оқи білу мен қалаған мамандықтың ғажайып тылсым сыры. Қазақта «Тән ауруы жазылар, жан ауруы жазылмайды, жазылған күнде де ұмытылмайды. Шегені ағашқа қағып қайта жұлып тастаған мен ізі қалып қояды емеспе, сол сияқты әр бір адамның өзіне аян ішкі жан дерті болады». Мұғалімдерді «Адам жанының хирургі» - деп бекер айтпаса керек. «Баланы әуелі мейір-шапағатқа, одан соң ақыл-парасатқа, еңбек пен ғылымға баулы» - деген халық даналығы. Өйткені ұстаз – ұрпақ тәрбиелеудегі қоғам сенген адам. Елбасымыз Н.Назарбаев халқымыздың болашағы туралы тереңнен толғай, «Мемлекетіміздің ең басты дүниесі тек қана табиғи байлық емес, сонымен қатар жеткіншек ұрпақ, өйткені олар - біздің ұлтымыздың болашақ айнасы» дегені мәлім. Ескендір Зұлқарнайын: «Даңқ пен абыройға кенелуімде мен бір адамға қарыздармын, ол – ұстазым Аристотель» - деді емеспе. Менің де осы мамандыққа келіп ел болашағы үшін жұмыс жасап жатқанымның өзі ұстаздарымның арқасы деп білемін. Жеттім, толдым деген адамның дамуы тоқтайды да, міндетті түрде кері кетуі басталады. Олай болса, жас, жантанушы ретінде толық адамға айналар тұлғаға жол көрсетер жан болғаныма қуанамын, мақтан етемін.
Педагог-психолог Тұңғышбаева Ақерке Орынбекқызы
ҚР Білім және Ғылым министірлігінің стандартымен жасалған
24 Қаңтар 2019
347
0 рет жүктелген
