Тақырыбы: Менің Қазақстаным- менің болашағым

Мақсаты: 1) Оқушыларды еліміздің қысқаша тарихымен, мемлекеттік рәміздерімен

таныстыру.

2) Оқушыларды ана тілін сүюге, халқымыздың әдет- ғұрпын, салт-

дәстүрлерін сақтап, әрі қарай жалғастыруға тәрбиелеу.

3) Отанды сүюге, байлығын қорғауға, болашақта Отанымыз Қазақстанды

өркендетуге білімді адамдар керек екенін түсіндіру.

Көрнекіліктер: Карта, нақыл сөздер.

Сабақтың әдісі: Әңгімелеу, сұрақ- жауап.

Сабақтың барысы: а) Кіріспе әңгіме

- Балалар, біз күнделікті өмірде бір- бірімізбен сөйлесеміз, пікір

алысамыз, әңгімелесеміз. Егер бізге мынандай сұрақ қойса?

- Сен қандай ұлтсың? Онда біз не деп жауап берер едік?

- Қазақпын.

- Ал қазақ екендігіңізді қалай дәлелдейсіздер?

- Қазақ болып туғам, әкем- шешем, ата- бабам қазақ.

- Шынында да біз өзіміздің қазақ екенімізді дәлелдейтін:

1. Қазақ тілі

2. Діні

3. Салт- дәстүрі

4. Тарихы

5. Туған жері

ә) Негізгі бөлім

Біздің планетамызда 6 миллиардтан астам адам тұрады. Олар әр түрлі мемлекеттің

Азаматтары. Мемлекет- адамдарды біріктіретін үлкен отбасы. Дүниеге келген

бірінші күннен бастап- сен мемлекеттің қамқорлығындасың. Сен Қазақстан

Республикасының жас азаматысың! Сен Ата заңда жазылған құқықтар мен

бостандықтарды пайдалана аласың.

Конституция – біздің мемлекетіміздің негізгі Заңы. Бұл – Қазақстан

азаматтарының қоғамда өмір сүру ережелері. Негізгі заңға құрмет ретінде – біз

Конституция сөзін бас әріппен жазамыз. Тәуелсіз Қазақстанның негізгі тұңғыш

Конституциясы 1993 жылы 28 қаңтарда, ал жаңа Конституция 1995 жылы 30

тамызда қабылданды.

-Оқушылар ата Заң туралы жаттаған өлеңдерді еске алайық:

1 оқушы: Келе жатыр келім күн

Халық сүйіп қалаған

Ата Заңын елімнің

Құрметтейді бар адам

2 оқушы: Алтын заңым қорғайды

Бар адамның теңдігін

Әділетті қолдайды

Арқа тұтып ел бүгін

3 оқушы: Ол баршаға жөн нұсқап

Жетелейді жарыққа

Елбасы оны қолға ұстап

Ант береді халыққа

1991 жылы 16 желтоқсанда – Қазақстан Республикасының тәуелсіздігі туралы Заң

қабылданды.

Ежелгі заманнан әр тайпалар мен руларды біріктіретін белгілер болған. Белгілер –

сөздердің орнына қолданылатын таңбалар. Бір топ адамдар үшін қолданылған

белгілер- бір мағынаны білдіреді. Ал, рәміздер- белгілі топтар бейнесінің бірігуі.

Бүгін әрбір мемлекеттің ғасырлық тарихына байланысты рәміздері бар. Мемлекеттік

рәміздер – Ту, Елтаңба, Әнұран. Бұл халық бірлігінің белгілері. Қазақстан

Республикасының да өз рәміздері бар. Мемлекеттік рәміздерді құрметтеу- әрбір

азаматтың міндеті.

Ал, 1997 жыл 10 желтоқсан- Ақмола қаласы ҚР астанасы болып жарияланды.

ҚР жерінің аумағының үлкендігімен әлемдегі 10 мемлекеттің қатарына кіреді. Ал

біздің планетамызда 160 мемлекет бар емес пе!

ҚР Еуразияның ортасында орналасқан. Ол Ресеймен, Түркімен, Өзбек, Қырғыз

Республикалары, Қытаймен көршілес. Сондықтан болар, ертеде үлкен керуендер

қазақ жері арқылы өткен.

Елбасымыз Н.Ә. Назарбаев атамыз: «Тәуелсіз ел тірегі – білімді ұрпақ»- деген.

- Елбасының бұл айтқан сөзінен нені түсінесіздер?

- Әрине дұрыс айтасыңдар білімді болсақ қана барлығын жеңе аламыз!

- Елбасымыз сіздердің барлығыңыз білімді жақсы меңгеріп, жақсы оқушы атансаңдар

мынандай бес ғибрат сөзін есте сақтауларыңа кеңес береді.

Елбасының дарынды балаларға

айтқан бес ғибраты:

Бірінші: Алдыңа мақсат қоя біл. Талмай алға ұмтыл. Мақсатыңа қолың бірден жете

қоймас да, мойыма, алған бетіңнен қайтпа.

Екінші: «Қолымнан келмейді» деген ұғымды санаңнан бір жола өшіріп таста. Ылғи да

«қолымнан келмейтін іс жоқ. Мен алмайтын асу жоқ!» деген сенімде бол! Бұл сенім –

жігеріңді жанып, жеңіске бастайтын бірден – бір жол.

Үшінші: Санаңда үрей, қорқыныш, өшпенділік пен күншілік сезімдері үстемдік құрып

жүрсе, одан тез арыл.

Үрей мен қорқыныш алға қадам басуыңа бөгет болып, аяғыңды тұсайды. Біреуге деген

өшпенділігің оның да саған деген өшпенділігін қоздатады. Ешкімді күндеме, күншілік

– дерт, айықпас ауру.

Төртінші: Қанша білімді болсаң да, ешқашан білімдімін деп мақтанба.

Бесінші: Әрқашан денсаулығыңды сақтап, нығайтып отыру – парызың. Тәніңді таза

ұста. Бейауыз болма, былапыт сөз айтудан – аузыңды, тыңдаудан құлағыңды сақта.

2030 жылға қарай Қазақстан Орталық Азия барысына айналады және өзге дамушы

елдер үшін үлгі болатынына сенемін деген сөзін оқығанда бойымызды мақтаныш

сезімі билейді

- Ал, сендер Отанымыздың астанасы Астана қаласының тұрғындары екендіктеріңізге

мақтанасыздар ма?

- Тағы нені мақтан ете аларсыздар? (сұрақ- жауап жұмысын жүргізу)

Қорытындылау