25 Қазан – Республика күніне орай : «Менің Қазақстаным!» тақырыбындағы

мерекелік спорттық шара.

(ересек топ)

Мақсаты:

– Балаларға Отанын сүюге, патриоттық тәрбие беруге ықпал ету;

– Ұлттық ойындар арқылы спортқа қызығушылықты арттыру;

– Топпен бірлесе жұмыс істеу, ұйымшылдыққа баулу.

Өткізу формасы:

Спорттық эстафета, ұлттық ойындар элементтерімен

Қатысушылар:

Ересек топ тәрбиеленушілері

Іс-шара барысы:

Тәрбиеші: балалар, біздің мемлекетіміз қалай аталады?

Балалар: Қазақстан деп аталады.

Тәрбиеші: Ия, балалар,біздің Отанымыз- кең-байтақ Қазақстан!Біз Отанымызбен мақтанамыз!Кәне, кім Отанымыз Қазақстан туралы тақпақ немесе мақал-мәтел біледі?

Ақнәзік:

Елім – туған Отан,
Мен – кішкентай ботаң,
Отан менің анам,
Отан менің атам!

Әли:

«Отан отбасынан басталады»

Тәрбиеші: Жарайсыңдар, балалар!Балалар сіздер білесіздер ме, жақында мереке 25 қазан-Республика күні мерекесі!Сіздерді кішкентай Қазақстандықтар осы айтулы меркемен шын жүректен құттықтаймын!Бүгін міне ,айтулы мерекеге орай бізде спорттық мереке өтеді!Мерекемізді еліміздің әнұранынан бастайық!

Әнұран орындалады .

Тәрбиеші дене тәрбиесі жетекшісімен музыкалық сергіту жаттығуын жасайды.

Негізгі бөлім – Спорттық жарыстар:

1. «Көк туды желбірет!» – ту ұстап жүгіру

2. «Тәуелсіздікке жол» – кедергілерден өту

3. «Арқан тарту» – топтық ойын

4. «Кім шапшаң?Кім мерген?» – ұлттық нақыштағы жарыс ,асықты белгілі қашықтықта ,арнайы ыдысқа дәл түсіру.

5. «Киіз үйді құрайық!» – ойын-жаттығу.

Дене тәрбиесі жетекшісі екі команданың қоржынына, әр бөлім сайын асық салып отырады.Аяқталғасын балалармен бірлесе санап,жеңімпаз топты анықтайды.

Тәрбиеші: Жарайсыңдар балалар,сіздер бүгін керемет ойнап,жарыстыңдар!

Дене тәрбиесі жетекшісі: Балалар,енді марапаттау сәтіне көшейік!Бүгін жарадыңдар!

Қорытынды:

* Барлық балалар марапатталады (грамота, медаль, тәтті сыйлықтар)

*«Жаса, Қазақстан!» әнімен қорытынды флешмоб

Күтілетін нәтиже:

*Балалар Республика күні жайлы түсінік алады .

*Ұлттық ойындарға деген, қимыл-қозғалыс ойындарына қызығушылықтары артады.

*Команда болып ойнауға дағдыланады.