Тренинг: «Менің қолымнан бәрі келеді»

Педагог-психолог:

Сарсенбаева Қарлығаш Юсуповна.

Мақсаты: Мүмкіндігі шектеулі балалардың бойынан адами қасиеттерді қалыптастыра отырып, бір-бірімен қарым-қатынасын нығайта түсуге көмек беру. Таным процесстерін дамыту. Ортада өздерін емін-еркін ұстауға, ойын ашық айтуға мүмкіндік беру.

Міндеттері: өз араларында психологиялық қалып ерекшелігін, қарым-қатынас болжамын жасауды; өзін-өзі алып жүруді анықтау. Бір-бірін білу; бір-біріне және өзгелерге құрмет көрсете білу.

Қажетті материалдар: түрлі-түсті қаламдар, қаламсап, А4форматтағы парақтар, әсерлі әуен және т.б.

ТСО: фотоаппарат, проектор, музыкалық орталық.

Тренинг ережелері:

1. Бір-біріңді тыңдау – бұл дегеніміз, сөйлеп тұрған адамға қарау, оның сөзін бөлмеу. Біреу сөзін аяқтағаннан кейін келесі сөз алушы, өз ойын айтпас бұрын алдыңғы сөйлеген адамның айтқанын қысқаша қайталай кетуге болады. Сөз алушы сөйлеп жатқанда үнсіздікті сақтау.

2. Мәні бойынша сөйлеу – бұл кейде қатысушылар талқыланып жатқан тақырыптан ауытқып кетеді. Мұндай жағдайда жүргізуші сөйлеушінің сөзін тыйғаннан гөрі мынадай сөздер айтады: «мен түсінбедім, мұның тақырыпқа қандай қатысы бар? Бұл жерде не меңзеліп тұрғанын айтып кетсең?»

3. Сыйластық көрсету – басқалардың өзіндік ойларымен санасу, оған қатысты бағалаудың болмайтындығы.

4. Нөл-нөл заңы – барлық қатысушылар айтылған уақытта жиналуы.

5. Құпиялылық – бұл жерде айтылған, болған нәрселер тек қатысушылардың арасында қалып қойылу қажеттілігі.

Жоспары:

1. «Мейірімді шақыру» ойыны

Әр қатысушы ортаға шығып, оны қалғандары еркелетіп айтады.

2. «Сөйлемді аяқта» жаттығуы

Адресім.....

Сүйікті ісім .....

Менің жетістіктерім ....

Менің жаман қасиеттерім ....

Менің мінезім ....

Менің қолымнан келеді...

3. «Театр» ойыны

Әр қатысушыға тапсырма беріліп сөзсіз орындап шығу.

• Тамақ жасау - Асық ату

• Пеш жағу - Кітап оқу

• Сабақ жазу - Футбол ойнау

• Өлең айту - Жаңғақ шағу

• Сотка ойнау - Киім кию

4. «Егер де мен.......... болсам, онда........» сөйлемін аяқтау.

• Су

• Шөп

• Қалам

• Күн

• Тас

5. «Мен кіммін?» жаттығуы

Қатысушының арқасына сурет ілініп (ертегі кейіпкелері) өзі сұрақтар қояды. Қалғандары атын атамай жауап беруі керек. Аз сұрақта тауып алған бала жеңімпаз аталады.

6. «Бәрі өз қолыңда» видеоролик

Талқылау сұрақтары:

• Не түсіндіңдер?

• Бала мұғалімін нестегісі келді?

• Мұғалім балаға не деп жауап берді?

• Сен мұғалімнің орнында болғанда не деп жауап берер едің?

7. «Менің қолымнан келеді» жаттығуы

Балаларға шығармашылыққа байланысты барлық заттарды алдарына қойып, өздерінің қалауымен қолдарынан келетін зат жасау. Соңында барлығының жасаған заттарын ортаға шығарып көрсету.

8. Кеңес-тілектер

Жүргізуші суретті қағаздарға жазылған кеңестерді оқып, таратып береді.

Шеңберге тұрып кезектесіп бүгінгі тренингтен алған әсерімен бөлісіп, бір-біріне рахмет айтады.