Менің сүйікті жануарым

Мысық –адамға жақын, сүйкімді үй жануары. Ол ерте заманнан бері адамдармен бірге өмір сүріп келеді. Мысықтың денесі икемді, жүні жұмсақ, көзі өткір болады. Ол қараңғыда өте жақсы көреді және епті жануар.

Мысықтар әртүрлі түсті болады. Олардың ақ, қара, сұр, сары және ала түсті түрлері кездеседі. Мысықтар өз денесін таза ұстайды. Бос уақытында жүнін тазалап отырады. Сондықтан оны өте таза жануар деп атайды.

Мысық сүт ішкенді жақсы көреді. Сонымен қатар ет, балық сияқты тағамдарды да жейді. Ол тышқан аулауға өте шебер. Бұрын адамдар мысықты астық сақтайтын жерлерде ұстап, тышқандардан қорғаған.

Мысық адамға тез үйренеді. Ол иесінің көңіл-күйін сезіп, жанында еркелеп жүреді. Көптеген адамдар мысықты үйінде асырайды. Мысық-ақылды, мейірімді жануар. Сондықтан біз жануарларды қорғап, оларға қамқор болуымыз керек.