«Менің сүйікті мамандығым!»

«Менің сүйікті мамандығым!»

ШҚОКөкпекті ауданы,Көкжайық ауылы

«Бөбек лүпілі» жекеменшік балабақшасының тәрбиешісі:Бекишева Маржан Ахановна

Осы эссемді Абай атамыздың мына сөзімен бастағым келіп отыр «Сенде бір кірпіш дүниеге, кетігін тапта бар қалан». Бұл өмірде өзіңнің мамандығыңды таңдап алып, оны сүйе білмесең онда өз жұмысыңның рақатын да, жемісін де көре алмайсың. Өйткені, әрбір адамның болашағы таңдаған мамандығына тікелей байланысты. Өз ісін жақсы көріп,үлкен жауапкершілікпен атқарғанда ғана адам өзін бақытты сезіне алады. Мен тәрбиеші мамандықты таңдағаныма еш өкінбеймін. Балалармен жұмыс жасау – үлкен бақыт. Себебі, тек қана бала ешнәрсеге алаңдамай мейірімділікке сенеді, кішкентай алақанын менің алақаныма қойып, өз құпияларын айтып маған сенім артады. Пәк көңілді балалармен қарым-қатынас маған қуаныш, шаттық сыйлайды.

«Үш ақ нәрсе адамның қасиеті: ыстық қайрат, нұрлы ақыл, жала жүрек » деп Абай Құнанбайұлы айтқандай осы үш қасиет тәрбиешінің бойынан табылуы керек. Бұл жолда үлкен ізденіс, парасат қажет. Ендеше, тәрбиешінің әр күні ізденіспен, ертеңгі азаматты қалыптастыру жауапкершілігімен ұштасып жатады. Тәуелсіз елдің жас ұрпағын түрде тәрбиелеу – елдік мәселе.

Елбасымыз Н.Ә.Назарбаевтың « Ұлт болашағы білімді ұрпақ қолында» деп айтқан сөзі бізге жарқын болашаққа апарар жолды меңзеп тұрғандай. Шын мәнінде бүгінгі жас ұрпақ – ертеңгі тәуелсіз еліміздің мызғымас тірегі, келешек келбеті. Рухани тәрбие балалық шақтан бастау алып, адам өмірінің әр кезеңінде дами отырып нәтижесінде дамыған жеке тұлғаны тәрбиелеуге өріс алады.

Адамға ең бірінші керегі – білім емес, тәрбие. « Тәрбиесіз берілген білім – адамның қас жауы, ол келешекте оның өміріне опат әкеледі», - деп Әл-Фараби айтқандай, жас ұрпақ бойына бірінші кезекте тәрбие берілуі керек. Тәрбие адам тағдырын ойластырады, болжайды, алдын ала адмның рухани өмірінің көптеген негіздерін сақтайды.

Балғын сәбидің қиялы әр нәрсеге еліктегіш келеді емес пе? Олай болса, таза бұлақтай мөлдір осы бір сәби жүрегін ата-бабамыздан бүгінге жетіп отырған асыл мұрасымен таныстырып, өмірге баулу мына біздің басты парызымыз деп ойлаймын.

Жұмысымыздағы алдыма қойған түйінді мәселем – балалардың танымдық қабілетін жан-жақты дамыту, әр баланың қабілетін, талантын ашу, өз-өзіне деген сенімін нығайту, ұлттық сана сезімін тәрбиелеу және де ана тіліне деген сүйіспеншілігін ояту. Менің алға қойған мақсатымның бірі халық педагогикасын бала бойына сіңіре отырып имандылыққа, адамгершілікке, инабатылыққа, ұлтжандылыққатәрбиелеу. Осы тұрғыда «Ұлттық тәлім-тәрбие» тақырыбында вариативтік сабақ өткіземін.

Мемлекттік стандарт талаптарын орындау барысында ұйымдастырылған оқу іс-әрекеттерінің саясат, ойын, пысықтау, кіріктірілген сабақ түрлерін жиі қолданамын.

Мектепке дейінгі тәрбие мен оқытудың жалпыға міндетті мемлекеттік стандарттарының бес саласының әр бөлімдерінің ұйымдастырылған оқу-әрекеттерінде, ұлттық салт-дәстүрдің барлық түрлерін баланың бойына сіңіру. Мысалы: бесікпен таныстыру, бесікке салу,қыз қуу, тұсау кесу т.б. Өз тәжірибемде халық ауыз әдебиетінің ішінен жиі мақал-мәтелдер, жұмбақтар, жаңылтпаштар, санамақтар, ертегілерді оқу іс-әрекеттерінде пайдаланамын.

Баланы оқыту мен тәрбиелеу біздің балабақшасында да өз жадғасын табуда.

Қызығы да, қиындығы да мол тәрбиешілік жолдан мүдірмей өтсем, менің де биік шыңға шыққаным.

Абай Құнанбаев:

Ақырын жүріп анық бас,

Еңбегңің кетпес далаға.

Ұстаздық еткен жалықпас

Үйретуден балаға, - деген қасиетті қағидасын менің әрдайым жүрегімнің

түкпірінде ұстаймын, ұстанамын.