«Менің сүйікті ойыншығым»

Ұйымдастырылған оқу қызметінің конспектісі

1-ші кіші топ

Тәрбиеші: Муканова Д.Д.

Күні: 04.12.18

Білім беру саласы: Таным.Тіл дамыту.

Тақырып: «Менің сүйікті ойыншығым»

Мақсаты:

Тәрбиелік:Ұқыптылыққа тәрбиелеу

Оқыту : Қандай? Сұрағына жауап беруге және жалғау, жұрнақтарды сөздерге дұрыс жалғап айтуға үйрету.

Дамытушылық: Ойыншықтарды сипаттап айтуға үйрету.

Сөздік жұмыс: Ботақан, құлыншақ

Көптілдік: ботақан – верблюжонок, құлыншақ - жеребенок

Технологиялар: ойын,деңгейлеп оқыту,дамыту

Ресурстармен қамтамасыз ету: Ойыншықтар, үлестірмелі суреттер (ат, ботақан, мысық).

Ұ.О.Ә.барысы:

Ұйымдастыру кезеңі. М. Әлімбаевтың «Ойыншықтар» өлеңін оқып беру:

Біздерде бар қуыршақ,

Бұзау, қозы, құлыншақ.

Ойыншықтар тыңдайды,

Айтқаныңнан шықпайды.

Негізгі бөлім.

Өлеңнің мазмұнын түсіндіріп, өлең жолдарын жаттауға ұсыныс жасайды. Бүгінгі оқу іс- әрекетінде ойыншықтармен танысатындықтарын айтып, балалардан топта, үйлерінде қандай ойыншықтар барларын сұрайды.

-Сенің қандай ойыншығын бар?

-Ойыншықтарынды жақсы көресің бе?

-Қандай? (Үлкен, кішкентай).

-Сен онымен ойнап болған соң, орнына жинайсың ба?

-Ойыншықтардың тұратын жерін білесің бе?

Ойыншықтарды лақтырмай, сындырмай, ұқыпты ойнау керектігін айтады.

«Сиқырлы сандық».

-Кәне, сандықта не бар екен, деп балалардың көңілін аударады.

-Ботақан, мысық, құлыншақ бар екен.

Ботақан, құлыншақ туралы түсіндіреді.

Сергіту сәті:

Тікірейіп құлағы,

Менен бұрын тұрады.

Бойын жазып керіліп,

Беті- қолын жуады.

Балалардың көңілін орманға аударады. «Орамал кімді жасырады екен»,- деп, бір баланың бетіне бір сәтке жабады. Орамалды қайта ашып: «Бұл кім болды екен?» деген сұрақ қояды. Осылай әр баламен ойнайды. Әрқайсысына өз аттарын айтқызады. Тәрбиші тағыда сұрақтар беріп, балалларды көңілдендіріп, сөйлетуге үйретеді.

Мысалы: -Сен қайда тұрасың?

Дидактикалық ойын. «Біздің балалар қайда екен?»

Үлестірмелі материалда берілген сурет бойынша балалардың қайда тығылып отырғанын тапқызу.

Қорытынды: Үлкен ойыншық қайда? Кішкентай ойыншық?

Балаларды мақтау,мадақтау.