МОББ-ның Ақтау ҚБББ-нің №28 «Балдәурен» бөбекжайы МКҚК

Тақырыбы: Менің сүйікті ойыншығым

№1 «Балапан» кіші тобы

Тәрбиеші: Қарауылбек Г.Р

Ақтау-2023ж

№1«Балапан» кіші тобында ұйымдастырылған іс-әрекет

Білім беру саласы:
Ұйымдастырылған оқу қызметі:
Тақырыбы: Менің сүйікті ойыншығым.
Мақсаты: Ойыншықтар жайында әңгімелесу арқылы, балалардың түрлі әрекеттердегі және алуан түрдегі ауызша және байланыстыра сөйлеулерін дамыту. Ойыншықтар туралы әңгімелесу, оларды сипаттап айтуға үйрету. Сөздік қорын молайту. Ойыншықтарды күтіп, ұқыпты ойнауға тәрбиелеу.
Көрнекіліктер: ойыншықтар, (қонжық, мәшине, доп).
Шаттық шеңбері:

Қуанамын мен де.
Қуанасың сен де,
Қуанайық, достарым,
Арайлап атқан күнге!

Тәрбиеші:

-Балалар, қазір жылдың қай мезгілі?

-Күз мезгілінде неше ай бар?

Балалар қолдарын көтеріп, қимылмен көрсетеді.

-Күз мезгілі.

-Үш ай бар.

М.Әлімбаевтың «Ойыншықтар» өлеңін оқып беру:

Біздерде бар қуыршақ,
Бұзау, қозы, құлыншақ.

Ойыншықтар тыңдайды,

Айтқаныңнан шықпайды.

Тәрбиеші:

-Балалар қараңдаршы. Қандай әсем,әдемі ойыншықтар.
-Біз бүгін осы ойыншықтар туралы көбірек білетін боламыз.
-Балалар ойыншықтар бірнеше топқа бөлінеді.
Олар: қатты ойыншықтар, жұмсақ ойыншықтар, резеңке ойыншықтар.
Қатты ойыншықтарға мәшине, ұшақ, пойыз жатса, жұмсақ ойыншықтарға аю,қоян жатады.
Резеңке ойыншықтардың жұмсағы да, қаттысы да болады.

Сергіту сәті.

Ғажайып сәт:

Топқа қоян кіреді.

-Сәлеметсіздерме балалар мен сендермен, қызық ойын ойнау үшін келдім. Дорбам толы сыйлықтар, кім жақсы ойын ойнаса , сыйлықтарды аямаймын.

Ойын: «Кім жылдам?»

Шарты: Қоян көрсеткен ойыншықтың, балалар атын атайды

-Балалар сендер ойыншықтарды жақсы көресіңдерме?

-Қандай ойыншықтарды білесіңдер?

Қимыл келтіріп жаттығуды орындайды

Қоян:

-Жарайсыңдар балалар, сендермен көңілді ойын өткіздік. Ал, балалар енді мен қайтайын. Тамаша, сендер берген тапсырманы жылдам әрі керемет орындадыңдар, қызықты ойын ойнадыңдар. Сендерге көп көп рақмет. Сау болыңдар, балалар. Балалар қоянмен қоштасады.

Күтілетін нәтиже:
Біледі: ойыншықты сипаттауды;
Игереді: ойыншық туралы түсінікті;
Меңгереді: өлең жолдарын жаттауды.