Менің сүйікті пәнім –ағылшын тілі сабағы.

Мектеп бағдарламасында көптеген қызықты пәндер бар. Менің ең сүйікті пәнім – ағылшын тілі. Бұл пәнді терең оқыған оқушының сауаты ашылады, ал сауаттылық адамды мүлдем басқа деңгейге көтереді. Болашақта қандай мамандық таңдасақ та, шет елде жұмыс жасағың келсе ағылшын тілін жақсы меңгеру керек, бұндай қызметкерлер кез-келген жерде бағаланады. Мен ағылшын тілі пәнінен сабақ беретін мұғалімді мұқият тыңдаймын. Ол дарынды және тәжірибелі ұстаз. Оның сабақтары көңілді өтеді. Сөздерді дәптерге әдемі және қатесіз жазуға тырысамын. Тыныс белгілерінің дұрыс қойылуына да назар аударамын. Қазіргі заманда, ағылшын тіліне сұраныс артып, ағылшын тілін білетін адамдар саны көбейіп келеді. Мұндай оқушыларға, келешекте сапалы жоғары білім алу оңайға соғады. Менің ойымша, бұл – мектептегі ең маңызды пәндердің бірі, себебі, ол бізге өмір бойы қажет болады.

Ф.Оңғарсынова атындағы орта мектептің 5-сынып оқушысы Сапих Фатима